Roiatatokenti San 11
11
Enskat-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1Bethani nonȣe saiatat nihononȣaktanihakȣe Lazar ronȣaiastskȣe, eh nonȣe niionatenatakȣenrare nʼOnȣari tanon Marta rontennosenha.
2Neh kehiken Onȣari ne ȣenhienakon oni ȣenhie-nanoron ȣahahokaȣe ne Roianer, nok ok neh naho-nonkȣis sakarakeȣate; nok ne Lazar rohnonȣaktani-hakȣe aonha iatennosenha.
3Iatiateriȣaniete kati ne rontennosenha tsi itres ne Roianer tiatonne: Saianer onen rohnonȣaktani ne hetsenoronkȣa.
4Nok ȣahenron ne Iesos tsi ȣahariȣaronke: iah ki neneh teiakoriotha neh nikannroten, neok tanon ne Niio raoiatanerakȣatserat, eh naontaȣo ahonȣasen-noȣanate ne Niio Roienha,
5Iesos ranoronkȣakȣe ne Marta, nok oni ne tiata-tekenha, oni ne Lazar.
6Nok nonon Sahariȣaronke tsi rohnonȣaktani no Lazar, sekon teȣenniserake Sakonteko tsinonȣo nires-kȣe.
7Ethono onen ȣasakaȣenhaso ne raotiokȣa: Judé onen niiotsiteȣe.
8Tontahonniron no raotiokȣa: Saianer! onȣar ok tokara nonta tiosaiatisakskȣe ne Sitaeronon naiesa-nenhioiake, onen kati ok are eh iensese.
9Tontahenron no Iesos: iah kenh tekeni iaȣenre tekaȣistaeks ne seȣennisera? onka entiekene enha-tenti iah ki tahositiake; aseken neh tehosȣathetakȣa tsi teiosȣathe tsi ionȣentsiate.
10Kenh kaien nasonthenne enhatenti enhositiake, aseken iah ki tatehosȣathe tsi teiosȣathe.
11Nonen saharihokten, ethone ȣasakaȣenhase: Lazar onkȣatenro rotitas. Eh tanon ȣake sahiietane.
12Tontahonȣaȣennaȣeron no raotiokȣa, nok ȣaon-niron: Saianer! onenki enshaieȣentane nenhotas-seke.
13Nehse neneh ȣahenton ne Iesos tsi raȣenheion, ronnerhakȣe ne rohnonha neh kenh ronton nahako-taȣe.
14Ethone onen ne Iesos iatharihoserate ȣahenron: Lazar raȣenheion;
15Nok ȣakatonnhahero nise seȣariȣake ne tsi iah eh tekeskȣo. Toka eh naontaȣo aonteseȣotakȣe. Enhnio tanon eh ieteȣe.
16Ethone nʼAtonȣa Didyme ronȣanatonkȣa, ȣasa-kaȣenhase ne rontenro: Etho oni nʼii ieteȣe aontonseke enskatne aheteȣenheie.
17Nonen siiaharaȣe ne Iesos, ȣahariȣaronke tsi onen kaieri nonta sithonȣaiataten ne Lazar.
18Neok nahoten ne ȣisk iaȣenre stade natetiatere ne Bethani tanon ne Jerusalem.
19Kentiokoȣanen sitaeronon etho iehotine tsi tio-tinonsote ne Marta tanon nʼOnȣari, konȣatinikonra-nirathe tsi teiohnatennonterakȣen.
20Akȣa nook ȣakariȣaronke ne Marta tsi tare ne Iesos, oksaok ȣathoteratana, nok nʼOnȣari ok ieken-teron.
21Ȣakenron ne Marta tsi ȣahoȣennarane ne Iesos: Saianer! kenthoʼs enʼs aseseke iah naha tahaȣenheion nontiatennosenkenha.
22Nok ki tanon ȣakaterieniare nonȣa tsinikon enhtseneken ne Niio, enthion ne Niio.
23Tontahenron ne Iesos: enshatonnhete ne tsia-tennosenha.
24Tontakenron no Marta; ȣakaterientaro tsi enshatonnhete nonon tentiontkestsko akȣekon nonkȣe neh nonen onaken tsi teȣenniseronte.
25Tontahenron no Iesos: Ii ne tsi tsiontonnhests oni ne iakaonnhets; onka taȣetakȣon niihne iaȣeron-hatien nenhaȣenheion, enhronnheke.
26Onka ronnhe, thaȣetakon niihne iah nonȣenton tiiarenheie, tisetakȣcn kenh neneh?
27Tontakenron: Tokenske Saianer! Teȣaketakon tsi ise ne Keristos, Niio Iaienha karharastston entesete tsi ionȣentaiato.
28Nok nonen sakarihokten otasetonke saiohnonksa ne tiatatekenha Onȣari, ȣakenron: kenh itres ne Roianer nok thiennonks.
29Akȣa neok onronke tontakatenstakȣe nok eh ȣahete.
30Areko siiehero ne Iesos tsi tionatakȣenrare; sekon eh nireskȣe tsi nonh Marta natehonatatken.
31Kenh kaien no Sitaeronon neh ratitorontakȣe konȣanikonrorihakȣe nʼOnȣari, ȣahontkatto tsi sotsi tontakatenstatsi oni iakaiakenne, ȣakonȣasere rontonne: tsi thaiatat ȣateȣasenthosere.
32Siiaonȣe nʼOnȣari tsi itres no Iesos, onen oni sahoken, rasitakta ȣatoȣatonstsoten, nok ȣakenron: Saianer! nene kentho asesseke iahse thahaȣenheion nʼontiatennosenkenha.
33Iesos ȣahaken teȣasenthos oni ne Sitaeronon ne konȣanonteratiene ȣahoiatissonkȣe nok ȣahonikon-kararen.
34Nok ȣahenron: kah nonȣe niseȣaien? Tontahonniron; Saianer kasts nok satkatho.
35Nok ȣathasontho ne Iesos.
36Neh ȣaonni ȣahonniron ne Sitaeronon; oriȣiio ȣahi tsi rohnoronkȣakȣe.
37Nok otiake iontonhakȣe: neh kehiken shotsienton ne tcharonȣekonne, iah kati onteken tahokȣenion ne tosa ahaȣenheion ne kenh ronkȣe?
38Ethone are sekon sahonikonranonȣake ȣahatka-tho tsi nonȣe nihaiatat (ioshonhioȣanea kassonhion-nine nok ohnenhia kanontektonne.)
39Ȣahenron ne Iesos: Seȣanenhiarako. Nok tanon ne Marta iatennosenha ne raȣenhoion ȣakenron: Saianer! Onen ne kenh ȣakeras; aseken onen kaieri nonta eh sihaiatat.
40Tontahenron ne Iesos: iah kenh tekonrori, nentisetakȣen ensatkatho ne Niio raoiatanerakȣatse-ra?
41Ȣahatinenhiarako kati ne kanontekton tsi raiatat. Nok ne Iesos Karonhiake iahatkatto nok ȣahen-ron: Rakeni tekonnonȣeratons tsi takeȣennarakȣen, konhiatsennonniase tsi takathontatiȣ.
42Ok Se sane siȣakaterientare tsi takeȣennarakȣa; neki no teionkatiataton raotiriȣa tsi nahoten katon, toka naha eh naontaȣe ahonthontate tsi ise teskaten-nieton.
43Nok nonen saharihokten, ȣathohenrete: Lazar tontatsiakenn.
44Ne nakȣa oksaok tontahatkestsko ne raȣenheion, tehanenststerenhatie tehaȣitaneren oni, nok iakotasta rohnonȣaroron, ȣahenron ne Iesos: hetsiseȣanerensi nok hetsiseȣatka.
45Nese ȣaonni kentiokoȣanon ne Sitaeronon nʼOnȣari konȣanonsorenhonne, ȣahontkatho tsi nahaiere ne Iesos tahonnetakȣe rahonhako.
46Nok notiake, Pharisian neneh sahonȣatiroriana tsi nahaiere ne Iesos.
47Ethone onen ne ratitsihenstakȣeniios oni ne Pharisian Saontkennisa nok ȣahatitsienhaien, nok ȣa-honniron: oh niteȣakierha? Aseken kehiken ronkȣe tehaterihokȣatha ne ioriȣanerakȣatenions.
48Tokat ok tatentsiteȣakanerake akȣekon ok enthonȣetakȣe; nok enthonne ne Romain enhionkhi-iatonte, ii, onkȣanakerasera, oni nʼonkȣentiokȣa.
49Ethone Saiatat Caiph ronȣaiasts, neh ratsihens-toȣanenne neh sikahaȣis, tahatati, ȣahenron: iah othenon teseȣanikonraientas.
50Nok, iah oni tateseȣaiatoretta tsi onkȣatsennon-niat ne saiatat harenheie, ne kanenrakȣekon akoriȣa-ke, kaȣenniio ki tosa aeteȣanitiokȣahton.
51Iah raonha tehotennikonra tsi nahoten ȣahenron; nok tanon ne tsi raonha Ratsihenstatsikoȣa kenhne nʼethone, tsi kati niiot ne ȣahonikonrahentete nok tahonenne tahatrori tsi sakaȣenheiasere ne Iesos no Sitaeronon.
52Iah oni neh ok teken ne Sitaeronon, neh oni nasakoiataroroke nok oni iatasakoiestste ne Niio sakoienhokonha nʼok tiiateiakorehnihonne.
53Neok kati onen sahatiriȣisake oh onte nahatiiere nahonȣario.
54Nese ȣaonni no Iesos iah ki onkȣene tesretha-kȣe; ok eken tanon ehren ȣarete neh nonȣe, kahen-takta tkanataien Ephraim konȣaiats eh niiahare; eh oni iahatien nok oni ne raotiokȣa.
55Onon thoha siiakaheȣe tsini honentanoronse ne Sitaeronon (konȣanatonkȣa Shotonnhestston); kentio-koȣanen kati neh tienakere Jerusalem ȣahente saion-tonnhakanonhniahna tsi onen ȣentanoronsere.
56Nok Iesos ronȣaiatisakskȣe, tehontatoriȣahnon-tonnionniskȣe oni Ononsatokentike rontonhakȣe: nahoten iseȣere? iseȣere onteken iah tahontare tsini-kariȣes ȣenianoron?
57Kenh kaien ne ratitsihenstakȣeniios oni ne Pharisian sakotirihontonkȣe, nonka aiakoterienta-rako kah nonȣe nires, ahonȣatirori, oh naontaȣe aon-tiesenne ahonȣaiehna.
Àwon tá yàn lọ́wọ́lọ́wọ́ báyìí:
Roiatatokenti San 11: MOH1880
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Published by the British and Foreign Bible Society in 1880.
