MATEUS 1
1
Jereh tahtu ajuh Yesus Kristus
(Luk. 3:23-38)
1'Jituh jereh tahtu ajuh Yesus Kristus, lihit Dawid lihit Abraham. Tahkan Abraham nyiring Dawid, karon-aran tahtu ajuh Yesus kolou pongotuh.
2-6aAbraham,
Isaak,
Yakub,
Yahuda tutang konduang-konduangoh, Peres tutang Serah (inai iro, arai Tamar),
Hesron,
Ram,
Aminadab,
Nahason,
Salmon,
Boas (inaioh iorih Rahab),
Obed (inaioh iorih Rut),
Isai,
tutang Lahca Dawid.
6b-11 #
2Lahc. 24:14-15; 2Kron. 36:10; Yer. 27:20 Tahkan Lahca Dawid, nyiring kotihka uhtus Israel tonawan nokuh Babel tonyurat karon-arai uli tuh:
Salomo (inaioh anai awan oruh Uria),
Rehabeam,
Abia,
Asa,
Yosapat,
Yoram,
Usia,
Yotam,
Ahas,
Hiskia,
Manasye,
Amon,
Yosia,
Yekhonya tutang konduang-konduangoh.
12-16Tahkan uhun lihit Israel tonawan nokuh Babel, nyiring Yesus konanak tonyurat karon-aran kolou uli tuh:
Yekhonya,
Sealtiel,
Serubabel,
Abihud,
Elyakim,
Asur,
Sadok,
Ahim,
Eliud,
Eleasar,
Matan,
Yakub,
Yusep bosai Maria.
Tutang tahkan Maria orih konanak Yesus ijo konohawot Kristus.
17Jadi tahkan Abraham johcok Dawid paringoh anai ohpat balas liting. Tahkan Dawid johcok uhun lihit Israel tonawan nokuh Babel anai ohpat balas liting. Tahkan kotihka ulun lihit Israel tonawan nokuh Babel johcok Yesus konanak anai hino ohpat balas liting.
Yesus Kristus Konanak
(Luk. 2:1-7)
18 #
Luk. 1:27
Koloutuh sorihta, tohou nganak Yesus Kristus. Inai-Oh iorih Maria kisok-ain Yusep. Tahpi hounumba iro kawin, korinah Maria ius botohi. Yusep eam kota'an ijo Maria botohi, tului kobasan Roh Pohotala. 19Yusep kisokoh rih anai ihcobehti ulun ijo toturus te'et umba hukum agama. Jadi io kani ngombalang kisokoh rih tahpi honong toni-tonih, mangat Maria eam norima komia ang baun ulunaro. 20Pondehan Yusep ngihtu-ngihtung aang orih, io nuhpi. Ang nuhpiuoh rih, io nohto ihcobehti molehkat Tuhan ijo homauh umba io, “Yusep uhtus Dawid a'ai mihkoh kawin umba Maria; tului anak ijo aang kotohiu orihrih nyolung bain kowasan Roh Pohotala. 21#Luk. 1:31 Maria ahkan nganak ihcobehti anak bahkas. Anak orih pahtut ihko napa arai Yesus, tului Io ahkan nyolamat ulun-ukup-Oh tahkan dusan'ndo.”
22Paringoh rih nyolung kodorih, mangat nyolung inon ijo tonuhtui Tuhan nguha nabi-Oh, iorih, 23#Yes. 7:14 “Ihcobehti dala ahkan botohi tutang nganak ihcobehti anak bahkas. Anak orih ahkan konohawot Imanuel.” (Imanuel orih basa Ibrani ijo rimai, “Pohotala anai hihco ihto”.)
24Uliorih Yusep monyun io molalus inon ijo tonuhtui molehkat Tuhan rih ahkaioh. Io kawin umba Maria. 25#Luk. 2:21 Tahpi kotahin Maria jaha nganak anakoh rih, Yusep eam hihco umba Maria. Tutang uli anakoh rih konanak Yusep napa araioh Yesus.
Àwon tá yàn lọ́wọ́lọ́wọ́ báyìí:
MATEUS 1: OTD
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
@ LAI 1997 Indonesian Bible Society (Lembaga Alkitab Indonesia)
