YOHAN OKILA
OKILA
Osangtajung Yohan nung Yisuji tatem makaba Tsüngrem O, shiba “nisung ama aküm aser asenok rongnung ali” ta sayur. Yisuji tenangzükba Kümtetdakba, Tsüngrem Chir, ta amangba ajanga parnok teti taküm akatsü (20.31), iba nükjidong nung ajemdaker iba kaket zülu ta angateter.
Yisuji tatem makaba Tsüngrem O ta okila nung ashiba sülenbo, pai sayatenya mapatem inyakba koba ajanga atangji Yisuji tenangzükba Kümtetdakba Tsüngrem Chir ta jungkai adoka sayur. Kaket mezüng shilem nungji nisung kar pa sülen anitaker aküm dang ano karibo pa mapa anema apusoba angur. Tapu 13-17 nungji Yisui pei nütsüngtem den kija alidang aonung pa apuba, kangki nung angenlokba ajanga parnok nem kechi Tekümtet agütsütsü, item o agi parnok mulung süngjemdaktsüba angur. Tapu tatemlenji Yisu apuba, obendangba, kangki nung angenlokba aser shia aruba; shia arur külen nütsüngtem dangi adoka sayuba itemji angur.
Nüktapangtatsür ka apuba (8.1-11) iba shilem ya teka zülu aser tamalen Lai meyipertem aikati meinoker, ano kar nungbo tesem balala nungang enoker ta asüba agi tangatettsü atema shimekatsü agi meketbanger yutsür.
Teti taküm sempetji Khrista ajanga angur ta Yohani zülu, Yisuji dang lenmang, atangji aser taküm ta agizükba ajanga iba sempetji agizüker. Yohan kaket nung tongtibang kaji temaitsütem tatishitsü agi: tzü, amtsük, tesangwa, sannüker aser san, tsükmenatzü tezü aser süngjang, item amshia Yisu indang rateta sayubaji angutsü.
Keta Alibatem
Okila 1.1-18
Yohan Baptitsüba aser mezüng Yisu nütsüngtem 1.19-51
Yisui lokti tenzükba mapa 2.1―12:50
Tatembangba hapta, Yirusalem aser temeket nung 13.1―19.42
Shia aruba Kibuba, aser nütsüngtem dangi adoka sayuba 20.1-31
Tatembang O: Galil nung adoka sayuba 21.1-25
Àwon tá yàn lọ́wọ́lọ́wọ́ báyìí:
YOHAN OKILA: ANSEBSI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible Society of India
© 2023, Used by permission. All rights reserved. More