Rioiatatokenti Luc 24
24
Teȣasen kaieri aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1Nok tsi ȣahententane orhonketsi eh ȣahonnete tsi thaiatatakȣe neh kontihaȣi ne ȣenhienakonhonson nononha iotikȣatakȣen.
2Ȣahontkatto kanenhiarakȣen ne kanontektonne tsi iokaronte.
3Nok iakonstȣnente, iah kahneka tetsionatkatton ne Iesos raoioronta.
4Sekon ok kati etho niiotinerakohon, teniiase rotiiatanerakȣat eh ȣahotiketote.
5Nok tsi nahonateronhienton neok ne takontiniarenne; ȣaniron kati: ohniiotieren tsi ehnonh nitsi-seȣaiatisaks neronnhe tsinonh niiekeron ne iakoȣentaon.
6Iah kentho tehenteron; onen tanon shotonnheton, saseȣeiarann tsiniiot tsi hetsiseȣarorihakȣe sekon Galile shitres.
7Tsi raȣen: iatekakonte tsi enhonȣaiena ne roti-riȣaneraakskon nʼOnkȣe Roionha. Tonhonȣaientann-haren, enshatatonnhete nasen-aton nenȣata.
8Nok sakonneiarane neh nikaȣennotens.
9Oksaok kati sahontenti, ionsaiakotirori nenskat iaȣenre Nihatikȣekonne oni notiake.
10Onȣari-ȣatere, tsiann, tanon Onȣari Sakronistenha ne skontiriȣenhaȣine oni saiakotirori neh nekarihotens ne Iesos Ratikȣekonne.
11Eh nehne nahaȣenne tsi ronathonte skonttrori ne tsionaihonȣisen tsiniiot nahakotostshen: nese ȣaonni iah othenon tethonetakon.
12Nok ki sane, Tier tontahatane nok ȣahatkensera; iahatketoten noshonȣakon; neok ȣahatkatho noniataraha akta kaien; neok ne shonerakohonhatie tsinahaȣenne.
13Ok neh Sahennisera, teniiashe iathahine, Emmaüske niiahonenonhatie, neh nahoten ne iaiak niȣason niȣateniententserake natetiatere ne Jerusalem.
14Nok neh rotitharakȣenhaticne tsi niiaȣenseron.
15Tsi kati nahe neh rotitharakȣenhatie, eh ȣasa-kohnonterahne ne Iesos, nok ȣahonne.
16Tsi niiot noiah nahaȣenne ne nikarake nese ȣa-onni iah tehonȣaientereskȣe.
17Nok ȣahenron: oh nekenh nahoten tesenitha-rakȣenhatie? oh oni niiotieren tsi seninikonraksens.
18Saiatat Cleophas ronȣaiasts tahatati, ȣahenron: Sonhaa onteken nekenh ne Jerusalem-ronon no iah taseriȣaienterihake tsini iaȣenseron nonȣa kenhȣenni-seratenionkȣe?
19Tontahenron, oh nekenh nahoten: tontaniron: Iesos ȣahi Nazaretronon raiatatake, Rotokensehakȣe, raȣeiennanoron, raȣennanoron oni rahohenton ne Niio oni akohenton nonkȣeokon;
20Tsinihonȣaierase ne ratitsihenstatsiokon oni ne ratikorasson, ronȣariȣenton narenheie, nok tehon-ȣaientannhare.
21Iakȣerhakȣe rahonha onte enseshakoskontako nʼIsraerronon; nok sane onen neh onȣa asen-aton nonta etho nitiaȣenhon.
22Sekon ki neneh sane ionerakȣat tsinahaȣenne: otiake nonkȣathonȣiȣentsera eh iekonneskȣe tsi thon-ȣaiataten.
23Nok iah tetsiohnatkathon ne raoieronta, ȣakon-niron oni, ratironhiakeronon ȣasakotirori tsi sronnhe.
24Otiake tsini iakion eh ȣahonnete ȣahontkensera, eh ki niiot tsi ȣahontkatto tsiniiot tsi tsionatrori, nok ne raonha iah ki nehne kaneka teshonȣaken.
25Ethone onen tahenron: kanoron ki oni tsi iah teseȣanikonra, tsi oni niseȣatcnnoȣentastskon nahonteseȣetakȣe tsinithonatati ne Rotitokensehakȣe.
26Iah kenh tateiotonȣentsiohonne neh niiot tsi haharonhiaken ne Keristos, nok ahonsahataȣeiate ra-oiatanerakȣatserakon?
27Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.
28Nok nonen siiahonneȣetsi iohnatakȣenrare, oh nahaiere tsiniiot nahotohoststakȣenhatic.
29Nok ne rohnonha ȣalmnȣaiatannhe, ȣaniron: onon iokara, onen oni thoha aontaiokaraȣe, testann niha. Enskatne kati ȣahontaȣeiato anioh ȣasakoris-konte.
30Tsi kati shathonstskaon, ȣahanatararako, nok ȣahaiatateriste; ȣathaiake nok tashakahon.
31Ethone onen tonsaiatkakȣarisi nok ȣahonȣaien-terene; Nok no raonha ok oh tonsahatatonte.
32Nok ȣaniron: Iah kenh naha oni totiotarihenskȣe nonkeneriano sontasonkenirorianionne ohahakeson tsini kaȣennoten nʼoiatonseratokenti?
33Nok tontanitane, Jerusalem niionsano, tsi thatiteron nenskat iaȣenre nihati, neh ne ronatiake;
34Rontonhakȣe oni neneh: oriȣiio tsi shotonnheton no Roianer, Simon shoken.
35Nok oni ne kenh kaien saiatrori tsi nahotiiataȣen nʼohahakeson, oni eh nonsahonȣaienterone sasa konataranonte.
36Tsinikariȣes neh rotitharakȣen eh ȣahoketote ne Iesos, nok ȣasakaȣenhase: skennen tikenhak niseke!
37Nok no rononha, tsi non tahontonneke oni ȣaho-titoronno ȣahonnero ȣahonkȣatianeronno ȣahi.
38Ȣasakaȣenhase: oh nontieren seȣahterons nok niatekon seȣanontonnions?
39Seȣatkatho kesnonke oni kasike, akȣa se ii: kenh oni niiatakȣaier nok takȣakaonhion; kati kenh noneh ioȣarare oni iostientare nakonȣara tsi nii niiot.
40Nok ȣasakohnatonhase ne rasnonke oni rasike.
41Nok iah teȣatons nahontahonnetakȣe tsi nahontonnharen oni rotinerakohon, ȣasakaȣenhase: seȣakkȣaien kenh?
42Kentsiakenrita tanon otsinakontakȣane otsikheta ȣahonȣaerhase;
43Ȣatrakȣe nok rahotihenton ȣathastskaon.
44Nok ȣasakorori ȣahenron: eh ȣahi niȣakieron tsi kȣarori sekon shiteȣes: tsi iatekonte enkanane tsini hotiiaton ne Moïs oni Rotitokensehakȣe nok oni no Karennakon nii kiatatake.
45Ethone onen ȣatesakohnikonrasȣathete nahotinikonraien tane tsinikaȣennoten nʼOiatonseratokenti.
46Oni ȣahenron: otho niiot tsi kaiaton; eh oni nateiotonȣentsiohonne neh enharonhiaken ne Keristos, nok nasen-aton nonta tahontahatkestsko ne kenheiatne.
47Nok raonha raosennakon aiontoriȣanoton aiakohnikonkararen, nok tsi entsiakoterakeȣase no kariȣaneren akaonȣenteiakȣekon nonkȣe, kentho Jerusalem ienȣatasaȣen.
48Ise ȣahi noriȣakȣekon seȣatkathon; onen kati entkȣatennietase tsini horharastston ne Kakeniha.
49Niare kati Jerusalem seȣenterontak tsiniiore ionseȣahrano nʼEnekenkha ahosaststensera.
50Ethone onen astste niiasakohiatenhaȣe tsiniiore Bethani, nok ehneken iathatsiatate oni ȣasakoiatateriste.
51Nok tsinikariȣes sakoterennaiennihatie eh tonsahontekhasi, karonhiakon niionsare.
52Nok no rononha ȣahonȣasennaien, nok shonatsennonnihatie Jerusalem niionsahonne.
53Nok kenȣentatiesson ononsatokentike ronaterennaien tehonȣanonȣeronnions oni ronȣatsennonnia sne Niio.
Amen!
Àwon tá yàn lọ́wọ́lọ́wọ́ báyìí:
Rioiatatokenti Luc 24: MOH1880
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Published by the British and Foreign Bible Society in 1880.
