'Olic 4
4
O Pitolon to Dadaya a Milongoc to Pipadama
O 'olic ni Tafiti. Mapatorod i kakridan no paradiway, o sapisotasot a lalosidan ko sapacafay a pasoni.
1Kawasaw ako, o mipa'adingay a Kawas ako.
Ano milongoc kako i, nanay paca'ofen kako.
Yo mapades kako i, ira Kiso a mipadama i takowanan,
saka, kaadayayen kako, tngilen ko pitolon ako.
2Kamo o tamdamdaw, tahacowa ko pipakangodo namo i takowanan saw?
Tahacowa ko nika olah namo to awaay ko ^poc a sowal ato mangah a dmak saw?
3Kafana' kamo, o nipili'an no Tapang ko so'linay a mitooray to maloningra.
Saka, tngilen no Tapang ko pitahidang ako.
4Katalaw kamo, akato ka piliyaw a ciraraw,
sinanoten a miharateng ko tireng iso, yo i kafoti'an kiso.
5Ka o so'linay ko faloco' a pato'aya i Tapang,
sarocoden ko faloco' a miti'er i Cingraan.
6O sowal no 'alomanay a tamdaw i,
<<Tadahinatala kami to sakalmedaw niyam.
Tapangaw, nanay kasini'adaen kami a midipot,>> saan.
7Nikawrira, o sapalipahak Iso i takowanan i,
ikaka noya lipahak nangra to nika adihay no panay ato fadisoso' a ^pah ko nika lipahak ako.
8Sarihaday sa kako a mati'nang a mafoti'.
Nawhani deng Kiso o Tapang ko misimaway a parihaday i takowanan.
Àwon tá yàn lọ́wọ́lọ́wọ́ báyìí:
'Olic 4: AMIS2019
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© The Bible Society in Taiwan, 2019