યોહાન 14 的热门经文

分享

“આંય તુમનેહે શાંતિ દિહુ, માઅ શાંતિ તુમનેહે દિહુ; એ શાંતિ તે નાહ જે જગતુ લોક દી સેકતાહા, તુમા મનુલે દુઃખી માઅ વેરા દીહા, આને બીયાહા માઅ.”

ઇસુહુ તીયાલે આખ્યો, “વાટ, સત્ય આને જીવન બી આંયજ હાય; માઅ સિવાય કેડો બી પરમેહેર બાહકાહી જાય નાહ સેકતો.

“તુમા મનુલે દુઃખી માઅ વેરા દીહા; તુમુહુ પરમેહેરુપે વિશ્વાસ રાખતાહા, આને માપે બી વિશ્વાસ રાખા.

પેન સહાયક એટલે પવિત્રઆત્મા, જીયાલે પરમેહેર બાહકાહા માઅ અધિકારુકી મોકલી, તોઅ તુમનેહે પરમેહેર બાહકા વિશે બાદોજ હિકવી, આને જો કાય માયુહુ તુમનેહે આખ્યોહો, તોઅ બાદો તુમનેહે યાદ કેરાવી.”

જો કેડો બી માઅ આજ્ઞા જાંહે આને તીયુ આજ્ઞા પાલન કેહે, તોજ માને પ્રેમ કેહે, આને જો માને પ્રેમ કેહે, તીયાલે માઅ પરમેહેર બાહકો બી પ્રેમ કેહે; આને આંય તીયાલે પ્રેમ કેહે, આને આંય હકીગતુમે કેડો હાય તોઅ તીયાલે જાણાવેહે.”

આને આંય પરમેહેર બાહકાલે વિનંતી કેહે, તોઅ તુમાહી બીજો એક સહાયક મોકલી, આને તોઅ સાદા તુમા આરી રીઅ. તોઅ તા પરમેહેરુ વિશે સત્ય જાહેર કેનારો પવિત્રઆત્મા હાય, જીયાલે જગતુ લોકે સ્વીકાર નાહ કી સેકતા, કાહાકા જગતુ લોક તીયાલે હી નાહ સેક્તા, આને ઓખી નાહ સેક્તા: પેન તુમુહુ તીયાલે ઓખુતાહા, કાહાકા તોઅ તુમા આરી રેહે, આને તોઅ તુમામે રેહે.

આને જો કાય તુમુહુ માઅ નાવુકી માગાહા, તોઅ આંય તુમા માટે કેહે, ઈયા ખાતુર કા પોયરા મારફતે પરમેહેર બાહકા માહીમા જાહેર વેઅ. કાદાચ તુમુહુ માઅ નાવુકી જો કાય બી માગાહા, તોઅ આંય તુમા માટે કેહે.

“કાદાચ તુમુહુ માપે પ્રેમ રાખતા વેરી તા, માઅ આજ્ઞાલે પાલન કેહા.”

માઅ પરમેહેર બાહકો રેહે તીહી હોરગામે, માંહે રીઅ સેકે એહેડા ખુબુજ જાગો હાય, કાદાચ જાગો નાય વેતો, તા આંય તુમનેહે આખી દેતો, કાહાકા આંય તુમા ખાતુર જાગો તીયાર કેરા જાહુ.

આંય જાહે આને જાગો તીયારી કેહે તાંહા, ફાચે આવીને તુમનેહે માઅ આરી રાંઅ ખાતુર લી જાહે, ઈયા ખાતુર કા જીહી આંય રેહે તીહી તુમુહુ બી રી સેકા.

થોમાહા ઇસુલે આખ્યો, “ઓ પ્રભુ, તુ કાંહી જાહો તોઅ આમનેહે ખબર નાહ; તા આમનેહે તીહી જાવુલો વાટ કેહેકી ખબર પોળે?”