Matiyu 6
6
1Ufĭnte kĭmi mūtūumpi ovun numpelēves ūnimĭnda ōveteme ma sugkū irora wagesi kĭmi; nagkū sugkū kūtū ampĭ nĭpmi marugi Itemenekūm ūnpokūp.
2Pol sugkū kemnumpi ovun numpelēves etū olentovūi mampūm sugkū ovun nempiri ūmnumpi ūnisog ovun nimo tavsogi, ĭm ra ovun selat alam, mūmagkū ōveteme wamoietivesep iranda; ĭtnesog, ya umanūwi pugkūm memagkū, irora ūmampĭ, nĭpmi enirora. 3Kō pol sugkū kemnumpi ovun numpeleves, aremī nokopmū moor otūagkili ugi imo nokopmū meves umnumpi, 4ma ovun numpeleves enugkĭk aropon amon, ĭm Itemen enugkĭk mori umagesi vamon ontampenĭgi iram amsok.
5Im pol sugkū kemnufwaki etūte sugkū ōveteme nempiri, ĭt irora umnelentugi worufwaki mūmantūrū ūnisog ovun nimo tavsogi, im ra selemsug ovun selat alam ma sugkū ōveteme wagesora; ĭtnesog ya umanūwi pugkūm memagkū, irora ūmampĭ nĭpmi enirora. 6Kō pol sugkū kemnufwaki eve ūnisog selebōk enugkĭk, sumpat pūketampet, mufwaki iran Itemen e kĭk mori vamon, miyi Itemen e kĭk mori umagesi vamon ontampenĭgi iram amsok. 7Im pol sugkū kūmnufwaki ūtūrūnenūwi nam wokon sugkū ovun nelebōkevat, ĭt irora umagkū andigora popōwo umandūnenūwi. 8Utūte kĭmi sugkū irora, ĭt iyi Itemen e kĭmi umagkili ugi imo aremī nĭsekomi pol sugkū kūmūtūsenĭgi.
9Ufwaki sugkū imo: Itemen e kam ūnpokūp, eti tumpora nin enugkĭk. 10Elum lō enugkĭk. Uti numpi sugkū tarū sū enugkĭk ra nemap sugkū ūmnumpi sū ūnpokūp. 11Ovugkam irē nevag nĭsekomam. 12Mefielentugkam sat sū enugkam, sugkū ka kemlafielentokonda mori umnumpi sat iramam. 13Metūtōrokam ran tapmi, kō semsimpari iramam marugi sat sū; ĭt lō enugkĭk, ĭm horog, ĭm nilasilaswi, ūvūrn nevisū, ĭndōwi, ĭndōwi. Amen.
14Nagkū kūmafielentokonda ōveteme sat sū isenda, Itemen e kimi ūnpokūp afielentug kūm sat sū enugkĭmi; 15kō nagkū kūtūmafielentokonda, Itemen e kĭmi otū afielentugkūm sat sū enugkĭmi.
16Im pol sugkū kūmantovokon ūtūte-sugkū ōvun nempiriugi nimĭnda nevivat; it irora ūmampūli nimĭnda ma sugkū ōveteme wagkū irora umantovokom; ĭtnesog ya umanūwi pugkūm irora ūmampī nĭpmi enirora. 17Kō pol sugkū kemasepen netevokom, esovelĭgi dumpon numpūm morowugi nĭmtum ma sugkū ōveteme utū wagesok kemantevokom, 18kō Itemen enugkĭk mori vamon; ĭm Itemen enugkĭk mori umagesi vamon ontampenĭgi iram amsok.
19Utūotovtam ra nemap yūi ūrivinē mūlevok umnumpi ūr, movun numprok ūmampelugi mōūmnumprokugi; 20kō wotovtam ūnpokūp yūi tawi ūrivinē kū ūlevok umnumpi ūr, ĭm yūi ōvun numprok ūtūwampelugi worumprok; ĭt nūrū yūi nōete enugkĭmi, yūi nōwami sugkū. 21Lamp ra nokolĭsiram nĭmtum; 22ĭm nagkū nĭmtum nelumpalam umampūarugi nilara nokolisiram omwisū; 23kō nagkū nĭmtum umīi, nokolisiram omwisū nelebōkevat; ĭm nagkū nilara mori ūnisog kĭk nelebōkevat wokon, pe nelebōkevat mori tamas.
24Tawi sĭ faneteme worotorugat iranda ōvun natemonōk endūrū; ĭt iyi onakan pugi sĭ menelentugi sĭ; kū iyi osari iran sĭ magesĭndi sĭ. Kimi tawi faneteme worotorugat iran Nōbū ĭm Nōete. 25Popōwo pe sugkū ya umanūwi pugkūm memagkū, Utūtovatorūgi nomūrep enugkĭmi sie kwoneni, ĭm sie kwamoneki; mugi nokolĭsirami, sie kwonevakūmugi. Nomūrep mōmū ra nevag kū? ĭm nokolisiran mōmū ra nemas ku? 26Utarūgi ōvun menōk ūnei, ĭt irora ūtūm mōwi, mūtū malekon semsimugi ūnisog ōvun nimo, ĭm Itemenekūm ūnpokūp umnavugunora; kĭmi mōmū aremĭ iranda kū? 27Mē sĭ ra kĭmi mori umantovatarūgi faneteme worumpi mōmū tantop virok nevisū eni? 28Im kūmantovatarūgi nemas kwamsugi? Weveleveli ugi ōvun novugon nesebo ra nete nūrū, irora umampūa nokowo? 29Irora ūtūm nagalaū, mūtfimampĭ; ĭm ya umanūwi pugkūm memagkū Solomon ra nilasilaswi eni omwisū yetūvĭugi nemas nilaswi sugkū sī ra irora.
30Im nagkū Nōbū umnevīugi topavū sugkū, mon umante irē, ĭm mran wontovuni ra nom, iyi onevakūmugi kū? Ah kĭmi en tavniri ūrekis! 31Utū tovatarūgi magkū, Sie kos keleneni? kū, Sie kos kelenamoneki? kū, Sie kelenavakosugi? ĭt lōsū ōvun nelebōkevat umnesorugi imosū, 32miyi Itemen ekĭmi ūnpokūp umagkili ma imosū aremī nĭsekomi. 33Kō ūsorugi mampūm lō eni Nōbū ĭm tanepo eni; ĭm imosū omwisū ampugkūm sugkū. 34Utūtovatarūgi mran: ĭt mran ontovatarūgi tiamesū mori wantepū mran. Etorataseviōwi ugi norĭgi sat dan sĭ.
Àwon tá yàn lọ́wọ́lọ́wọ́ báyìí:
Matiyu 6: ERGNT79
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Erromangan New Testament © British and Foreign Bible Society, 1909,1979.
