VPOM 5
5
Adam Diusjangh Caiq
(1Ss 1.1-4)
1Heika Adam dah diusjangh caiq cho nghuot. Mangso dius lyis gvnkhanh dah buisnyeis lyis, nyang lyis Mangso dah vwot teh kuot toh.#Vpm 1.27-28 2Nyang gas vbusbih yahge vmesbih lyis gvnkhanh toh lho lha, nyah aiq yuk lyis shvmanh dyei. Housoeh nyah aiq yuk lyis gvnkhanh las nyang nyah zomh lyis Dius, ge nyhink.#Mat 19.4; Mak 10.6 3Adam dvxo somhci zvn bos lyis, nyah gungsdoeus lho, nyah vwot teh doeus dah yukgis lo dvyuk bos. Nyang lyis Set ge nyhink. 4Set khoeu thang lhyi Adam gas xetxo zvn nyeis shih. Nyang mas gohtoeu yukgis lo eq nyelo eq tsain bos shih. 5Adam dah nyenhkyi dvnganh lyis gauxo somhci zvn nyeis khoq las shei.
6Set dvxo oeng zvn bos lyis nyang mas yaus zis Enosh nghuot. 7Set gas Enosh bos thang lhyi xetxo nyhet zvn nyeis khoq shih Gohtoeu yukgis lo eq nyelo eq tsain bos shih. 8Set dah nyenhkyi dvnganh lyis gauxo dvci aiq zvn nyeis khoq las shei.
9Enosh ka gauci zvn bos lyis, nyang mas yaus zis Kenan nghuot. 10Enosh ka Kenan bos thang lhyi xetxo dvci oeng zvn nyeis shih. Gohtoeu yukgis lo eq nyelo eq tsain bos shih. 11Enosh dah nyenhkyi dvnganh lyis gauxo oeng zvn nyeis khoq las shei.
12Kenan gas nyhetci zvn bos lyis, nyang mas yaus zis Mahalale nghuot. 13Kenan gas Mahalale bos thang lhyi xetxo nyeici zvn nyeis shih. Gohtoeu yukgis lo eq nyelo eq tsain bos shih. 14Kenan dah nyenhkyi dvnganh lyis gauxo dvci zvn nyeis las shei.
15Mahalale gas khyukci oeng zvn bos lyis, nyang mas yaus zis Yared nghuot. 16Mahalale gas Yared bos thang lhyi xetxo somhci zvn nyeis shih. Gohtoeu yukgis lo eq nyelo eq tsain bos shih. 17Mahalale dah nyenhkyi dvnganh lyis xetxo gauci oeng zvn nyeis khoq las shei.
18Yared gas dvxo khyukci aiq zvn bos lyis, nyang mas yaus zis Enok nghuot. 19Yared gas Enok bos thang lhyi xetxo zvn nyeis shih. Gohtoeu yukgis lo eq nyelo eq tsain bos shih. 20Yared dah nyenhkyi dvnganh lyis gauxo khyukci aiq zvn nyeis khoq las shei.
21Enok gas khyukci oeng zvn bos lyis, nyang mas yaus zis Methusela nghuot. 22Enok gas Methusela bos thang lhyi Mangso yah dvgeh somhxo zvn suh e. Gohtoeu yukgis lo eq nyelo eq tsain bos shih. 23Enok dah nyenhkyi dvnganh lyis somhxo khyukci oeng zvn nghuot. 24Enok gas Mangso yah dvgeh suh e lha, nyang lyis Mangso thot shwih loh goeus yvmvyah nyang ma nyeis lo.#Heb 11.5; Yud 14
25Methusela gas dvxo xetci nyhet zvn bos lyis, nyang mas yaus zis Lamek nghuot. 26Methusela gas Lamek bos thang lhyi nyhetxo xetci aiq zvn nyeis shih. Gohtoeu yukgis lo eq nyelo eq tsain bos shih. 27Methusela dah nyenhkyi dvnganh lyis gauxo khyukci gau zvn nyeis khoq las shei.
28Lamek gas dvxo xetci aiq zvn bos lyis yukgis lo dvyuk bos. 29Nyang nyah lo lyis Noa ge nyhink las taiq zis gas, Haih lo gas Yhensain nhoengh toh dah nyeisjvng mas, yah loq yah zwi khank las nyungdaus dah yang lyis nhaiqtaink das soeu nghuot, ge. 30Lamek gas Noa bos thang lhyi oengxo gauci oeng zvn nyeis shih. Gohtoeu yukgis lo eq nyelo eq tsain bos shih. 31Lamek dah nyenhkyi dvnganh lyis nyhetxo nyhetci nyhet zvn nyeis khoq las shei.
32Noa gas oengxo zvn bos thang lhyi, nyang mas yaus zis Shem, Ham yahge Yaphet tsain nghuot.
Àwon tá yàn lọ́wọ́lọ́wọ́ báyìí:
VPOM 5: NCB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ngochang Common Language Bible © Bible Society of Myanmar, 2010.