Matthew 5
5
1Mrke nhèyè ndo, a nteva a gèƋ za, a n'nzahai, a golahi nenga'a ta herde va a sam na. 2Te deɓa'a a nhüno man a slebda ta, a ngaƋa:
3Mwuffé a sam tenga'a man ndohi ngiƋé ta sla ta ndohi ntawassa'a te maya. 4Mwuffé a sam ndohi man ta kuƋi te ndav ta; aman Zhiklé a da bid ta. 5Mwuffé a sam ndohi man ndav lüɓekwa'a; aman ta da gi a ndohin'ndiherkeda. 6Mwuffè a sam ndohi man ngizura'a a zle ta, ara skwi n'ndai, ara iyam nsai; aman sèi ta da ngézhè"a. 7Mwuffé a sam ndohi man ndo a se ta te va; aman tenga'a ta da si Bi Zhiklé te va. 8Mwuffé a sam ndohi man ndav ta mpana; aman ta da rka Bi Zhiklè.
9Mwuffé a sam ndohi man ta tsi gumai; aman ta da baba ta wud Bi Zhiklè. 10Mwuffé a sam ndohi man ta paraha ta a géƋ ngizura'a; aman kokwar-Bi-Zhiklè a tenga"a. 11Mwuffé a sam kiné, aman taga kiné ma a va, a ta paraha kine, a ta cékélma ambaɓi tsaƋ tsaƋ a géƌ kiné, a géƌ ga. 12Vawuffa, vagu langlanga"a, aman skwi ntul kiné a gi a mbia'a te zhiklé, te géƋè'a. Aman ta paraha ta ndohi nhadka ma hala'a lèmèlèmè.
13Kinè boma herkeda. Boma man a jèn ɓai wurzkwurzka'a, ta da gi a wotata'a a mè Ta gi skwa a vna asaɓai, sèi ta wushedaussa, a ndohi ta mbècè a pa a sak. 14Kinè skwi nhél sam herkeda. Kokwar mbia"a a géƋ za a nghédè azɓai. 15Ta vècè vogwa pitirla, aman ta fi a hwaƋ gadagar azɓai; aman ta fia a géƌè'a, a sam nfi pitirla, te deɓa"a a hela ta sam a ndohi tèlè man ta te gai.
16Gar haha vagu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè. 17Kin hur a kin gaƌa, i shkè a ngéƌéshé ma kita Zhiklè, a ma ndohi nhadka ma, ka ɓai. I shkè a ngéƌéshé ka ɓai, aman i a nrufa'a. 18I gaƌa kinè a vava: Ha giƌfèk a herkeda ta ndev ta, ko lamba staƌ, ko skwi nvèlèhè'a staƌ te ma kita Zhiklè, a zi azɓai, sèi tèlèba n'nga'a.
19Ko wawa man a jèkèda staƌ te va ma kita Zhiklè, ko ma nkèshè'a genè, a slebda ta ndohi ngiƌè arsa, ta da baba na nkèshè'a te kokwar-Bi-Zhiklè. Aman ndo man a da fi gèƋè'a, a slebda ta ndohi ngiƋè a ta fi gèƋè'a arsa, ta da baba na ndo mbia'a te kokwar-Bi-Zhiklè. 20Aman iyè i gaƋa kinè: Sèi ngizura kinè a fena ngizura malamhai a ndohi pharisie mbelembela, man ɓai kin dè a kokwar-Bi-Zhiklè azɓai.
21Kin tsena'a, ara man ta gaƋa ta babababhi kinè: Ka kuƋ ndo ɓai! Ndo man a kéƋè ndo, a kèlé a kita. 22Aman iyè, i gaƋa kinè: Ndo man a gi ndav a géä kramam nenga'a, a kèlè a kita. Aman ndo man a gaƋa na kramam nenga'a 'medekam ndo', a ngu malai, aman ta cémma a géƋè'a. A ndo man a gaƋa: Ka, skwa a ga ka! A ngu malai, aman a dè a vogwa kita.
23Gar haha, aman ka vi skwi ngaya a sam mvi skwi a Zhiklè, a pa ka héré'a, ara man ma a zhé te ndav kramam ngaya a géƌ ngaya, 24jékeda skwi man ka woy a ka va na Zhiklè a sam mvi skwi a Zhiklè; a ko do nshèlèkura'a, a kin menda gumi a hai a kramam ngaya, ga ka shkè, a ka da vi skwi ngaya.
25Aman mayam ngaya a pin ka, valèmda ma kinè a civèƋ dai, man ɓai a de ka a sam ndo kita, a ndo kita a da va ka a ri a sojè, a ta fe ka a gi dangai. 26I gaƋa ka a vava: Ka shkè auda te pa ambalai azɓai, sèi ka pi suli tèlèba, ko sissi a pcè a deɓa azɓai.
27Kin tsena'a, ara man ta gaƋa: Ka gu mphömè ngwoz ɓai! 28Aman iyè, i gaƋa kinè: Ndo man a cèkè di a ngwoz, a ngu mphömè a vna te ndav na ma. 29Aman di ngaya nte civèƋ ri mandai a kalde ka a malai, vedotkoƋauda, a ka kaldaussa. Dara nfèfèn va ngaya staƋ a gedas na, a géƋ va ngaya tèlèba man ta kalda a vogwa kita.
30Aman ri mandi ngaya a kalde ka a malai, ngela na auda, a ka kaldaussa. Dara nfèfèn va ngaya staƋ a gedas na, a géƋ va ngaya tèlè man ta kalda a vogwa kita. 31Ta gaƋa nga a va'a: Ndo man a kwola ngwoz na, sèi a va na Ƌèlèwèr njèkè ngwoz. 32Aman iyè, i gaƋa kinè: Ndo man a kwola ngwoz na, a géƋ mphömè ka ɓai, a kalde ngwoz a mphömè. A ndo man a cè ngwoz man ndo ngiƋè a njèkeda, a gi mphömè.
33Kin tsena a va'a, ara man ta gaƋa ta babababhi kinè: Ka mbaƋa ambali ɓai! Aman sèi ka gi ara ma man ka gaƋa na hi a Bi Zhiklè. 34Aman iyè, i gaƋa kinè: Kin mboƋ ɓi fèt ba! Kin mbaƋa a nzlembaƋ giƋfèk ɓai, aman nenga'a sam n'nzi Bi Zhiklè. 35Kin mbaƋa a nzlembaƋ herkeda ɓai, aman nenga'a sam nfi sak Bi Zhiklè. Kin mbaƋa a nzlembaƋ kokwar Jérusalem ɓai, aman nenga'a kokwar Bi mbia'a.
36Ka mbaƋa a géƋ va ngaya ɓai, aman ka slaha a ka slekaƋa a ka madza gwots gèƋ ngaya azɓai, ko staƋ ba. 37Vagu aman halau kinè, a gi a halau, a a'ai kinè, a gi a a'ai; skwi man kin gèƋè a va'a, ambaɓai.
38Kin tsena'a, ara man ta gaƋa: Dai te di man a dai; zlè'èn te di man a zlè'èn. 39Aman iyè, i gaƋa kinè, aman kin sala va, man ta ga kinè skwi ambaɓia'a ɓai. Man ndo a tsama ka bazlazlam ri mandi ngaya, ka ngwoda na civèƋ ngiƋè. 40Ndo man a woy ma a ka, a ncèma ka maslaka nt'hwaƌa'a, va na dawar a va'a. 41Ndo man a tsa ka rai, a ka feda na ma, ngelka na di cèw! 42Va na ndo man a dzhaƌ ka, ka kalda ma a ndo man a dzhaƌ ka ɓai.
43Kin tsena'a, ara man ta gaƋa: Woy nslamagi ngaya, gu shèwa a ndo mayam ngaya! 44Aman iyè, i gaƋa kinè: Vawoy ndohi mayamhi kinè! Vatsu ri a géƋ ndohi man ta paraha kinè! Vaga ta skwi man amba a ndohi man ta ga kinè shèwa, 45aman kin ndi a wudahi Bab kinè te zhiklè. Nenga'a a gi aman pats a vèngè a géƋ ndohi ambaɓihia'a, a géƋ ndohi man amba, a gi aman iyam a shkèhai a géƋ ndohi nzura'a, a géƋ ndohi nzura ka ɓai, cèw ba.
46Aman kin woy ndohi man ta woy kinè genè, kin ngècè mè? ncèkèlè skwai ta gi arsa azɓi ƌè? 47Aman kin ga ta mbalai a kramamhi kinè genè, kin fen ta a mè? Ndohi nte deɓa ta gi arsa azɓi Ƌè? 48Gar haha sèi kin ndikè a sam jèlèlè'a, ara Bab kinè te zhiklè, jèlèlè'a.
Mofa New Testament © The Bible Society of Cameroun, 1989