Amavesi eBhayibheli adumile avela kokuthi JƆ̃ 14

Dlulisela

Gà zii‐laa yɛsu wo ya. Gà nà zii‐lai ʋeezu wo ya. Gɛ̀ lɛ feezu ga zui‐zu yii‐laa‐ʋee vele. A mɛ lɛ yii zɛlɛ ɔ́ nɔ ɣɛ ga wo luo.

Ziizɛ ɣɛ ma, “Nà ɣa gè ga pelei gè ga gaamai gè ga zɛʋui. Nu nɛpɛ gɛ lɛ vaa kèea Gala pɔ, kɛni manui leve ga pɔ̀ vele.

Ziizɛ ɣɛni tea, “A mɛ lɛ yii zɛlɛ. A yee la Gala ma wo yee la mà ƃalaa pɛ.

Kɛ̀ kpɔ‐ba‐wo nui nii é ga Gala baa ŋinɛgi nii kèea Gala ge vaazu tevesu nà daa‐zeigi zu, towaa wo ɣala bo ga fai ƃɔgɔpɛ é wo ɣi too fai ƃɔgɔpɛ su gè boga wiɛ.

Nui zée nà tɔgitiɛ va yíɛ ziɛ ga tiɛ, manui ɣa é ẁõini. Nui nii é ẁõini, towa kèea Gala ka wõi. Gà manui wõi gè ƃɔɔ ɣavele lɛɛ la.”

Nà wɔ gà kèea Gala feli. Towaa wo vaa ʋaa‐wo nu ta ƃɔnɔ teve é ɣɛ wo woba wɔ. Na ɣa ga Gala baa ŋinɛgi yá gaamai lɛ. Zui lɛ zooga ɔ́ yee zei bú, ƃɔvɛlaale ɛ́ lɛ wɛlɛzu bá ɔ́ nɔ ɣɛ ga é kẃɛ̃. Wo kẃɛ̃ni, toku ge zei ga tɔ wo woba, tɔwɔ towaa ɣɛ wo yii zu.

Nii nɛpɛ wa maɣaa‐zaɣa‐kɛɛ wo nà daa‐zeigi zu, gà kɛ, kɛɛ ʋaa ma saala la kèea Gala ma nài gè ga dúi sàala zu. Ani wa gàa zaɣa kɛɛ na faa ta nɛpɛ ma wiɛ kɛ nà daa‐zeigi zu, gà kɛ.”

Ziizɛ ɣɛni tea, “Ani wo ẁõini, wa ziɛ ga nà tɔgitiɛ.

Kèea Gala na pɛlɛi lamavɛ su. ?È ɣɛ lɛ ŋɛni ŋɛ na, gɔ̀ bo wiɛ ga gà li gè ŋada ɣavele ƃɛtɛ wo ʋaa ma?

Gà li na gè ŋada ɣavele ƃɛtɛ wo ʋaa ma, gà va kɔnɔ gè li ga wiɛ, kɛɛ ʋaa ma vɛ gè na wo ɣɛ na ƃalaa pɛ.

Taamɔ ɣɛ ma, “Gé maliɣii, vɛ è liizu na gɛ́ lɛ ná wɛ̃ni, gá pelei wɛ̃ɛ ɣɛ le?”