Matyo Tow wə aghəə
Tow wə aghəə
Tûm i dzuŋu zey Matyo â tɔɔnə, tiilə dza bə tə̀ saa nə̀ Yeso loʼ bəghəshi wey Zə̀ kə â təb naŋa nə̀ tə i bə bəghəshiə mbi. N màʼlə u loʼ wə ghə tɔŋŋə Matyo nə̀ à loʼ Levi, tə n loʼ ngəd umɔʼ ngəd tə Yeso tən ighəm n ghii tə təbəghə. Tə â loʼ wù Juu sey, tə n tɔ̀ɔ ndow tûm i dzuŋu zən tə̀ ghə̂ ghə inaʼ a wi ghə tɔŋŋə ghə̂ a Təjuu.
 loʼ n kow Yeso Klisto Zə̀ kə â luulənə təb key tə â təb naŋanə tə̀ ghə̂ a wi ghə n màʼlə kə Nkaa n Wey mə. Tûm i dzuŋu zən kad way kə tə̀ ghə̂ a Təjuu ghə n naʼ zey ghə â jinə Yeso tii, i loʼ soʼo tə̀ ghə̂ ghə adzəm n mbi idzəm.
Matyo tɔʼ bayyə shi tsu bənu tûm i dzuŋu zən tə â tɔɔnə. I kaʼ nuu tsu n ji i Yeso, tiilə dza bə soʼo nghee Jɔn â fuu wi n mmuu n Kəzə̀ mə, nsə nghee Satan â mɔɔmə koʼ kaabə tsə wi tii n mbvən ə ntsaŋ. Kə dii bə soʼo nghee Yeso â dii kaabə ghə̂ ghə a tii, naʼlə tûm i dzuŋu zə, baŋŋə soʼo ghə̂ a dzaŋa ghə n mboʼo Galili. Tûm i dzuŋu i tii zə dii bə soʼo nghee ghə â baanə Yeso tii n zat kə fəkaʼ, nghee tə â kpuunə tii nsə nghee tə â zhəm dzəŋŋə bənə tii nə ivə.
Tûm i dzuŋu zən dii bə Yeso tə à loʼ wù dii u səŋi wə, tə wey tə khə daʼa kə tii kə ni tiilə dza bə laŋ u Kəzə̀ tə̀ ghə̂ ghə nsə ni dii ghə̂ ghə n ghəə a fɔɔ u Kəzə̀.
Jìi zey ghə bayyə naŋa shi tsu bənə ghəə ghə n màʼlə kən
Ghə bày bày a Yeso Klisto nsə ji i Yeso Klisto zə 1.1–2.23
Fwaʼ kə Jɔn wù fuu u mmuu n Kəzə̀ mə 3.1-12
Nghee ghə fuunə Yeso n mmuu n Kəzə̀ mə nsə nghee Satan â mɔm koʼnə wi tii 3.13–4.11
Fwaʼ kə Yeso n mgbaŋ n mboʼo Galili 4.12–18.35
Nghee Yeso nuu tsu n Galili ndow taa ndow n Yerosalem 19.1–20.34
Wən zey Yeso â doʼo guŋŋə tsunə n Yerosalem 21.1–27.66
Zhəm dzəŋŋə i Mûkəbii Yeso nə ivə nsə nghee tə bə dii wû wə tii tə̀ ghə̂ ghə 28.1-20
Àwon tá yàn lọ́wọ́lọ́wọ́ báyìí:
Matyo Tow wə aghəə: WEH
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 CABTAL