Markos 7
7
7 Ik.
1Orowa, Shinuma koro koikara utara tumugeta okai utara use tekehe ani, shomo afuraye teke ani, koro 2aep ibe katu nukara Yerusarem wano araki Parisee un utara newa kambi-nuye utara Shinuma otta uwekarapa. 3Parisee un utara newa obitta no okai Yudea un utara anak ne ekashi koro oina shikkashima gusu irammakaka tekehe yashke shomoki chiki, aep shomo ibe ruwe ne: 4orowa, nei utara ihok ushike orowa no araki ita yai-furaye shomoki chiki, ibe shomoki: samata, tuki hene, itangi hene, shiunin-kani op hene, furaye korachi an no okai moshima an buri koro wa shikkashima ruwe ne. 5Orowa, Parisee un utara newa kambi-nuye utara Shinuma otta ene itak-hi :— Hemanda gusu E koikara utara anak ne ekashi koro oina nei no apkash shomoki no use teke ani aep ibe ya? ari nu. 6Orota Yesu ene itak-hi :— Kankapkapeka utara, echi utara gusu chieshinnuye wa an korachi, Isaya pirika no uweingara ki :—
Tan utara anak ne koro papush ani en ko-oripak,
Koroka, koro keutum anak ne en kattuima no okai ruwe ne.
7Koroka, raka isam no nei utara en ko-ongami,
Ainu kara epakashi ani ipawetenge nei no epakashnu ruwe ne na.
8Echi utara anak ne Kamui sange kashpaotte emaka wa ainu kara oina shikkashima ruwe ne. 9Shui, orota Shinuma ene itak-hi :— Echi koro oina nei no echi ki kuni ne, Kamui ikashpaotte earikinne echi ekatupase ruwe ne. 10Inambe gusu ne yakun, Mose ene itak-hi :— E koro ona e koro unu eoripak yan, orowa, koro ona koro unu gusu wen itak sange gurʼanak ne son no poka nei rai ambe erairero: ari Mose itak. 11Koroka, nen ne yakka ani en orowa no e yai-epirikare eashkaibe Korban ne, nei ambe anak, Kamui otta 12ayangep ne ari an itak ani koro ona koro unu otta ye chiki, nei ona unu gusu nep ne yakka ki kuni echi hattoki ruwe ne; 13echi utara anak ne echi sange oina ani Kamui itak isamka; samata, inne nei no okaibe echi ki ruwe ne. 14Orowa, kanna shui inne utara shikekote 15hotuyekara wa orota ene itak-hi :— Echi utara obitta En nu wa eramu yan; nep ne yakka ainu soige wa an okaibe ainu oshike un ahun wa shinuma turu-ushtep isama: 16koroka, ainu orowa no oashin ambe anak ne ainu turu-ushte ruwe ne. 17Orowa, Shinuma inne utara hoppa wa chisei orun ahun chiki, koro koikara utara anak ne nei itak-maukushte-itak nu nisa ruwe ne. 18Orota Shinuma ene itak-hi :— Echi utara ne yakka ene ramu-sak ya? Nep ne yakka soita an okaibe anak ne ainu oshike un ahun wa shinuma turu-ushte eaikap; 19nei ambe anak ne shinuma koro keutum orun ahun shomoki no honi oshiketa ran, aige, rera otta oashin ruwe ne, ani an ambe echi eramu an shomoki ya? Nep aep ne yakka turu-asaktep ne ruwe ne, ari itak. 20Orowa, ene itak-hi :— Ainu orowa no oashinbe anak ne nei ambe anak shinuma turu-ushte ruwe ne. 21Inambe gusu ne yakun, oshike wano, ainu utara keutum wano wen yainu-hi hene, 22hoiyo ambe hene, ikka ambe hene, keukbe hene, omoinu ambe hene, yaikoshipuinere-hi hene, wen-buri hene, kokandama ambe hene, ramupekere hene, wen-shiki hene, 23koatcha ambe hene, shiokunnure ambe hene, haitaburi hene; tap okaibe obitta onnaige wano hetuku wa ainu turu-ushte ruwe ne gusu ne na, sekoro itak.
24Orowa, Shinuma hopuni wa nei kotan wano paye hine Turos newa Sidon kotan orun oman nisa ruwe ne. Awa, chisei orun ahun wa nen ne yakka shomo eramʼan kuni kon rusui; koroka, anuina eaikap ruwe ne. 25Aige, koro pon matkachi Ichakkere ramat shikatkari wa an shine shiwentep anak ne Shinuma gusu an orushpe nu wa nani ek hine Shinuma chikiri samaketa hachiri ruwe ne. 26Nei shiwentep anak oya kotan un gunʼne, Suropenisia un guru sanike ne ruwe ne. Shinuma nei matkachi orowa no Ichakkere ramat oashinge kuni ne ekoramkon na. 27Orota Shinuma ene itak-hi :— Hoshiki no poho utara kironnure yan: po utara koro aep uk wa seta otta koropare ambe anak ne pirikap shomo ne ruwe ne gusu ne na, ari itak. 28Koroka, nei shiwentep Shinuma otta ene itak-hi :— Ruwe un Utarapa, yakka set choropoke un seta anak ne po utara aep uibe ibe ruwe ne. 29Orota Yesu ene itak-hi :— Nei no e itak an gusu, oman yan, e koro matnepo wano nitne kamui oashin wa isam ruwe ne, ari itak. 30Orowa, shinuma anak ne koro uni un oman wa poho shotki kata hotke wa an shiri nukara, awa, nitne kamui oashin wa isam shiri ne ruwe ne.
31Orowa, shui Shinuma Turos kotan hoppa hine Sidon kotan orun arapa, aige, Dekaporis kotan noshike kush wa Gariraya atui orun ek. 32Awa, utara anak ne itak eaikap ashpa uwopuk guru Shinen Shinuma otta tura wa araki; aine, shinuma kata tekehe ande kuni koramkoro. 33Orowa, Shinuma inne utara orowa no oyake un ainu isam ushiketa, nei guru ani wa arapa, orowa, kisara otta ashikepet omare hine topsekara, 34aige, parumbe tomooshma; orowa, kando orun hepuni ingara hine tanne heisei ki, aine, nei guru otta :— Eppata, ani itak; tan itak anak ne, “amaka yan,” sekorʼan itak ne ruwe ne. 35Orowa, koro kisara amaka, parumbe richi apita, samata, shinuma itak nisa ruwe ne. 36Orowa, nei utara iteki moshima guru nure kuni kashpaotte: koroka, Shinuma poron no ikashpaotte pakno, naa mashkin no nei orushpe utara assuru ashte nisa ruwe ne na. 37Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.
© British and Foreign Bible Society 1897, 2018