Genesisi 10
10
A xaxameto wa matiko.
1Lezi hi zizukulwana za vana va Noa, Xemi, na Hamu, na Jafete; va lo beleka a vanana hi nzhako ka ntalo.
2A vanana va Jafete hi Gomere, na Magoge, na Madayi, na Javani, na Tubale, na Mexeki, na Tirase.
3A vana va Gomere hi Axkenaze, na Rifate, na Togarma,
4a vana va Javani hi Elixa, na Tarxixi, na Kitime, na Dodanime.
5Lava va nga zihlaleni za matiko va humela ka vona, va ti hangalakela matikweni yabye; vontlhe hi tirimi tabye, hi tixaka tabye, matikweni yabye.
6A vana va Hamu hi Kuxe, na Mizraimi, na Puti, na Kanani.
7A vana va Kuxe hi Seba, na Havila, na Sabita, na Rama, na Sabiteka. A vanana va Rama hi Xeba, na Dedani.
8Na Kuxe i lo beleka Nimrode. Hi yena a nga sangula kuva ni mufumo laha misaveni.
91 wa hi muhloti wa hombe mahlweni ka Jehova, hikwalaho ku lo wulwa ku ngalo: Kota Nimrode muhloti wa hombe mahlweni ka Jehova.
10A kusangula ka mufumo wakwe hi le Babeli, ni le Ereke, ni le Akade, na Kalne, le tikweni ga Xinari.
11I lo suka tikweni lego aya Siria, i lo ya aka Niniva, ni Rehobote-Ire, ni Kala,
12ni Reseni xikari ka Niniva na Kala, lowo wu wa hi muti wa hombe.
13Mizraime i lo beleka Ludime na vaAnamime, na Lehabime, na Naftuhime,
14na Paturusime, na Kasluhime, (ku humako hi ka vona a vaFilistia,) na vaKaftore.
15Kanani i lo beleka Sidoni, matewula yakwe, na Heti,
16ni vajebusi, ni vaAmori, ni vaGirgaxi,
17ni vaHivi, ni vaAraki, ni vaSini,
18ni vaArvadi ni vaZemare, ni vaHamate. Anzhako ka lezo a tiyindlu ta vaKanani ti lo ti hangalakela kule.
19Ni mbhingano wa maKanani wu wa sangula Sidoni wu komama Gerari, wu kala wuya chikela le Gaza, wu komama le Sodoma ni le Gomora, ni le Adma; ni le Zeboime wu kala wuya chikela le Laxa.
20Lava hi vana va Hamu hi tixaka tabye, ni tirimi tabye misaveni yabye, ni matikweni yabye.
21Yenawu Xemi a raru wa vana vontlhe va ka Eberi, a nhonzwa ya Jafete, i lo beleka vana.
22A vana va Xemi hi Elame, na Asure, na Arpaxade, na Luda, na Arame.
23A vana va Arame hi Uza, na Hule, na Geteri, na Maxe.
24Na Arpaxade i lo beleka Xela; na Xela i lo beleka Eberi,
25Eberi i lo beleka a vafana vambiri, a vito ga munwe i wa hi Pelegi; hakuva masikwini yakwe a misava yi lo avanyiswa; a vito ga nakulobye i wa hi Joktani.
26Na Joktani i lo beleka Almodade, na Xelefe, na Hazarmaveti, na Jera,
27na Hadorame, na Uzale, na Ditla,
28na Obale, na Abimaeli, na Xeba,
29na Ofira, na Havila, na Jobabe; vontlhe lava va wa hi vana va Joktani.
30A kuaka kabye kusukela le Mexa kuya chikela le Sefare, a xitsunga xa Mutsuwuka-gambo.
31Lava va wa hi vana va Xemi, hi tixaka tabye, ni tirimi tabye, misaveni yabye ni matikweni yabye.
32Leti hi tiyindlu ta vana va Noa hi mingango yabye, ka misava yabye: a matiko ma humile ka vona ma hangalaka ni misava anzhako ka ntalo.
Àwon tá yàn lọ́wọ́lọ́wọ́ báyìí:
Genesisi 10: TSC72
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Tshwa Bible © Bible Society in Mozambique, 1972, 2007.