Na Sailm 9

9
Salm 9.
Confitebor tibi.
1Taḃarfaiḋ mé buíoċas leat, a Ṫiarna, ó mo ċroí go hiomlán: laḃróiḋ mé ar dʼoibreaċa iontaċa.
2Beiḋ tú mar ċúis áṫais agus lúċáire agam: seinnfiḋ mé clú dʼAinm, ós tú an Té is Airde.
3Nuair a ċuirtear mo naiṁde ar gcúl: titfiḋ siad agus scriosfar iad i do láṫair.
4Óir ṗléiġ tú mo ċeart agus mo ċúis: ṡuiġ tú sa ríċaṫaoir i do ḃreiṫeaṁ ḟíréanta.
5Ḃagair tú ar na págánaiġ, agus scrios tú luċt an oilc: scrios tú amaċ a n‑ainm go saol na saol.
6Ṫáinig an naṁaid ċun deiriḋ; táid scriosta go deo: agus na caṫraċa a scrios tú, ċuaiġ siadsan agus a gcuiṁne as.
7Aċ mairfiḋ an Tiarna go saol na saol: agus tá a ríċaṫaoir réiḋ aige le naġaiḋ breiṫiúnais.
8Óir taḃarfaiḋ sé breiṫiúnas ar an doṁan go fíréanta: agus taḃarfaiḋ sé a gceart do na daoine de réir na fírinne.
9Agus beiḋ an Tiarna mar ċrann cosanta ag a ḃfuil faoi ḋaorsmaċt: agus mar ḋídean an tráṫ a ṫagann an buaireaṁ.
10Agus cuirfiḋ an dream a ḃfuil aiṫne acu ar dʼAinm a muinín ionat: óir níor ṫeip tú riaṁ, a Ṫiarna, ar an dream ḃíos dod iarraiḋ.
11Molaigí an Tiarna arb é Síón a ċónaí: taispeánaigí a ġníoṁarṫa do na daoine.
12Óir is cuiṁin leis iad nuair a ḃíos sé ag agairt fola: ní hé a ḋearmad casaoid na mboċt.
13Déan trócaire orm, a Ṫiarna; breaṫnaiġ mo ḃuaireaṁ ó luċt mʼḟuaṫa: tusa a ṫógas mé ó ḋoirse an ḃáis.
14Go ḃfoilsí mé do ṁolaḋ uile idir geataí iníne Ṡíóin: beiḋ do ṡlánú mar áḃar áṫais agam.
15Ṫit na págánaiġ sa ṗoll a rinneadar: ceapaḋ a gcos sa líon a dʼḟolaiġ siad os íseal.
16Tá a ḟios ag an saol go gcuireann an Tiarna an breiṫiúnas i ḃfeiḋm: ceaptar an droċḋuine le saoṫar a láṁ féin.
17Scaoilfear luċt an oilc ċun báis: agus an dream a ḋéanas dearmad ar Ḋia.
18Óir ní i gcónaí a ḋéanfar dearmad den ḃoċtán: ní go síoraí a ḃeiḋ an duine ceansa ag fanaċt go foiġneaċ in aisce.
19Éiriġ, a Ṫiarna, agus ná lig an bua leis an duine: tugtar breiṫ ar na págánaiġ i do láṫair.
20Cuir uaṁan orṫu, a Ṫiarna: go mbí a ḟios ag na págánaiġ naċ ḃfuil iontu aċ daoine.

Àwon tá yàn lọ́wọ́lọ́wọ́ báyìí:

Na Sailm 9: OC1965G

Ìsàmì-sí

Pín

Daako

None

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀

Àwọn ètò kíkà ọ̀fé àti àyọkà tó ní ṣe pẹ̀lú Na Sailm 9

YouVersion nlo awọn kuki lati ṣe adani iriri rẹ. Nipa lilo oju opo wẹẹbu wa, o gba lilo awọn kuki wa gẹgẹbi a ti ṣalaye ninu Eto Afihan wa