PALABURU 5
5
Muli i Adama
5:1-32
1 #
Pal. 1:27-28
Seʼimo posuncu ntoʼo waʼa muli i Adama. [Ri tempo pampapewali i mPue Ala tolino, ndapapewali tau seʼe ewa turuki i mPue Ala ngkalioa. 2#Mat. 19:4, Mrk. 10:6 Ndapapewali tuama pai weʼa. Ndadonco tau seʼe pai ndapapotoʼoka tau seʼe “Tolino”.] 3Ri tempo tinuwu i Adama 130 ntaʼu, ndapoana woʼu sambaʼa ana tuama anu lau da sintolio pai siʼa, ananya setu napapotoʼoka i Seti. 4Ungka lairia ntongo tuwupa i Adama 800 ntaʼu kasaenya pai ntongo maratapa waʼa ananya anu ntaninya. 5Ri kamatenya 930 ntaʼu tinuwunya.
6Ri tempo tinuwu i Seti 105 ntaʼu, ndapoanamo sambaʼa ananya tuama anu napapotoʼoka i Enosi. 7Ungka lairia i Seti ntongo tuwupa 807 ntaʼu kasaenya pai marata woʼu waʼa ananya anu ntaninya. 8Ri kapatenya 912 ntaʼu tiniwunya.
9Ri tempo i Enosi tinuwu 90 ntaʼu, siʼa maratamo ana tuama, toʼonya i Kena. 10Roo setu i Enosi ntongo tuwupa 815 ntaʼu kasaenya pai marata woʼu waʼa ananya anu ntaninya. 11Ri kapatenya 905 ntaʼu tinuwunya.
12Ri tempo i Kena tinuwu 70 ntaʼu, siʼa maratamo ana tuama sambaʼa toʼonya i Mahalale. 13I Kena ntongo tuwupa 815 ntauʼu kasaenya pai marata woʼu waʼa ananya anu ntaninya. 14Ri kapatenya 910 ntaʼu tinuwunya.
15Ri tempo i Mahalale tinuwu 65 ntaʼu, siʼa maratamo ana tuama toʼonya i Yaredi. 16Roo setu i Mahalale ntongo tuwupa 830 ntaʼu kasaenya pai marata woʼu waʼa ananya anu ntaninya. 17Ri kapatenya 895 ntaʼu tinuwunya.
18Ri tempo i Yaredi tinuwu 162 ntaʼu, siʼa maratamo ana tuama toʼonya i Heno. 19Roo setu i Yaredi ntongo tuwupa 800 ntaʼu kasaenya pai marata woʼu waʼa ananya anu ntaninya. 20Ri kapatenya 962 ntaʼu tinuwunya.
21Ri tempo i Heno 65 ntaʼu tinuwunya siʼa maratamo ana tuama toʼonya i Metusala. 22Roo setu i Heno tuwu ri kasambaʼa-mbaʼa pai Pue Ala ri raya anu 300 ntaʼu. Siʼ marata woʼu waʼa ananya anu ntaninya, 23gana 365 ntaʼu tinuwunya. 24#Ib. 11:5, Yud. 14 Ua i Heno sambaʼa tau anu maroso pokentanya pai Pue Ala, siʼa paya waseʼemo ndatima i mPue Ala.
25Ri tempo i Metusala tinuwu 187 ntaʼu, siʼa maratamo ana tuama, toʼonya i Lame. 26Roo setu i Metusala ntongo tuwupa 782 ntaʼu kasaenya pai marata woʼu waʼa ananya anu ntaninya. 27Ri kapatenya 969 ntaʼu tinuwunya.
28Ri tempo i Lame tinuwu 182 ntaʼu, siʼa maratamo ana tuama. 29Natoʼo i Lame, “Ananggodi seʼi da mampakangaʼa tetalata ri tempo mampotetalaka tana anu roo ndatadeasi i mPue.” Inceʼe painaka napapotoʼoka ananggodi setu i Noho. 30Roo setu i Lame ntongo tuwupa 595 ntaʼu kasaenya. Siʼa marata woʼu waʼa ananya anu ntaninya, 31siʼa mate 777 ntaʼu tinuwunya.
32Kagananya 500 ntaʼu tinuwu i Noho, siʼa maratamo tatogo ana tuama, inceʼemo i Semu, i Yapeti pai i Kamu.
Àwon tá yàn lọ́wọ́lọ́wọ́ báyìí:
PALABURU 5: LAIPMF
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀