ATÜNNAK 5
5
Adam Ah Htangshon Gui
(1Stn 1:1-4)
1Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci. 2Pami la hnumi cu tüisho ne phyisä neta, Hniciim chang ah ang ming a sui ah kyak ci.) 3Adam cu a khawkum 130 a law sangung amät ah mäih lawk ciah pami ah hta ne, aming cu Seth ah sui ci. 4Cun kawn ah Adam cu khawkum 800 ghing ba ne ang shawih ah hta ba ci. 5Adam cu a khawkum 930 ung sik ci.
6Seth cu a khokum 105 ung pamihta ah hta ne Enosh ah sui ci. 7Cun kawn ah a khawkum 807 ghing ba ne ang shawih ah hta ba ci. 8Seth cu a khawkum 912 ung sik ci.
9Enosh cu a khawkum 90 ung pamihta ah hta ne Kenan ah a ming sui ci. 10Cun kawn ah khawkum 815 ghing ba ne, ang shawih ah hta ba neta, 11a khawkum 905 ung sik ci.
12Kenan cu a khawkum 70 ung pamihta ah hta ne Mahalalelah ah a ming sui ci. 13Cun kawn ah khawkum 840 ghing ba ne ang shawih ah hta ba neta, 14a khawkum 910 ung sik ci.
15Mahalalelah cu a khawkum 65 ung pamihta ah hta ne, Jared ah a ming sui ci. 16Cun kawn ah khawkum 830 ghing ba ne ang shawih ah hta ba neta, 17a khawkum 895 ung sik ci.
18Jared cu a khawkum 162 ung pamihta ah hta ne Enok ah a ming sui ci. 19Cun kawn ah khawkum 800 ghing ba ne ang shawih ah hta ba neta, 20a khawkum 962 ung sik ci.
21Enok cu a khawkum 65 ung pamihta ah hta ne Methuselah ah a ming sui ci. 22Cun kawn ah a khawkum 300 güt ung Khanpughi awn atäng ah ghin om ne, 23a khawkum 365 güt ung ghing ne om ci. 24A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.
25Mehtuselah cu a khawkum 187 ung pamihta ah hta ne Lamek ah a ming sui ci. 26Cun kawn ah a khawkum 782 güt ghing ba ne, ang shawih ah hta ba neta, 27a khawkum 969 ung sik ci. 28Lamek cu a khawkum 182 ung pamihta ah hta neta, 29“Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci. 30Lamek cu a khawkum 595 ghing ba ne, ang shawih ah hta ba neta, 31a khawkum 777 ung sik ci.
32Noah cu a khawkum 500 a law kawn ah pami thum ah hta ci, cun gui cu Shem, Hem, la Japheth ah kyak ci.
Cho Bible Common Language © Bible Society of Myanmar, 2016.