OKUBANZA 1
1
1 #
Yoh 1:1,2; Baheb. 1:10 OKUBANZA #Zab. 8:3; 33:6; 89:11,12; 102:25; 136:5; 146:6; Is 44:24; Yer. 10:12; 51:15; Zak. 12:1; Eng. 14:15; 17:24; Bak. 1:16,17; Baheb. 11:3; Kus. 4:11; 10:6.Ruhanga akahanga iguru nensi. 2Ensi ekaba eri yonka, hatarumu kantu; kandi omuirima gukaba guli eruguru yenziha: kandi omwoyo gws Ruhanga gukamamira eruguru yamaizi. 3Kandi Ruhanga akagamba ati Habeho omusana omusana gwabaho. 4Kandi Ruhanga yarora omusana, guli murungi; Ruhanga omusana nomuirima. 5Kandi Ruhanga omusana akagweta Nyamusana, nomuirima yagweta Ekiro. Bukaba kairirizi, bukaba nyenkya, ekiro kimu.
6Ruhanga yagamba ati habeho omwanya hagati yamaizi gubaganize amaizi na mamizi. 7Ruhanga yakora omwanya yabaganiza amaizi agakaba gari hansi yomwanya, amaizi agakaba gari eruguru yomwanya: nukwo kyabaire. 8Ruhanga omwanya akagweta iguru. Bukaba akairirizi, bukaba nyenkya, ekiro kyakabiri.
9Ruhanga akagamba ati amaizi agari hansi yeiguru gesoroze hamu omukiikaro kimu, obwe’re buzoke nukwo kyabaire. 10Ruhanga aketa obwe’re ensi; nisorolezo eryamaizi akalyeta Enyanja: Ruhanga yarora bisemeire. 11Ruhanga yagamba ati ensi emere ebimera, ebinyansi, ebirikwana embibo, omuti gwabyona oguri kwana ebyana omumuringo gwabyo, ogurumu embibo yagwo, hansi: nukwo kyabaire. 12Ensi yamera ebimera, ebinyansi ebikwana embibo mumuringo gwabyo, nomuti ogurikwana ebyana ogurumu embibo yagwo: Ruhanga yarora bisemire. 13Bukaba kairirizi, bukaba nyenkya ekiro kyakasatu.
14Ruhanga yagamba ati habeho ebijwa omumwanya gwiguru okubaganiza nyamusana nekiro. Bibe obwokuro’raho, habwobusumi nebiro nemwaka: 15Kandi biikarage nketabaza mumwanya gwiguru okujwera ensi nikwo kyabaire. 16Ruhanga yakokora ebijwa ebibiri ebikoto ekijwa ekitoto okurema nyamusana: Nekijwa ekike okurema ekiro: Kandi akakora nenyunyuzi. 17Ruhanga yabita omumwanya gwiguru okujwera ensi 18nokurema nyamusana nekiro, nokubaganiza omusana nomuirima: Kandi Ruhanga yarora bisemire. 19Bukaba kairirizi, bukaba nyenkya ekiro kyakana.
20Ruhanga yagamba ati Amaizi gazare muno ebyeku’ra ebinyina obwomezi, nebihur’ruka bihu’ruke haiguru omu mwanya gwiguru. 21Ruhanga akahanga ebyomu nyanja ebikoto nebyomezi byona ebirikugenda, amaizi ebigazaire bingi, omu muringo yabyo, nebihu’ruka byona ebinyina amapapa omu mulingo gwabyo: kandi 22Ruhanga yabiha omugisa nagamba ati Muzalege, nukanye, muijuze amaizi agomu nyanja, nebihu’ruka bikanye omunsi. 23Bukaba kairirizi, bukaba nyenkya, ekiro kyakatano.
24Kandi Ruhanga akagamba ati Ensi erete ebinyina obwomezi ebigenda omu mulingo gwabyo, ente, nebinyakweku’ra hansi omu mulingo gwabyo: nukwo kyabaire. 25Ruhanga akakora ebisoro, byensi omumulingo gwazo, na byona ebinyakweku’ra hansi omu mulingo gwabyo: kandi Ruhanga yarora bisemeire. 26Ruhanga yagamba ati Tukole muntu okuba nkaitwe, omu kisisana kwaitu: balemege encu zomu nyanja, nebihu’ruka omu mwanya, nente, nensi yona, nebinyakweku’ra hansi. 27Ruhanga yahanga omuntu omu kusisanakwe wenka, omu kisasana kwa Ruhanga numwo yamuhangire akabahanga omusaukja nomukazi. 28Ruhanga yabaha omugisa: Ruhanga yabagambira ati Muzalege, mukanye, muijuze ensi, mugirye, mulemege encu ezomu nyanja, nebihu’ruka omu mwanya na byona ebinyina obwomezi ebigendera hansi. 29Ruhanga yagamba ati dora mbahaire ebinyansi byona ebikwana embibo, ebiri omunsi yona, mounuti gwona ogurmu ebyana ebyomuti ogwana embibo; halinywe birabaga ebyokulya nahali ebisoro byona ebya hansi, 30na hali ebisoro byona ebya hansi, na hali byona ebihu’ruka omu mwanya, na hali byona ebyeku’ra hansi ebirimu obwomezi, mbihaire ebinyansi byona ebibisi okuba ebyokulya nukwo kyabaire. 31Kandi Ruhanga yarora byona ebinyakwezire. Kandi dora bisemeire muno. Bukaba akairirizi, bukaba nyenkya, ekiro kyamukaga.
Àwon tá yàn lọ́wọ́lọ́wọ́ báyìí:
OKUBANZA 1: BRR64
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Runyoro-Rutooro 1964 Version © Bible Society of Uganda, 1964.