Amavesi eBhayibheli adumile avela kokuthi Zlr 27

Dlulisela

Ka vləgagha vla Lazglafta ta wuninik daga ta luwa, nda skwa gadghəl ta gənək, alkama nda ima inabi tani ka haslay. Ka nza mndəra mnduha kavghakavgha ka kwalvaha gha. Ka tsəlɓa mnduha ta haɗikha kavghakavgha ta tsəlɓu ta kəma gha. Ka nza ka ka mgham ta ghəŋa zwana ma gha. Ka tsəlɓa zwana ma gha ta tsəlɓu ta kəma gha. Ka nza mndu ta ksiʼa kagha ka mndu nda ksiʼa, ka nza mndu ta tfaghaghatá wi ka mndu nda tfa wi ta ghəŋa ni, » kaʼa.

Ka Ghesav mantsa: « Tsa vəl tsanaftá hga ni ka Yakubu ya rki kəl tsi, mahisa kləguduɗta ni ta skwa ɗa na na? Tiŋəl má mali mala ɗa klaghu tsi. Ndanana guli ná, ka kləguduɗta ni ta tfa wa ɗa! Ta haɗ pɗakwa tfa wi ŋa ɗa ra? » kaʼa.

Ka da ni Izak nda tsi mantsa: « Dzaʼa nzakway ka diʼiŋ nda gənək, diʼiŋ guli nda wuninik daga ta luwa. Nda kafaya gha dzaʼa mutsaka ta skwi ŋa nzakwa gha nda hafu. Dzaʼa nzakway ka ka kwalva zwaŋama gha. Ama ma ray dzaʼa rə ka ta vliha, dzaʼa ɓliŋ ɓla ka ta tsa zuk faghagha tsi ya, » kaʼa.

Ka Ghesav ɗawuglaŋta da da ni mantsa: « Turtuktuk yeya tfa wi da kagha ri da? Tfaɗigha tfa ta wi ta iʼi guli da! » kaʼa, ka kapəglaŋtá tsi ta lwi ka taw.