Mapookyony 15
15
Iruva Alya Mma na Abramu
1Numa ya findo efyo irero lya Nndumi Iruva lyikasheya Abramu yooryeny lyikammbia, “Kulairyee-fo Abramu, yeny mmbo shikee ngawo yafo, na waavi lwafo lwa pya lushevaa uniini nnu.”
2Abramu kaamba, “Woi Nndumi Iruva, a nkyokyi kushiniingaa? Neen nshikukaye indo shilatiri mwana, na yeto ashevaa muya ding'u wakwa ni Elieseri yeu wa Ndameski” 3Abramu kaamba, “Lola, nkuleshiniinga ngyeri-fo, na ishinga yeto awonikye kyeny kwakwa mbwe muya dingu wakwa.”
4Nalyo irero lya Nndumi Iruva lyikansheya lyikammbia, “Elieseri ishinga Yeu nnyashetiraa ding'u yafo-fo, kuuta mwana wafo kumuni mmbwe yeto ashevaa muni ding'u yafo.” 5Kansomuta poo, kammbia, “Ulaalu lola iruveeu kwekeni nyinyiri kwamiidima iteekyena. Kammbia, Ni indo ufyari lwafo lushevaa.” 6Kairikya Nndumi Iruva. Nawe kamwekyennya usumanu kimaruma kya vayo. 7Keengera immbia, “Yen ni Nndumi Iruva, shilekuuta kulya Uru lwa Vakaldayo shikuniinge uruka elu luve ding'u yafo.”
8Kaamba, “Ale Nndumi Iruva, mmbo shimanyaa inda uruka elu lushevaa ding'u yakwa?” 9Kammbia, “Sheengye ngashe ya taa ya myaaka iraru, na savana ya myaaka iraru, na suva ya myaaka iraru, na mbeta, na yaana lya mbuku.” 10Kamweengye efyo fyoose, kafipara nnang'ani kavii, wo kiparwe kakivika kikakulola neekyo kyingyi, lyo ndeye nnyaletipara-fo. 11Kyeeri mamutony alesha-u, ilya minying'a Abramu kaombuta. 12Na kyeeri mwi wekeeoloka, Abramu kasheyo rwe shiroo, weerei na ireema fikansheya.
13Nndumi Iruva kavia Abramu, “Manya ufyari lwafo mmbo lushevaa weny urukeny lulakee lwavo, vasherundya vandu yewo na ilyiswa ukiva ando a myaaka mayana aana. 14Naasa vandu yewo vashevarundyaa nshevakapaa, numa vashekupo-fo verye masaa meengyi. 15Kya indi yewe mmbo kushewuyaa kwa vandoo na ufoo, kufwe na irikwa kwiitiri ukuu usha. 16Na irika lya kaana lyishewuyaa yaa, mashika uravi lwa Vaamori llwalemanda-fo.”
17Naasa kyeeri kya nkwaany ireema lyikaoloka, kipalapala kya muro na nsu fikakora nyama ilya. 18Nkonu eto Nndumi Iruva kavika kyaasa na Abramu, kaamba, “Ufyari lwafo mmbo shaluninga uruka elu, uka mura va Naili wa urukeny lwa Misri kukooye mura yeto nniini wa Frati, 19Mkeni, Mkenisi, Mkadmoni, 20Mhiti, na Mperisi na Mrefai, 21na Mwamori, na Mkanani, na Mgirgashi na Myebusi.”
Àwon tá yàn lọ́wọ́lọ́wọ́ báyìí:
Mapookyony 15: MAS2
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Holy Bible in Kimashami © Bible Society of Tanzania, 2016.