JOHANA 3
3
1NA rĩrĩ, kwarĩ mũndũ wa thiritũ ya Afarisai, wetagwo Nikodemo, na aarĩ mũnene wa Ayahudi. 2Ũcio agĩthiĩ kwĩ Jesu ũtukũ, akĩmwĩra, Rabii, nĩtũũĩ wee ũrĩ mũrutani uumĩte kwĩ Ngai; amu gũtirĩ mũndũ ũngĩhota gwĩka ciama ici wĩkaga, Ngai atarĩ nake. 3Nake Jesu agĩcokia akĩmwĩra, Ndakwĩra atĩrĩ, o ma, ma, Mũndũ aaga gũciarũo rĩngĩ, ndangĩhota kuona ũthamaki wa Ngai. 4Nake Nikodemo akĩmũũria atĩrĩ, Mũndũ ahote atĩa gũciarũo e mũkũrũ? Aahota gũtonya nda ya nyina hingo ya kerĩ, aciarũo? 5Nake Jesu agĩcokia atĩrĩrĩ, Ndakwĩra o ma, ma, Mũndũ aaga gũciarũo nĩ maĩ o na Roho, ndangĩhota gũtonya ũthamaki-inĩ wa Ngai. 6Kĩrĩa gĩciarĩtwo nĩ mwĩrĩ no mwĩrĩ, na kĩrĩa gĩciarĩtwo nĩ Roho nĩ roho. 7Tiga kũgega nĩ ũndũ ndakwĩra, No mũciarirũo rĩngĩ. 8Rũhuho rũhurutaga o kũrĩa rũkwenda, nawe ũkaigua rũkĩgamba, no ndũũĩ kũrĩa ruumaga na kũrĩa rũthiaga; na noguo ũhoro wa mũndũ o wothe ũciarĩtwo nĩ Roho. 9Nake Nikodemo agĩcokia akĩmũũria, Maũndũ macio mahoteke atĩa? 10Nake Jesu akĩmũcokeria akĩmwĩra atĩrĩ, Githĩ ũrĩ mũrutani wa Isiraeli, na ndũkũigua maũndũ macio? 11Ndakwĩra atĩrĩrĩ, o ma, ma, Twaragia ũrĩa tũũĩ, na tũkoimbũra ũrĩa twĩoneire; na inyuĩ mũkarega ũira witũ. 12Ndakĩmwĩra maũndũ ma gũkũ thĩ, na mwaaga gwĩtĩkia, mwetĩkia atĩa ingĩmwĩra maũndũ ma na Igũrũ? 13Na gũtirĩ mũndũ ũrĩ aambata Igũrũ, tiga o ũrĩa waikũrũkire akiuma Igũrũ, nĩwe Mũrũ wa Mũndũ, o ũrĩa ũtũũraga Igũrũ. 14#Ndar 21.9.Na ta ũrĩa Musa aahaicirie nyamũ-ya-thĩ igũrũ werũ-inĩ, noguo Mũrũ wa Mũndũ e na bata ahaicio igũrũ: 15nĩ getha mũndũ o wothe wĩtĩkĩtie agĩe muoyo wa tene na tene thĩinĩ wake we.
16Amu Ngai, tondũ wa ũrĩa endete kĩrĩndĩ gĩa gũkũ thĩ, nĩaarutire Mũrũ wake wa mũmwe, nĩ getha mũndũ o wothe ũmwĩhokete ndakore, no agĩe muoyo wa tene na tene. 17Amu Ngai ndaatũmire Mũriũ thĩ acirithie kĩrĩndĩ, tiga kĩrĩndĩ kĩhonoke nĩ ũndũ wake. 18Ũrĩa ũmwĩhokete ti wa gũcirithio; ũrĩa nake ũtamwĩhokete nĩarĩkĩtie gũcirithio tene agagĩtuwo mwĩhia, nĩ ũndũ ndehokete rĩĩtwa rĩa Mũriũ wa Ngai wa mũmwe. 19Na gĩtũmi gĩa gũtuwo ũguo nĩ atĩrĩ, atĩ ũtheri nĩũũkĩte thĩ, nao andũ nĩmendire nduma mbere ya ũtheri; nĩ ũndũ mawĩko mao maarĩ moru. 20Amu-rĩ, mũndũ o wothe wĩkaga ũũru nĩathũire ũtheri, na ndokaga ũtheri-inĩ, ciĩko ciake itikae kuumbũka. 21Nake ũrĩa wĩkaga maũndũ marĩa ma ma nĩokaga ũtheri-inĩ, nĩguo ciĩko ciake cionekane, imenyeke atĩ ciĩkĩtwo me na Ngai.
22Thutha wa maũndũ macio Jesu agĩthiĩ na arutwo ake bũrũri wa Judea; agĩikara nao kuo, na akabatithanagia. 23Johana nake nĩ hingo aabatithanagia kũndũ gwetagwo Ainoni, gũkuhĩ na Salimu, tondũ kũu kwarĩ maĩ maingĩ: nao andũ magokaga kuo, makabatithio. 24#Mat 14.3; Mar 6.17; Luk 3.19,20.Amu hĩndĩ ĩo Johana ndaakinyĩte gũikio korokoro. 25Tondũ wa ũhoro ũcio arutwo a Johana magĩkĩgĩa ngarari na Mũyahudi ũmwe ha ũhoro wa mĩtugo yao ĩrĩa ya wĩtheria. 26Magĩgĩthiĩ kũrĩ Johana, makĩmwĩra atĩrĩ, Rabii, mũndũ ũrĩa mwarĩ nake mũrĩmo ũrĩa wa Jorodani, ũrĩa wee woimbũrire ũhoro wake-rĩ, anga rĩu ũcio ti kũbatithania arabatithania, na andũ othe magathiĩ kũrĩ we? 27Nake Johana agĩcokia akiuga atĩrĩ, Mũndũ ndarĩ ũndũ angĩhota kũgĩa naguo ataheereirũo Igũrũ. 28#Joh 1.20.Inyuĩ inyuene mũrĩ aira a kũnjugĩra atĩ nĩndoigire, Niĩ ti niĩ Kristo, no rĩrĩ, ngiuga atĩ nĩ kũrekio ndeketio njũke mbere yake. 29Mwene mũhiki nĩ mũhikania; ĩndĩ-rĩ, mũrata wa mũhikania, ũrĩa ũmũrũgamĩrĩire na akaigua akĩaria, nĩegũkena mũno nĩ ũndũ wa mũgambo wa mũhikania; tondũ ũcio gĩkeno kĩrĩa niĩ ndĩ nakĩo nĩ hĩndĩ kĩaiganĩra. 30We no akĩrie kũneneha na niĩ kũnyiha.
31Ũrĩa uumĩte Igũrũ e igũrũ rĩa arĩa angĩ othe; ũrĩa wa gũkũ thĩ no wa thĩ, na aaragia maũndũ ma na gũkũ thĩ: ũrĩa uumĩte Igũrũ e igũrũ rĩa arĩa angĩ othe. 32Maũndũ marĩa aanona na marĩa aanaigua, nĩmo oimbũraga ũhoro wamo; na gũtirĩ mũndũ ũgwĩtĩkĩra ũira wake. 33Ũrĩa wĩtĩkĩrĩte ũira wake nĩekĩrĩte ũhoro ũyũ mũhũri, atĩ Ngai nĩ wa ma. 34Amu-rĩ, ũrĩa ũreketio nĩ Ngai nĩaaragia ciugo cia Ngai, amu Ngai ndaheanaga Roho akĩgeraga. 35#Mat 11.27; Luk 10.22.Ithe nĩenda Mũriũ, agakĩneana maũndũ mothe akamekĩra guoko-inĩ gwake. 36Ũrĩa wĩhokete Mũriũ e na muoyo wa tene na tene; nake ũrĩa ũregete kũigua Mũriũ, we ndakona muoyo; egũtũũra o arakarĩirũo nĩ Ngai.
©Bible Society of Kenya, 2019