Matayo 10
10
Yesu atuma abigishwa biwe cumi na babiri kwigisha
1Ahamagara abigishwa biwe cumi na babiri, abaha ububasha ku mpwemu zihumanye n’ubgo kuzisenda, no gukiza indwara zose n’ubumuga bgose.#Mrk 6:7–13; Luk 9:1–5 2Amazina y’izo ntumwa cumi na zibiri n’aya: Uwa mbere ni Simoni, yitwa Petero, na mwene nyina Andereya, na Yakobo mwene Zebedayo na mwene nyina Yohana,#Mrk 3:14–19; Luk 6:13–16; Yoh 1:40–49 3na Filipo na Barutolomayo na Toma na Matayo umutozakori, na Yakobo mwene Alufayo, na Tadayo, 4na Simoni Umunyakananayo, na Yuda Isikaryota, umwe yamugura.
5Abo cumi na babiri Yesu arabatuma ababarira, ati Ntimuze mujane inzira ija mu banyamahanga, canke mu bisagara vy’Abasamariya. 6Ariko muje mu ntama zazimiye zo mu muryango wa Isirayeli.#Mat 15:24; Ivyak 13:46; Yer 50:6 7Uko mugenda kwose mwigishe, mut’ Ubgami bgo mw ijuru buri hafi.#Mat 4:17; Luk 10:9 8Mukize abarwaye, muzure abapfuye, mukize abanyamibembe, musende abadayimoni. Mubiherewe ubusa, mubitangire ubundi.#Ivyak 20:33 9Ntimutekere izahabu cank’ ifeza cank’ amahera mu mipfuko yanyu, 10cank’ isaho y’impamba, kandi ntimujane amapfundo abiri, cank’ inkweto cank’ inkoni, kuk’ umukozi akwiye impembo yiwe.#Luk 10:4; 1 Tim 5:18; Guh 18:31 11Igisagara cose cank’ imihana muzoshikamwo, muhabaze ūbereye, mumurārire gushitsa aho muzovirayo. 12Mucinjira mu nzu muyiramutse;#Luk 10:5, 6 13nya nzu ni yaba ibereye, amahoro yanyu azoyizako. Ni yaba itabereye, amahoro yanyu azobagarukako. 14Kand’ umuntu n’atabākīra, canke ngo yumve amajambo yanyu, mukiva mur’ ino nzu canke muri nya gisagara, muze mukunkumure umukungugu wo mu birenge vyanyu.#Luk 10:10–12; Ivyak 13:51; 18:6 15Ndababgire ukuri, ku musi w’amateka igihugu c’i Sodomu n’i Gomora kizogira agahengekezo kurusha nya gisagara.#Mat 11:24; Luk 20:47
Amarushwa azoba ku ntumwa
16Rāba mbatumye muri nk’ intama mu mabingira hagati. Nuko mugire ubgenge nk’inzoka, mumere nk’inuma ata karohe.#Luk 10:3; Yoh 10:12; Ivyak 20:29; Rom 16:19; Ef 5:15 17Mwirinde abantu. Bazobashengerana mu manza, babatonagurire mu masinagogi yabo.#Mrk 13:9–13; Luk 21:12–17#Mat 24:9 18Bazobajana imbere y’abaganza n’abami babampōra, muzoba ikimenyetso kibabere icabona, bo n’abanyamahanga.#Mat 24:14; Ivyak 25:23; 27:24 19Ariko babashengeranye, ntimuze muhagarikire imitima ico muyuga n’ingene muzokivuga, kukw ivyo muvuga muzobihabga mur’ ako kanya.#Luk 12:11, 12 20Kukw atazoba ari mwebge muvuga, azoba ari Mpwemu wa So avugira muri mwebge.#Yoh 14:26; 1 Kor 2:4 21Umuntu azoshengerana uwo bavukana ngo bamwice, na se w’umwana azomushengerana, n’abana bazogābagābira abavyeyi babicishe.#Mat 10:35; Mik 7:6 22Muzoba mwanswe na bose babahōra izina ryanje; arik’ uwihangana agashitsa iherezo ni we azokira.#Mat 24:9, 13; Yoh 15:21 23Ni babahama mu gisagara kimwe, muhungire mu kindi: kuko mbabgira ukuri yuko mutazohetura ibisagara vyose vy’i Bgisirayeli, Umwana w’umuntu ataraza.#Mat 16:28
Yesu aremesha intumwa
24Umwigishwa ntaruta umwigisha; kandi n’umushumba ntaruta shebuja.#Luk 6:40; Yoh 13:16; 15:20 25Umwigishwa biramubereye kumera nk’umwigisha wiwe, n’umushumba nka shebuja. Nyen’ urugo ko bamwise Beyezebuli, non’ abo mu rugo rwiwe ntibazorushiriza kubīta bartyo?#Mat 12:24 26Nuko ntimuze mubatinye, kukw ata catwikiriwe kitazotwikururwa, canke kinyegejwe kitazomenyekana.#Luk 12:2–9#Mrk 4:22; Luk 8:17 27Ico mbabaririra mu mwiza muze mukivugire mu muco, kand’ ico mwongorewe mu gutwi muze mukivugire ku mazu hejuru. 28Ntimuze mutinye abica umubiri, badashobora kwica ubugingo: cane‐cane mutinye ūshobora guhonereza ubugingo n’ umubirimuri Gehinomu.#Yak 4:12 29Mbeg’ utunyoni tubiri ntitugurwa ikuta? Ariko muri two nta na kamwe gakorokera hasi, So atabizi. 30Ariko n’umushatsi wo ku mitwe yanyu wose waraharūwe. 31Nuko ntimutinye: mwebge muruta utunyoni twinshi.#Mat 12:12
32Umuntu wese azonyaturira imbere y’abantu, nanje nzomwaturira imbere ya Data wo mw ijuru. 33Arik’ umuntu wese azonyihakanira imbere y’abantu, nanje nzomwihakanira imbere ya Data wo mw ijuru.#Luk 9:26
Kwikorera umusaraba
34Mwoye kwiyumvira ngo naje gutera amahoro mw isi: sinaje gutera amahoro, atar’ inkota.#Luk 12:51–53 35Kuko naje guteranya umwana na se, n’umukobga na nyina, n’ umukazana na inabukwe.#Mik 7:6 36Kand’ abansi b’umuntu bazoba abo mu rugo rwiwe. 37Ūkunze se canke nyina akabandutisha, ntaba ankwiye: kand’ ūkunze umuhungu wiwe cank’ umukobga wiwe akabandutisha, ntaba ankwiye.#Gus 33:9; Luk 14:26, 27 38Kand’ ūtikoreye umusaraba wiwe ngw ankurikire, ntaba ankwiye.#Mat 16:24, 25 39Ūrokora ubugingo bgiwe azobubura; n’ūheba ubugingo bgiwe kubganje azoburonka.#Luk 17:33; Yoh 12:25
40Ūbākiriye aba anyakiriye, kand’ ūnyakiriye aba yākiriye uwantumye.#Mat 18:5; Luk 10:16; Yoh 12:44; 13:20 41Uwākīra umuntu avugishwa n’Imana kukw avugishwa na yo azohabga impēra nk’ iy’ ūvugishwa n’Imana; uwākīra umuntu agororotse kukw agororotse azohabga impēra nk’iy’ umugororotsi. 42Kand’ ūzoha umwe mur’ abo bato urwato rw’amazi apfutse gusa kukw ar’ umwigishwa, ndababgira ukuri yukw atazobura impēra yiwe.#Mat 25:40; Mrk 9:41
