Markos 6
6
6 Ik.
1Orowa no, nei ushike wano Shinuma soine, awa, koro kotan orun ek; aine, koikara utara nei osh paye nisa ruwe ne. 2Shini toho an koro Uwekarapa chisei ta epakashnu heashi: orowa, inne utara nu wa iyokunnure, awa, ene itak-hi :— Tan guru anak ne tap okaibe hunak wa koro ya? Tap okai kiroro an ikip ambe koro teke ani ki kuni mondum tan guru otta akore wayashnu-i nekon a ambe ne mwe he an? 3Tambe anak ne bancho ne guru, Maria koro poho shomo ne ya? Yakob hene, Yoses hene, Youdas hene, Simon hene, koro okkai ainu uiriwak shomo ne he an? Samata, koro matne ainu uiriwak teda un tura no okai shomo ne mwe he an? ari itak. Orowa, nei utara Shinuma gusu epetchiu nisa ruwe ne. 4Orowa nei utara orota Yesu ene itak-hi :— Uweingara guru anak ne yaikota koro kotan ta hene, koro uiriwak utara tumta hene, koro uni ta hene shomo ne chiki aeoripak sak no an ambe shomo ne ruwe ne, ari itak. 5Orowa, nei ita kiroro an ikip iki eaikap ruwe ne, ouse moyo no okai tashum ki utara kata koro teke ande wa iwangere nisa ruwe ne. 6Nei utara eumbipkap Shinuma enushkari nisa ruwe ne na. Orowa, Shinuma okari okai kotan orun oman wa epakashnu nisa ruwe ne.
7Orowa, Shinuma nei tu niu ikashima wa niu shihekote hotuyekara wa tun range payere heashi; awa, Ichakkere ramat oashinge kuni mondum koropare; samata, 8payekai gusu kuwa moshima nep ne yakka koro shomoki kuni kashpaotte; aep hene, pusaru hene, ichen o pukuru otta kani hene iteki koro kuni kashpaotte; 9koroka, shutu keire ush koro paye; samata, tu amip iteki yaitomchiure kuni kashpaotte nisa ruwe ne. 10Orowa, orota ene itak-hi :— Nep chisei ta ne yakka echi ahup chiki echi ehopiru wa paye pakno nei chisei ta reushi yan. 11Orowa, nep ushike ne yakka echi uk shomoki no shomo echi nu chiki, nei ushike orowa no echi paye koro, nei utara epeka no an paweteshu ne gusu echi chikiri pok ush koponchi tuituye yan, ari itak. 12Orowa, nei utara paye wa utara yaikokatpak kuni upaskuma ki nisa ruwe ne. 13Samata, inne nitne kamui oashinge, orowa, inne tashum ki utara kata shum ota wa iwangere nisa ruwe ne na.
14Orowa, Moshiri shikkashima guru Herod anak ne nei orusbpe nu; Shinuma kon reihei assuru aashte wa an ruwe ne gusu ne na: aige, ene itak-hi :— Baptisma kore Yoannes rai-i orowa no hetopo-a-shiknure, tambe gusu tap kiroro an ambe Shinuma oshiketa iki ruwe ne, ari itak. 15Koroka, Ericha ne ruwe ne ani ye utara okai. Orowa, uweingara guru hene uweingara guru korachi hene ne ruwe ne ani itak utara okai. 16Koroka, Herod nu chiki, sapaha ku otuye yara Yoannes ne, hetopo-a-shiknure wa an na, ari itak. 17Inambe gusu ne yakun, Herod yaikota anak ne koro iriwak Piripos koro machi Herodias gusu teshkara wa Yoannes kishimare hine tupetupe wa upakashnu chisei orota omare yara nisa ruwe ne; shinuma nei shiwentep ahupkan nisa ruwe ne gusu ne na. 18Orowa, e koro iriwak koro machi e ahupkara ambe anak ne tuitak oterekep ne, sekoro Yoannes Herod otta ye nisa ruwe ne gusu ne na. 19Orowa, Herodias anak ne shinuma keshke hine raigere rusui a koroka eaikap ruwe ne; 20inambe gusu ne yakun, Herod anak Yoannes koishitoma, shinuma oupeka newa ashkanne guru ne sekoro eramʼan wa irammakaka shikkashima nisa ruwe ne gusu ne na. Orowa, shinuma nu chiki usa keutum utumashi ki: samata, yaikopuntek wa shinuma ye itak nu nisa ruwe ne na. 21Orowa, ki kuni pirika toho an koro, Herod anak ne koro hekatu toho ta koro nishpane utara hene, tumikoro utara esapane utara hene, 22Gariraya moshirʼun pase utara hene gusu marapto koro; orowa, Herodias koro matne po ahun wa rimse hine Herod newa ibe gusu tura no rok utara nupetnere; awa, Moshiri shikkashima guru anak ne nei matkachi otta, nep ne yakka e kon rusuibe e en koramkoro chiki e kore ash kusu ne, ari itak. 23Samata, otta shinuma shiyuppa no ekambakte ki wa nep ne yakka aokai en koramkorobe, ku moshiri nimara pakno, e kore ash na, ari itak. 24Orowa, shinuma soine wa nep ku koramkoro kusu ne ya kunak orushpe koro habo otta nu. Orota koro habo ene itak-hi :— Baptisma kore Yoannes sapaha ekoramkoro yan, ari itak. 25Orowa, nani shinuma chashnu no Moshiri shikkashima guru otta ahun wa koramkoro hine ene itak-hi :— Nima kashiketa Baptisma kore Yoannes sapaha ande wa tane en kore kuni ku koramkon na. 26Orowa, Moshiri shikkashima guru shiri yairamkoiki ruwe ne; koroka, shiyuppa no ekambak itak an gusu newa ibe gusu tura no rok utara gusu nei matkachi ekatupase shomoki. 27Awa, nani Moshiri shikkashima guru yaikota epungine gusu okai shine tumi-koro guru omande wa Yoannes sapaha koro wa ek kuni kashpaotte nisa ruwe ne; awa, 28shinuma oman wa upakashnu chisei ta an Yoannes koro sapa otuye, aige, nima kata ande wa koro wa ek hine matkachi otta koropare; matkachi anak ne koro habo orota kore nisa ruwe ne. 29Orowa, Yoannes koro koikara utara anak ne nei orushpe nu chiki araki hine nei kaise uk wa iyurui orota omare nisa ruwe ne na.
30Orowa, apostoro utara anak ne Yesu orota uwekarapa; aige, orota nep ne yakka karape, nep ne yakka ki epakashnu ambe nure nisa ruwe ne. 31Orowa, Shinuma nei utara orota, Echi yaikota oyakta an kim un ushike paye wa irukai shini anro, ari itak. Inne utara araki hemhem ki paye hemhem ki wa aep ibe katap pakihi isam ruwe ne gusu ne na. 32Orowa, chip o hine oyake un kim un ushike paye nisa ruwe ne. 33Paye shiri utara nukara koro inne no eamkiri gusu obitta no okai machiya orowa no hoyupu wa ya peka nei ushiketa etoko uwekarapa nisa ruwe ne. 34Orowa, Shinuma ek wa poro inne utara nukara, aine, erampokiwen wa kore, nei utara reshpa guru sak hitsuji chikoikip korachi ne ruwe ne gusu ne na; orowa, Shinuma inne, orushpe epakashnu heashi nisa ruwe ne. 35Orowa, tane tokap okere ehange ita orota koikara utara araki wa ene itak-hi :— Tan ushike kimta ne, 36tokap anak ne aokere; nei utara yaikota gusu nepka aep hok kuni ne okari okai machiya otta hene kotan otta hene payere yan, ari itak. 37Koroka, Shinuma ese wa ene itak-hi :— Echi utara ibere yan. Orota nei utara ene itak-hi :— Chi paye ash wa wan hot denaria pakno an aep hok wa ibere ya? 38Orota Shinuma ene itak-hi :— Pantak hempakbe echi koro? Oman wa ingara, ani itak. Orowa eramʼan chiki, ashiknep okai, samata, tu chep an ruwe ne ari itak. 39Orowa, Shinuma anak ne okai utara ikiri range ikiri range fukinani mun kata rok kuni kashpaotte nisa ruwe ne. 40Awa, ikiri range, ashikne hotne range no an ikiri hene, wan e re hotne an ikiri range hene rok nisa ruwe ne. 41Orowa, Shinuma nei ashikne pantak newa tu chep uina hine kando orun liepuni ingara wa nunuke ki, orowa, pantak meshpa; aige, nei tu chep obitta no okai utara otta eimek nisa ruwe ne. 42Awa, utara obitta ibe wa kironnu nisa ruwe ne. 43Orowa, ameshpa uibe tu saranip ikashima wan saranip umomare, chep ne yakka shem korachi ne. 44Nei pantak ibe utara anak ne go sen nin ne ainu ne ruwe ne.
45Orowa, nani Shinuma yaikota inne utara payere rapoketa koro koikara utara chip ore wa kotchaot ekush un Betsaida orun paye kuni kashpaotte mwe ne. 46Orowa, Shinuma utara etukopak okere chiki, inonno-itak ki gusu nupuri orun oman nisa ruwe ne. 47Orowa, onuman an koro chip atui noshike an, awa, Shinuma anak Shinen ne ya ta an ruwe ne. 48Aige, rera wen wa gusu nei utara chip o kuni monraige eshingi shiri Shinuma nukara chiki, an ine pungi pakita atui kata apkash wa orota ek ruwe ne; aine, nei utara koakkari kotom an, 49awa, nei utara Shinuma atui kata apkash shiri nukara, aige, ainu tukap ne kunak yainu gusu hawe ashte ruwe ne: 50nei utara obitta Shinuma nukara wa keutum chiukopoye ruwe ne. Koroka, Shinuma nani otta itak ki, awa, Ramu ritetke yan; 51Kuani ne; iteki ishitoma yan, ari itak. Orowa, Shinuma nei utara otta chip orun ahun; aige, rera isam; awa, nei utara koro keutum ta shiri enushkari nisa ruwe ne: 52inambe gusu ne yakun, nei pantak orushpe erampeutek, koroka, koro sambe anishtere wa an nisa ruwe ne gusu ne na.
53Orowa, atui-tomotuye wa ya ta shirepa, aine, Gennesaret kotan orun araki wa atui samta chip kote nisa ruwe ne. 54Orowa, chip yap, aine, nani utara Shinuma eamkiri gusu, 55obitta nei kotan shikapneka no paye wa atarape kata hotke wa okai tashum ki utara Shinuma an ushike nu wa orota ani wa araki heashi. 56Orowa, neita ne yakka nep kotan orun hene, machiya orun hene, ushike orun hene, oman yakun, utara anak ne ihok ushiketa tashum ki utara are, orowa, ouse Shinuma koro mipihi chingi patek tomooshma kuni koramkoro: orowa, nen ne yakka nei ambe tomooshma guru anak obitta iwangere nisa ruwe ne na.
© British and Foreign Bible Society 1897, 2018