Amavesi eBhayibheli adumile avela kokuthi JƆ̃ 16

Dlulisela

Gè nii woga wiɛ ga zii‐laa ɣɛ wo ya de ɣɛɛ vele ma su ɣilekpu da wani. Faa ƃoei ɣa zei wo ma zui zu. Kɛ̀ a wuu zu nɛɛ. Zèe levega zui va.”

Gala baa ŋinɛgi é ga gaama‐lɛɛ nui yá vaa na, towaa pele wulo ga wiɛ gaamai ɣaazɔ zu. Ƃɔvɛlaale ɛ́ lɛ ƃɔɛ ga ƃɔɔ ɣaa‐ƃaa. Kɛ̀ nii nɛpɛ yá mɛni towaa yá bo. Niitiɛ te vaazu ɣɛɛzu, towaa te wo wiɛ.

É yɛga su é ziili vɛ yɔɔzu ma, wɛ dɛ ŋɛni ta nɛpɛ felini nà daa‐zeigi zu. A feli wo, wa maŋɛnii zɔlɔ wo kɛɛ ʋaa ma wa wuu‐zu‐nɛi ziili kwɛ̃ɛ ma.”

Na pɛ ge ɣɛɛvɛ gà gaamai wosu wo ma. Tɔ ga wa wulo‐su‐nu‐ma ʋaa ga gè li. Ƃɔvɛlaale gɛ̀ lɛ ɣɛ liini, kpɔ‐ba‐wo nui lɛ vaa wo wɔ. Kɛ̀ ani gà lii na, gà teve wo wɔ vɛ. Kpɔ‐ba‐wo nui ɣa vaa na, towaa kɛ zui loo ga ná laa ga nii é ga faa yowũ ta nii é ga gaama ta faa‐wo‐gaa‐leveai.

Na ma maa‐wõi loovɛ sa wiɛ nii zu. Kɛ̀ gà wɛlɛ wiɛ kɔnɔ wo wuu zu nɛɛ. Nu nɛpɛ gɛ lɛ wa wuu‐zu‐nɛi wuloa wo ya. Nà maʋoloi wɛ lɛ ŋɛni ta nɛpɛ felia mà. Gè bo wiɛ ga gaama, wa ŋɛni ta nɛpɛ feli na kèea ma, towaa fe wo ya nà daa‐zeigi zu.

Gè bo wiɛ ga gaama, wa kpee loo wiɛ maa wõi, kɛ̀ zui ɣa kuu‐zu‐nɛɛ wulo. Wo maa ɣa wõi, kɛ̀ wa maa‐wõi ɣa wote ga kuu‐zu‐nɛɛ.