Matiyu 10
10
1Miyi yemovrokonda ōvun nūrie eni Twelv, memovunora horog woretevelegunora ōvun naviatĭndi, ĭm worum kororĭgives ōvun namarat mōvun netevūlfil, omwisū.
2Imo ninda enirora ōvun Apostol Twelv: mampūm
Sĭmon, nalĭg eni Piter, ĭm
Anderū, avensī eni;
Yakōbō, netni eni Sepedi, ĭm
Yōane, avensī eni;
3Fĭlĭp, ĭm
Bartolomū;
Tomas, ĭm
Matĭyū, mori lĭvsaū nalekon;
Yakōbō, netni eni Alfius; ĭm
Lebēus, nalĭg eni Tadius;
4Sĭmon, neteme Kēna, ĭm
Yūdas Iskariot, mori yemempirĭgi iyi.
5Imo Twelv Iesū yemtamūlora mempasewokonda memenūwi memokū, Utūve ra selat enirora ōvun nelebokevat, mūtūve ra ōvun nimote enirora ōveteme Samaria; 6kĭmi kwampe punora ōvun pugipugi neviugki ra ōvun netevokontū Isrēel. 7Im pol sugkū kūmnavan ūtorenūwisah nam mōkū, Lō ūnpokūp umpotipot; 8wumkororĭgives ōvun neturumurō, wumpi sentevives ōvun lepros, mūvievsorasah ōvun namas, mūtevelegunora ōvun naviatindi; kĭmi kūtorevĭ, ūroratalokugi. 9Utūvĭ kold, kū sĭlver kū koper, ra mumpon woretōetĭgi enugkĭmi; 10ĭm tawi sĭ vēyū nĭmsĭn selat, kū semplaūon endūrū, kū woravan endūrū kū woresentūrū; ĭt aremī mampugi neteme torugat nevag.
11Im pol sugkū kūmnĭntorĭmpe ra sĭ sĭti kū nimote, ūtagkelora mōkū, Mē iyi tanepō ra nūrū ĭgko, mūten-dōwi ūndū mefeli nempugon kūōmampe. 12Im pol sugkū kūmnĭntorĭmpe ūnisog sĭ nimo, wempasewokonda ūnisog; ĭm nagkū irora aremī nevĭeves enugkĭmi antendōwi iranda; 13ĭm nagkū irora tawi aremī nevĭeves enugkĭmi ōmentorĭleki irami. 14Miyi sĭ kū sĭ otūagesives kĭmi, motūandĭgi nam enugkĭmi, pol sugkū kwontūratumpeni ilat marugi nimo mori, kū sĭti, wosemperi navivon marugi nōwomi. 15Itnesog ya umanūwi pugkūm magkū, Anti mōmū virok iranda ra nūrū Sodom ĭm Komora ran dan nūrian ra imo sĭti.
16Urĭgi, ya umentamūlokūm sugkū ōvun pugipugi ĭle-bōteven ōven wūlf; 17ūti kĭmi nōĭntanwi sugkū ōvun neskil ĭm noramel sugkū ōvun ūmpon, kō ūfĭnte kĭmi marokonda ōveteme, ĭt irora wantōrokūm ra naūor enirora ōvun natemonōk nūrian; mirora wamselatovokūm ūnisog ōvun nimo tavsogi enirora; 18mūnimĭnda ōvun nivūo, mōvun natemonōk ra nūsian, wantorokūm sugkū popōwo ugi yaū, woreti numpūvsok iranda, ĭm lō sū ōvun nelebōkevat. 19Im pol sugkū wantipe kĭmi ūnimĭnda, ūtūtarūgi nam, kū nokowo kwontamsi mumanūwi punora, popōwo ampugkūm nam worenūwi ra nempugon mori; 20ĭt kĭmi kūtūasepen enūwi, kō Naviat eni Itemen e kĭmi anūwi ūnōwami.
21Im avensi onempiri iran avensī woretalugi, mitemen iran netni eni sugkū; mōvun netnime wontūok woretalokonda, ĭtemenda, ĭm dĭneme enirora; 22ĭm omwisū wonakan pugkūm popōwo ugi nin enyaū; kō iyi antendōwi ūnam áfeli ra nĭsah ampiēōwara. 23Pol sugkū wampīĭndi kĭmi ra imo sĭti, walō ra sĭ mōmū; ĭt ĭtnesog; ya umanūwi pugkūm memagkū, Kūtūonavan magkaū mavtĭt sĭti sū ra Isrēel miyi Netni eni neteme ōmampelum. 24Sĭ nūrie tawi mōmū aremĭ ra tavsogi eni; ĭm sĭ lĭvsaū tawi mōmū aremĭ ra narisah eni.
25Aremĭ nĭsekon sĭ nūrie nagkū iyi sugkū tavsogi eni, ĭm lĭvsaū woreti sugkū narisah eni. Nagkū dūmūnūwi mūmōkū, Bielsibūl narisah eni nimo, wanūwi magkū iranda ūnisog mōmū sugkū kū? 26Popōwo imo sugkū, ūtūmtetokonda; tiamesū moseni wamsok; ĭm wampīatumpeni tiamesū umnamon. 27Imo mori ya umanūwi pugkūm ra nelebōkevat, ūtampĭgi ra nilara; mimo kūmū-rĭgi vamon ūtorenūwisah ran tan nimo.
28Utūmtetokonda mori ūmuntalugi nokolĭsiran, kō tawi faneteme woretalugi naviat; wemtetugi mōmū Iyi mori horog woretevavtĭti dūrūsū, naviat, ĭm nokolĭsiran ra neswate. 29Umampasi ōvun nimpem endūrū ugi nugkon ra sī peni, kū? ĭm tawi sĭ ra irora amol ranemap, nagkū Itemenekĭmi otū ontenĭmpe. 30Novlĭmpūsū numpūmi umasepi. 31Popōwo imo sugkū, ūtūmtetugi; kĭmi momū aremĭ ra ōvun nimpem sikat.
32Iyi sĭ anūatumpeni yaū ūnimĭnda ōveteme, ya anūatumpeni iyi ūnĭpmi eni Itemeneyaū ūnpokūp; 33kō iyi sī anūaveni yaū ūnimĭnda ōveteme, ya anūaveni iyi ūnĭpmi eni Itemeneyaū ūnpokūp.
34Utōkū ya okovelum woretipe nĭnparata ra nemap; ya otūvelum woretipe ninparata kō naūitūga. 35It ya okovelum woretevavwora sī neteme mĭtemen, ĭm netni ĭtnasiven ĭm dĭneme eni, ĭm sī nasiven ĭm dĭneme asūon eni. 36Mov novsen nakan eni sĭ neteme wanti irora ra nimo eni. 37Iyi sĭ mori umnelentugi itemen eni, kū dĭneme, momū irag, tawi aremi irag; miyi sī umnelentugi netni ĭtnateman kū ĭtnasiven mōmū irag, tawi aremi ĭrag. 38Miyi sĭ otūinandiuki nēumparum eni memnūri yaū, tawi aremi irag. 39Iyi sĭ mori umasepen nevievēevē nomūrep eni ampiugki; miyi sĭ umampiugki nomūrep eni popōwo ugi yaū ōmampi. 40Iyi sĭ umagesi ves kimi umagesi ves yaū; miyi sĭ umagesi ves yaū umagesi ves iyi mori yemtamūli yaū. 41Iyi sĭ umagesi ves sĭ profet popōwo iyi profet, ampĭ nĭpmi eni sĭ profet; miyi sĭ umagesi ves sĭ neteme tanepō popōwo iyi tanepō, ampĭ nĭpmi eni neteme tanepō. 42Miyi sĭ ampugi sĭ ra imosū virok nū woremoneki lap popōwo iyi umnūri yaū, ĭtnesog ya umanūwi pugkūm me-makū, Iyi otūampiugki nĭpmi eni.
Àwon tá yàn lọ́wọ́lọ́wọ́ báyìí:
Matiyu 10: ERGNT79
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Erromangan New Testament © British and Foreign Bible Society, 1909,1979.
