Matthew 4
4
1Te deɓa'a Mèzhèɓ Zhiklè a n'nda Yèsu a hèshèkèƋ, aman bi madzagai a mpi a wai. 2M'mèn 40 a n'nda skwi n'ndi ɓai, a mi a nkeƌa'a. 3A ndompendoawai a mshkè a sam na, a ngaƋa:
Aman ka, ka kra Zhiklè, gaƋa ta kwahi haha, a ta ngwèdè va ta a movar!
4Yèsu a m'mbeƋa na a ma:
Ta windo te Ƌèlèwèr Zhiklè: Ndo a nzi a nshèffè a géƋ movar genè ka ɓai; aman a géƋ ma staƋ staƋ tèlèba, man a shkè auda te ma Zhiklè.
5A bi madzagai a n'nda Yèsu a kokwar nkezla'a, a géƋ gi Zhiklè, 6a ngaƋa na:
Aman ka, ka kra Zhiklè, kalde va ngaya a hai! Aman ta windo te Ƌèlèwèr Zhiklè: Zhiklè a da gaƋa ta golahi nenga'a, aman a ta ɓer ka, a ta ndaw ka, aman kwa a da tsama ka sak azɓai.
7A Yèsu a ngaƋa na:
Ta windo te Ƌèlèwèr Zhiklè za'a: Ka jkeda Bi Zhiklè ngaya ɓai!
8A bi madzagai a n'nda Yèsu a géƋ za mbia'a, a n'ngreda na kokwar-Bihiherkeda tèlèba, a n'njèl tenga'a, 9a ngaƋa na:
Skwi haha tèlèba i woy man a i va ka, aman ka kèlèhi a deɓ sak ga, a ka slebardyè.
10Aman Yèsu a ngaƋa na:
Kazla ngay auda a tsagi ga, SaƋan! Aman ta windo te Ƌèlèwèr Zhiklè: Sèi ka slébèrdè Bi Zhiklè ngaya staƋ genè, a ka gi mizlinè nenga'a staƋ genè.
11Te deɓa'a bi madzagai a njèkeda Yèsu a pa. Na haha, golahi Zhiklè ta shkè a sam Yèsu, a ta takaha. 12Aman Yèsu a ntsena'a, ta gso Jean ma, a n'ndo na a kokwar Galilée. 13A njèkeda kokwar Nazareth, a mshkè, a n'nza te kokwar Capemaum, a ma iyam mbia'a, a ma kokwar Zabulon a Nephthali. 14Gar haha a ngu ara man Esaie, ndo nhadka ma, a goƌ a géƌ
15ndohi Zabulon, a ndohi Nephthali, a ma iyam mbia'a, te wud woyam Jourdain, a ndohi herkeda te kokwar Galilée, 16ndohi man ta nza te ruva, ta rka skwi nhél sam mbia'a; a sam ndohi man ta nza a sam m'metsai, te mèzhèɓ m'metsai, skwi nhél sam a nhulko gèƋ.
17A pats nasa, Yèsu a nhüno man a njè ta ma Zhiklè, a ngaƋa:
Vangwode ndav kinè, aman kokwar-Bi-Zhiklè a zhè ndul ndul!
18Aman Yèsu a shèwèlè a ma iyam mbia'a te Galilée, a nrka ta ndohi cèw, ta a kramam na. Simon, man ta baba na Pierre, a André, kramam na. A ta kèldè lata a iyam, aman tenga'a ndohi mpèr klèf. 19A Yèsu a ngaƋa ta:
Vadzadzarkayè, a i ndede kinè a ndohi mpèr ndo!
20A nasa nasa ta jèkeda latahai, a ta dzodzora. 21Aman Yèsu a n'ndo a ma, a nrka ta ndohi ngiƋè cèw, ta a kramam na: Jacques, kra Zébédée, a Jean, kramam na. Ta te wurom a Zébédée, bab ta, a ta til latahi ta. A Yèsu a mbaba ta. 22Tsam-tsam ta jèka na wurom a bab ta, a ta dzodzor Yèsu.
23Yésu a nsawala te kokwar Galilée tèlèba, a nsenda ta te gi-njèngè-ma-Zhiklè, a n'njè ta ma mbela'a man a kokwar-Bi-Zhiklè, a m'mbel ta ndohi matakwan te skwi ndzi tsaƌ tsaƌ.
24A labar ma nenga'a a zlèzlèmè te kokwar Syrie tèlèba. A ta cko ndohi man skwa a dza ta tèlèba a sam na, a matakwan tsaƋ tsaƋ, a skwi ndzi tsaƋ tsaƋ, ndohi zluèƋ a ndohi man mèzhèɓ ambaɓia'a a ga ta, a ndohi man sak m'metsa, ri m'metsa; a nenga'a a m'mbel ta. 25A ndohi rèdèdè'a ta dzodzora, te Galilée, te Dècapole, te Jèrusalem, te Judèe, te wud woyam Jourdain.
Mofa New Testament © The Bible Society of Cameroun, 1989