Luk Nɔgɔngɔ
Nɔgɔngɔ
Ano Ɔsɔwɔ si Luk aragha atɔngɔ Jisɔs si ntama ya Nagha Isɛrɛl na Nnanagha anɛ wɔɔ. Luk ayɛnɛ si Mbara Nɛfɛb a Ntaa ya abeng Jisɔs sa “aba na etingi ɔka ama kɛ akpak,” ka ano ya ason na nɔkɔrɔ ateb anɛ na kpere ji nnɛ asɛbɛ. Ayɛnɛ ano ɛyɛbɛ nete na atakpa atingi ano ka nna. Luk Nwɛr atebe nabagha Jisɔs ka ɛjamannab, yi nwɛr akpakannisi, ya akɔ Jisɔs amo bɔsɔ. Ɛbɛɛ narama ano akɔnɔ na ntama anɛ ba tɔɔngɔ Jisɔs na si akɔ Jisɔs amo ya bɔsɔ Luk afɛnɛ ayɛnɛ na ka nwɛr At.
Mbe etutu bi ayɛ ka nwɛr a Luk nanting, nasi bɛbɛɛ ateb ɔsɛ baɛnjɛl na ba ɛbaba ɔnya sa areb ka ngara yi awɛn Jisɔs, Jisɔs ka Nju a Ɔsɔwɔ ngara yi akpagha are nsɔbanɛ, na ɛbɛɛ etingi nnɛ a Sameria na mmɔannu ya atantan. Ka nwɛr wɔɔ arag ntakpantakpa ateb njɔ, Mbara Nɛfɛb, noto ni abaka ane ka ngara yi Jisɔs ajɔ ane noto, na si Ɔsɔwɔ atamasighi abibi afɛ.
Mbe bi ɛyɔb ka nna nwɛr
Nɔgɔngɔ (1:1-4)
Sa awɛn Jɔn nwura alab na Jisɔs na ngara ɔsɛ a mbɔ (1:5—2:52)
Noto Jɔn nwura alab (3:1-20)
Ewura alab na nagara ni ɛba ɛtɔb Jisɔs (3:21—4:13)
Ngara yi Jisɔs ajam nene noto fɔngfɔng ka Galili (4:14—9:50)
Aru ya Jɛrusalɛm amo ka Galili (9:51—19:27)
Akannanjam afo na sa akpere Jɛrusalɛm (19:28—23:56)
Ninyimi, aru anɛ ayiɛ, na nɛfɛnɛ njam ka bɔsɔ ni Ntaa (24:1-53)
Àwon tá yàn lọ́wọ́lọ́wọ́ báyìí:
Luk Nɔgɔngɔ: NDD Nta
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2022 Luke Initiative for Scripture Translation