Kut 15
15
1Bwanyima Nyakubaho akagambira Aburahamu omu kworekwa ati: Aburahamu! Otatiina. Niinye ngabo yaawe, kandi ndyakuha ebihembo bingi munonga. 2Na Aburahamu yaamugarukamu ati: Ai Mukama Ruhanga, mbwenu noija kumpa ki? Manya ntuura ndi encwekye, n'omuhunguzi w'eka yangye ni Eliyeezeeri owa Damasiko. 3Aburahamu ayongyera agira ati: Reeba, tokampaga mwana, mbwenu omuhuuku owaazairwe omu ka yangye niwe ariba omuhunguzi wangye. 4Ahonaaho Nyakubaho yaamugambira ati: Ogwo tariba muhunguzi waawe; mutabani waawe nyakabara niwe arikuhungurira. 5Atyo amushohoza aheeru, amugira ati: Imutsya amaisho, oreebe omu iguru, haza obare enyonyoozi, yaaba noobaasa kuzibara. Bwanyima amugira ati: Na baijukuru baawe nikwo bariba. 6Aburahamu yaikiriza Nyakubaho; haza okwo kwikiriza kwamubarirwa kuba okuhikiirira.
7Mpaho amugira ati: Niinye Nyakubaho owaakwihire Uuri ey'Abakaludaaya kukuha egi nsi kuba eyaawe. 8Aburahamu amugarukamu ati: Ai Mukama Ruhanga, mbwenu niinyija kumanya nta ngu ndyagitunga? 9N'onu amugira ati: Ndeetera enyana y'emyaka eshatu, n'ebuguma y'embuzi y'emyaka eshatu, n'empaya y'entaama y'emyaka eshatu, n'enkombe emwe n'eriiba rimwe. 10Nawe byona abimureetera, abihirimburamu kabiri; buri kiningu akitungikirira kigyenzi kyakyo, kwonka enyonyi zo tazihirimbura. 11Kandi amahungu ku gaizire kuteera egyo mitumbi, Aburahamu yaagabinga.
12Eizooba ku ryabaire nirirengarenga, yaarembibwa oturo, ahonaaho omwirima mwingi gurikwitsa obwoba gwamushweka. 13Reero Nyakubaho yaagira Aburahamu ati: Manyira kimwe ku baijukuru baawe barishuuhuukira omu nsi etari yaabo, bakabeerayo abahuuku, bakahatirwayo kumara emyaka magana ana. 14Kwonka ndyafubira eihanga eri bariba abahuuku baaryo, na bwanyima barugyeyo baine eby'amatungo bingi. 15Haza iwe oryafa n'obusingye, oshangye baashwenkuru; oziikwe ohikize emyaka ya bukuru. 16Bwanyima baryagaruka aha omu bwijukuruza bwa kana, ahabw'okuba ebibi by'Abaamori tibikahikire ha muheru.
17Eizooba ku ryarengire, bwaira; ahonaaho haareebeka ekikoomi kirikucumbuuka omwika, n'orumuri rurikwaka rwaraba ahagati y'ebiningu byombi. 18Eryo izooba Nyakubaho yaakorera Aburahamu endagaano, naagira ati: Egi nsi ndyagiha baijukuru baawe, okwiha aha mugyera gwa Misiri, okuta aha mugyera omuhango Eufuraati: 19Ensi y'Abakeeni, n'Abakeenizi, n'Abakademooni; 20Abahiiti, Abapeerizi, Abareefa, 21Abaamori, Abakanaani, Abagirigaashi, n'Abayebusi.
Okuzaarwa kwa Ishimaeli
Àwon tá yàn lọ́wọ́lọ́wọ́ báyìí:
Kut 15: RKK2008
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible with Apocrypha in Runyankore-Rukiga, new revised joint translation © The Bible Society of Uganda, 2008.