Juɛl a pwɔdɛn tɛ Mak 16
16
1ƆCI tɛ ɣoŋ a wuwɛn badɛ, Mari Magdalen, ɔci Mari megen Jakob, ɔci Calomi, a dokɛn ɛcɛn jan a dɔwa, aŋkɛ eken bɛnɛ ti noŋdɛ juiyɛ Minɛ warɛ. 2Tɛ non bɔdɛ tɛ ɣoŋ a ciɛlɔ, eken bɛnɛ kol ti, ɣoŋ waŋ ballɛ bɛyɛ tɛ inyu. 3Ɔci eken ballɛ gɔkjɛn pokɛn: Minɛ gwuna tolɛn luldɛn ɔntɔ ta kol winyu? 4Ɔci non gwɔlɛn, eken gɔrcɛ gwuna ballɛ ɔntɔ: gwuna a tolɛn a tolɛn. 5Ɔci eken kacɛn kol ji, ɔci gɔrcɛn minɛ kalgɔ cocɛn tɛ taŋɛ a birɛ, yhɛŋdɛ buruŋ a bɔwɛn a bɔwɛn; ɔci eken punɛn. 6Ɔci eke gɔkjɛn ma ti: Na pundɛ bɛ: ɣɛke lirtɛ Yecu, Minɛ Nadaret, Minɛ ŋamɛ ma kakɛn ti: Eke jɔŋɛ dokɛ; Eke ballɛ wɛni bɛ: gwɔlɛ, non Eke dwɔnnɛ ma. 7Dalɛ otɛn, makɛ botɛn Eke ti ɔci Peter myitkɛ, Yecu otɛ Galili ɣɛke nyamɔ ti: tɛ non a wan Eke yowɛrtɛ ɣɛke ba juɛl a gwɔŋɛ Eke. 8Ɔci eken koyɛn burɛ ta kol ji, ɔci yuŋɛn nɛ penyɛn; wakɛn eken dirɛn a dirɛn, eken punɛn nɛ penyɛn: ɔci eken gɔkɛ ɔŋkɛ tɛ mingɛ bɛ; eken bwɔyɛ a pwɔdɛ bɛ.
9Aca tɛ Yecu jɔŋɛn tɛ non bɔdɛ ɣoŋ a ciɛlɔ tɛ paŋɛ ma, Eke bɛnɛ Mari Magdalen ti nyamɔ, eke a minɛ jɔkɛn a intu witkɛn ayo yɛmɛn Yecu ɔntɔ. 10Eke atɛn ɔci ma myinɛn, ma a ballɛ tɛ Yecu ɣoŋkɛnda, ma a wiagɛ a wiaŋɛ. 11Ɔci eken, tɛ eken tiŋɛn Yecu ballɛ dɔŋɛ ɣodɛ dokɛ, ɔci yowɛrnɛn eke, jithɛ bɛ.
12Tɛ nɛnɛ badɛ Yecu lelɛ tɛ warɛ Eke tɛ makɛ ayo, makɛ atɛn a wun ban a parɛ ti. 13Ɔci eken atɛn ɔci makɛ pokɛn myinɛ: ɔci ma jithɛ eken ti bɛ.
14Ɔci nɛbatɛ Eke lelɛ tɛ makɛ inyakɛn wilɛn a ciɛlɔ, ma ballɛ cocɛn tɛ omɛn am; ɔci Yecu gɔkɛ eken ti, jithɛ bawɛ eken ti ɔci yumgɛn dil a dil; ma aŋkɛ jithɛ juɛl eken bɛ, eken a ma gɔrcɛ Yecu tɛ Eke jɔŋɛ nyalɔ dokɛ. 15Ɔci Yecu gɔkjɛn ma ti: Ɔgdɛ otɛ tɛ bunkɛ ban warɛda, ɔci juɛl a pwɔdɛn ma myitkɛ wakɛnda. 16Minɛ a jithɛ ɔci naŋdɛ baptaijɛ yuɔdɛn dokɛ; ɔci minɛ jithɛ bɛ aŋkɛ jɛbdɛ tɛ gadiya. 17Ɔci wakɛ a nɛnɛ akɛ yowɛrtɛ ma a jithɛ: tɛ Yintɛ Ya jɔkɛn yɛyɛn yɛptɛn ma ɔntɔ; ɔci ma gɔkɛ tɛ jig makɛ pokɛn; 18ɔci ma mugdɛ kogɛ, ɔci kan ma motɛ aginɛ nhugdɛ ma, wakɛ nhogdɛ bɛ; ɔci eken tuptɛ ma wakɛn yayɛn, ɔci ma wakɛ pwɔnɛn kan.
19Wontɛ Ciagɔn Tolɛn Yecu, tɛ juɛl a gwɔŋɛn tɛ eken daŋɛn, atɛn ban nyalɔ, ɔci cocɛn Juɔŋ a Tolɛn ti tɛ biŋɛ birɛn. 20Ɔci ma atɛn, aŋkɛ ma laltɛn tɛ juɛl ban warɛda, ɔci Ciagɔn Tolɛn noŋdɛ yakɛn eken, ɔci juɛl eken cɔmjɛn ɔci ma gɔrcɛn wakɛ naŋɛ a pwɔdɛn. Amen.
Àwon tá yàn lọ́wọ́lọ́wọ́ báyìí:
Juɛl a pwɔdɛn tɛ Mak 16: MFZ1947
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
First published by British and Foreign Bible Society in 1947.
