Mareko 2
2
PENE II - 2
Te tangata akangoru: ko Levi: to Iesu kaikai anga ma te au telona ra: kare te au pipi a Iesu e akakore i te kai; te sitona i te uuti angaia e ratou i te sabati.
1E OPE akera te reira puke ra, #Mata 9:1; Luka 5:18oki akaou atura aia i Kaperenauma; e kitea iora e, tei roto aia i te are; 2Kua uipa maira te tangata i reira e manganui, kare oki e o mai, kare rai oki i vaitatao i te ngutupa: apii atura aia ia ratou i te tuatua a te Atua. 3E te apaiia maira tetai akangoru e nga tangata toko a; 4Kare akera ratou i o mai i te rai o te tangata, kua uaki akera i te tapoki i te ngai tei reira aia ra, e tuku maira i te akangoru ma te roi katoa ki raro, na roto i te ngai i uakiia ra. 5E kite aturā Iesu i to ratou akarongo, kua na ko atura ki taua akangoru ra, E tama, kua akakoreia taau ara. 6Tetai aronga tata tuatua ra i te noo anga i reira, kua na ko akera, i te eumiumi anga ki roto i to ratou ngakau, 7Eaa teianei tangata i akapera i te akakino Atua? #Iobu 4:14; Isa 43:25E matara oki te ara iaai mari ra i te Atua #2:7 Tikaanga - anake.auake ra? 8#Mata 9:4Te kite ua ra Iesu i roto iaia uaorai e, te eumiumi ua ra ratou, kua na ko atura aia kia ratou, Eaa kotou i eumiumi uaʼi i taua au mea nei i roto i to kotou ngakau? 9#Mata 9:5Teea te mea rave ngoie, ko te tuatua ainei ki te akangoru nei e, Kua matara taau ara; e ko te tuatua aina, Ka tu ki runga, ka rave i to roi, ka aere? 10Kia kite ra kotou e, e mana to te Tamaiti a te tangata i te ao nei kia akakore i te ara: (kua na ko atura aia ki taua tangata akangoru ra,) 11Te karanga atu nei au kia koe, Ka tu, ka rave i to roi, ka aere ki toou ngutuare. 12Tu akera aia ki runga i reira ra, kua rave iora i tona roi, aere atura ki mua ia ratou ravarai; umere anake iora ratou ma te akakakā i te Atua, na ko akera, Teia ua nei rai i kiteaʼi e matou teianei ravenga.
13 #
Mata 9:9
Aere akaou atura aia ki te pae o taua roto ra; kua aere maira oki te tangata tini i reira ra kiaia, kua apii atura aia ia ratou. 14#Mata 9:9; Luka 5:27E te aere atura aia ra, kite atura aia ia Levi a Alephaia ra, te noo ra i te are telona; kua na ko atura aia kiaia, Ka aru mai iaku. Tu akera aia ki runga, aru maira iaia. 15#Mata 9:10E te noo ra aia i te kaingakai i roto i tona are, kua noo katoa maira te au telona e te aronga rave ara e manganui, ma Iesu katoa e tana au pipi ra; e manganui oki o taua aronga ra i aru iaia. 16E kite akera te au tata tuatua e te au Pharisea iaia, i te kai anga i te kai, koia ma te au telona e te aronga rave ara, kua na ko maira ratou ki tana au pipi, Eaa aia i kai katoaʼi, e i inu ei oki, e te au telona e te aronga rave ara nei? 17E kite akerā Iesu, kua karanga atura kia ratou, #Mata 9:12,13; 18:11; Luka 5:31,32; 19:10; 1 Timo 1:15Kare no te aronga ora te taunga, no te aronga maki ra; kare au i aere mai e tiki i te aronga tuatua-tika ra, i te aronga ara ra, kia tataraara.
18 #
Mata 9:14; Luka 5:33 Kua aere maira kiaia te au pipi a Ioane e ta te au Pharisea, ko tei mātau i te akakoreanga kai, na ko maira, Te akakore nei te au pipi a Ioane e ta te au Pharisea nei i te kai, eaa taau nei au pipi i kore ei i akakore i te kai? 19Kua na ko atura Iesu kia ratou, Te akakore nei aina, te au oa o te tane ou ra i te kai, i te noo katoa anga o taua tane ou ra ki o ratou? Te noo ra te tane ou ra i rotopu ia ratou, kare a ratou e akakoreanga kai i reira. 20Te vai atura ra te tuatau e apai keiaʼi te tane ou ra; ei reira ratou e akakore ei i te kai. 21Kare e tangata e pananaki i te kakau ou ra ki runga i te kakau piro; kia pera, e maata atu ïa te ngaae to te mea piro i taua pananaki ou ra. 22Kare oki e tangata e tuku i te wina ou ki roto i te āriki taito; kia pera, e ngaae te ariki i taua wina ou ra, maringi atura ïa, e kino rava atura te āriki; ei ariki ou ra to te wina ou e tikaʼi.
23 #
Mata 12:1; Luka 6:1 E te aere atura aia i tetai sabati na roto i te koro sitona ra, #Deu 23:25uuti aere iora tana au pipi i te ua sitona. 24Kua tuatua maira te au Pharisea kiaia, I na, eaa ratou i rave ei i te mea tau kore i te ture i te sabati? 25Kua karanga atura aia kia ratou, Kare aina kotou i tatau i #1 Samu 21:6ta Davida i rave, e tei kapiti katoa iaia, ka apiapi ei ratou, ka pongi ei oki? 26E i tomo aia ki roto i te are o te Atua ra i te tuatau i te taunga maata ra ia Abiatara, e kua kai iora i te manga o te aroaro ra, e kua apai oki na tei kapiti katoa iaia ra, #Exo 29:32,33; Levi 24:9ko tei kore e tau i te ture kia kai, mari ra na te kau taunga anake ra? 27Kua na ko atura oki aia kia ratou, I akonoia te sabati no te tangata, kare te tangata i akonoia no te sabati: 28E teianei, #Mata 12:8ko te Tamaiti a te tangata nei, ko te Atu katoa ia o te sabati.
The Holy Bible in Cook Islands Maori, Reprinted from the edition of 1888 © United Bible Societies, 1972.