Matiyò Hwèlìhvòwelì hwe e Kààtì
Hwèlìhvòwelì hwe e Kààtì
Ŋmɛ̀ndì mò gbamù ema Màtiyò à tili mò òhwa nanù ema, Yerzù ndi à hweli è Mòrzùŋgèlì. Lì akeya nà mɔ̀ ɔndi Lohwɛ̀ à òndìrzɛ̀yi hweya ema à mò òhwe nanù ema à ò gbèeyà è rze yà mɔ̀nyɛ̀ yà arzɛ. Mònò ŋmɛ̀ndì mò gbamù mò hwelì ndi ò è rze yà mɔ̀nyɛ̀ yà arzɛ.
Hwèyà ema Yerzù à mà hwɛ lì òkòlɛ̀ hwe mà kàwahwa mòŋgò mata. (1) Ɛ̀ɛ̀mɛ̀ ema hwatò ema hwa hweli ò lìkànèyà là ama Lohwɛ̀ hwa àŋgàmɛ̀nɛ̀yi lì hwɛnɛ nà hwègbèèlì hwe awu, hwèèmà ema hwe ò hwɛ̀ɛ è hwe awu nà hwèyà ema hwe ò hwa gbèyɛ̀nɛ̀ (Hwehvàrzu 5-7); (2) Èwòlò ema lìyòmɛ là hwà-òkòwèlì nà hwahwàkɛ hwa àŋgàmɛ̀nɛ̀yi lì gbèya (10 là hwehvàrzu); (3) Nɛ lìkànèyà là ama Lohwɛ̀ lì hwèlì (13 là hwehvàrzu); (4) Nɛ mòtò à àŋgàmɛ̀nɛ̀yi lì gbèèyà Lohwɛ̀ (18 la hwehvàrzu); (5) Hwèyà ema hwe hwèlì hwe gbèyɛnɛ ndeŋgànɛlɛ nɛ è ò hwɛ̀ɛyà è hvònda ema Krìrztò à ò jɛ̀ɛ̀ (24-25 là hwehvàrzu).
Hwekàhweli hwe e kààtì
Mòtende na hwèŋyààyèlì hwe ama Yerzù Krìrztò 1.1–2.23
Èwòlò yà ama Yòwanìrzɛ̀ è Mòlùhwìrzèlì 3.1-12
Lìlùhwìrzɛ̀ nà màkèkìrzɛ̀nɛ̀ mà ama Yerzù 3.13–4.11
Èwòlò yà ama Yerzù ò erzòòkà yà Gàlìlì 4.12–18.35
Èwòlò yà ama Yerzù è hvònda ema à mà anjiye ò Gàlìlì lì uka ò Jèrurzalɛ̀mù 19.1–20.34
Mèenyà mè lìrzùkù mè ama Yerzù ò Jèrurzalɛ̀mù nà ò lì kòmbɛ̀nɛ̀ Jèrurzalɛ̀mù 21-27
Hwèhvùmùwèlì ndeŋgànɛlɛ nɛ Rzàŋgò è mà àwuŋmɛ̀lɛ̀ mɔ̀ ŋmìti ò hwatò ò mburzà yà hwèhvùmùwèlì hwe eni 28.1-20
Àwon tá yàn lọ́wọ́lọ́wọ́ báyìí:
Matiyò Hwèlìhvòwelì hwe e Kààtì: bri
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022, CABTAL