GENESIS 7
7
Danum soho
1Limbah te Tuhan hamauh dengan Noah, “Aku mite je baya ikau bewei oloh je malalus kanahuang-Ku. Has, tame akan huang kapal te dengan kare keluargam. 2-3Imbit kea uju pasang bara genep macam burong tuntang meto beken je barasih, tapi bara meto pali baya ije pasang bewei bara genep macame. Lalus hal te uka bara genep macam meto aton je salamat bara kabinasa tau manak-manaka tinai hunjun petak. 4Uju andau tinai limbah toh Aku akan mampadumah ujan je dia tende-tende katahin epat puluh andau epat puluh alem, uka taloh belom je jari injapa-Ku te binasa.” 5Balalu Noah malalus kare taloh je inyoho Hatalla akae.
6Umur Noah 600 nyelo metoh danum soho te mampaleteng petak. 7#Mat. 24:38-39; Luk. 17:27 Noah tuntang sawae, tuntang kare anake dengan kare sawae, tame kapal te uka manyalamat arepe bara danum soho. 8Ije hatuee tuntang ije bawie bara genep macam burong tuntang meto je beken – aloh je barasih tuntang je pali – 9uras tame akan huang kapal te haya-hayak dengan Noah, tumon parentah Hatalla. 10Uju andau limbah te danum soho dumah mampaleteng petak.
11 #
2 Ptr. 3:6
Metoh umur Noah 600 nyelo, hong tanggal uju walas bulan due, te kare lowang danum je penda petak te bapusit. Kare lawang langit imbuka, 12tuntang ujan papak panggar lawo katahin epat puluh andau tuntang epat puluh alem. 13Hong andau te kea, Noah dengan sawae tame akan huang kapal te impahayak telo anake, iete Sem, Ham, Yapet dengan kare sawan ewen. 14Hayak dengan ewen tame kea genep macam burong tuntang meto je beken, aloh je balinek tuntang je baliar, aloh je hai tuntang je korik. 15Ije kongan hatuee tuntang ije kongan bawie bara genep macam taloh belom tame akan huang kapal te haya-hayak dengan Noah, 16tumon parentah Hatalla akae. Limbah jari uras tame, Tuhan manutup bauntonggang kapal.
17Danom soho te mantakan katahin epat puluh andau, tuntang danum sukop kagantonge sampai kapal te tau hagatang. 18Danom sasar gantong, tuntang kapal te lapu-laput bahantong hunjun danum. 19Danom te sasar gantong tinai, sampai kare bukit je pangka-gantonge mahin lelep. 20Danom te mandai tinai sampai mampaleteng uju meter hunjun kare tantan bukit. 21-23Tuhan mampalomos uras taloh je belom hong hunjun petak toh: Olon, burong tuntang meto hunjun petak aloh korik aloh hai. Je dia matei baya Noah bewei tuntang kare je aton hayak dengae intu huang kapal te. 24Danom te dia surut katahin 150 andau.
Àwon tá yàn lọ́wọ́lọ́wọ́ báyìí:
GENESIS 7: NIJ
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
@ LAI 2005