लूका 17
17
पाप और छमा
(मत्ती 18:6–7,21,22; मरकुस 9:42)
1ईसू नें अपने चेलान ते कही, “ऐसौ है नांय सके कै लोगन कूं पाप में गिराबे बारी बातैं ना घटैं। पर धिक्कार बाकूं जाके द्वारा ठोकर की बातें होतै। 2वाके काजै तौ जेई अच्छौ होतौ कै वाके गले में एक चक्की का पाट लटकायके बाय समुन्दर में धकेल दियौ जातो। 3#मत्ती 18:15सावधान रहो!
“यदि तुमारौ भईया पाप करै तौ बाय डांट और अगर बू अपने करे भये पापन ते मन फिराबै तौ तू बाय छमा कर दियौ। 4अगर यदि हर दिन बू तेरे बिरोध में सात बार पाप करै और सातों बार लौटकै तोते कहे कै ‘मोय पछताबो है’ तौ तू बाय छमा कर दियौ।”
तुमारौ भरोसौ कितनौ बड़ौ है
5तब भेजे भये चेलान नें पिरभू ते कही, “कै हमारौ भरोसेऐ बढ़ा।”
6तब ईसू मसीह नें कही, “कै अगर तुमारौ भरोसौ राई के दाने के जितनों होतौ तौ तुम जा सहतूत के पेड़ ते कैहते के ‘जा समुन्दर में लग जा तौ बू लग जातौ’ और बू तुमारी बात मान लेतौ”।
अच्छे सेबक बनों
7“तुम मेंते काऊ पै सेबक होय और बू खेत जोतकै और भेड़ चरायकैं आबे तौ का वाकौ मालिक बाते कहे, ‘तू जलदी आ और रोटी खायलै’? 8नांय, ‘पर बू बाते जि कहेगौ कै मेरे काजै रोटी बना अपने कपड़ा पहन और जब तक मैं खाय-पी न लूँ, तब तक तू मेरी सेबा कर, तब जाके बाद तू भी खाय-पी सकत’ 9अपनी आग्या पूरी करबे पै का बू बा सेबक कौ धन्यबाद करतुए? 10तुमऊं एसेई हो और जो कछू तुमते करबे कूं कहौ जाए, बा कामें करबे के बाद तुमें कैहनी चहिऐं, ‘हम तौ सेबक हैं, हमें काऊ की बड़ाई की जरूरत नांय। हमनें तौ बस अपनों कर्तव्य पूरौ करौ है।’”
दस कोढ़िन कूं सुद्ध करबौ
11ईसू येरूसलेम जाय भये सामरिया और गलील के बीच की सीमा ते होतौ भयौ निकरै। 12जब बे एक गांम में जा रये हते तबई ईसूए एक संग दस कोढ़ी मिले। बे कछू दूरी पै खड़े हते। 13बे जोर की अबाज में चिल्लाय कें बोले, “हे ईसू! हे स्वामी! हम पै दया कर!”
14तब ईसू बिनैं देखकै बोलौ, “जाओ और अपने आप कूं पुरोहितन कूं दिखाओ।”
बे अबई जाई रये हते, कै बिनकौ कोढ़ सुद्ध है गयौ। 15पर बिनमें ते जब एक नें जि देखौ कै बू ठीक हे गयौए, तौ बू बापस लौटकै आयौ और ऊंची अबाज में परमेस्वर की स्तुति करबे लगौ। 16बानें मौंह के बल ईसू कै पामन में गिरकै वाकौ आभार पिरकट करौ। और, बू एक सामरी हतौ।
17ईसू नें बाते पूछी, “का बिन दसऊन कौ कोढ़ सुद्ध नांय भयौ? तौ बे नौ काँ हैं? 18का जा परदेसी कूं छोड़कै उनमें ते कोई भी परमेस्वर की स्तुति करबे कूं बापस नांय लौटौ।” 19फिर ईसूने बाते कही, “खड़ौ है जा और चलौ जा, तेरे भरोसे नें तोय ठीक करौ है।”
परमेस्वर के राज कौ आगमन
(मत्ती 24:23–28,37–41)
20एक बार जब फरीसियन नें ईसू ते पूंछी, “परमेस्वर का राज कब आबैगौ?”
तब बानें उन्नें जबाब दयौ, “परमेस्वर कौ राज दीखबे बारे रूप में नांय आबै। 21लोग जि नांय कहिंगे कै देखौ ‘बू यांपै’, या बू मांपै चौंकि परमेस्वर कौ राज तौ तुमारे भीतरईऐ।”
22पर बानें चेलान ते कही कै “ऐसौ समै आबैगौ जब तुम मुझ, ‘मनुस्य के बेटा’ के दिनान में ते एक दिनउ कूं भी देखबे काजै तरसौगे पर,बाय देख नांय पाऔगे। 23और लोग तुमते कहिंगे, ‘देखौ बू जाँपै है!’ या ‘बू माँपै है’ तुम माँपै मत जईंयों या बिनकौ पीछौ मत करियों।
24“बैसेंई जैसे बिजली चमककै एक छोर ते दूसरे छोर तक आकास कूं चमकाय देतै, बैसेंई मैं, ‘मनुस्य कौ बेटाऊ’ अपने दिनान में पिरकट हुंगो। 25पर जि बात जरूरीए के मैं, ‘मनुस्य कौ बेटा’ भौत दुख उठाऊंगौ और जा पीढ़ी के लोग मोए नकारेंगे।
26“जैसौ नूह के समै में भयौ हतो, बैसेई मुझ, ‘मनुस्य के बेटा’ के समै मेंऊ हौबैगो। 27जब नूह जहाज में चढो बा दिना तक, लोग खावते-पीबत और ब्याह करते रैहते। फिर जल परलय आई और बानें सब कछू खतम कर दियौ।
28“जाई तरैह ते लूत कै समै मेंऊ भयौओ। लोग खावते-पीवते, मोल लेतै, बेचतै खेती करतै और घर बनाबतै। 29पर बा समै जब लूत सदौम ते बाहर निकरबे के बाद आकास मेंते आग और गंधक बरसबे लगी और बे सब नस्ट है गये। 30और जब मैं, ‘मनुस्य कौ बेटा’ पिरगट हुंगो, बा समैऊं ठीक ऐसौई होगौ।
31 #
मत्ती 24:17,18; मर 13:15,16 “बा समै अगर कोई आदमी छत्त पर होय और वाकौ सामान घर में होय तौ बू बाय लैबे काजै नीचे नांय उतरै। और ऐसेई कोई आदमी जब खेत में होय तौ बू कोई भी सामान लैबे काजै बापस नांय आबै। 32लूत की पत्नी कूं याद करौ कै वाके संग का भयौ,
33 #
मत्ती 10:39; 16:25; मर 8:35; लूका 9:24; यूह 12:25 “चौंकि जो कोई धरती पै अपनों जीबन बचाबौ चांहैगौ बू सुरग में अपने जीबन कूं खोबैगौ जो कोई धरती पै मेरे काजै अपने जीबनए दैबैगौ बू सुरग में जीबन पाबेगौ। 34मैं तुमते कैहतूं, बा रात एक खाट पै दो आदमी हुंगे, बिनमें ते एक उठाय लयौ जाबैगौ और दूसरौ छोड़ दयौ जाबेगौ। 35दो औरत संग-संग चाकी चला रयी होंगी, उनमें ते एक उठा लई जाबैगी और दूसरी छोड़ दई जाबैगी।” 36मैं तुमते कहतूं, दो आदमी खेत में काम कर रये हुंगे, उनमें ते एक कूं उठाय लियौ जाबैगौ और दूसरौ कूं छोड़ दयौ जाबैगौ।
37फिर ईसू कै चेलान नें बाते पूछी, “हे पिरभू ऐसौ कहाँ होगौ?”
तब बानें बिनते कही, “जब तुम ल्हास के जौरें गिद्धन कूं देखोगे बैसेई इन बातनें तुम पहचान लोगे।”
Àwon tá yàn lọ́wọ́lọ́wọ́ báyìí:
लूका 17: BRAJ
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
NonCommercial-NoDerivatives 4.0 International (CC BY-NC-ND 4.0)
