VPHAUNGC VYAUNGC 5
5
Adam Suiuz Vsaz Hez
(1Tvts 1:1-4)
1Vruex kuex Adam suiuz vsaz hez muingc wvlc rvtueq. (Tishox rueq miq tvdung sung tueq kuex vpiq ikhoc tvdung sung tueq.#V.V 1:27,28 2Vpiq rueq miqwaz nuiyc yalxjuik kuex tvdung sung ruiux, tsuingnueyc muex ruimruimx kuq vtueq, “Miq” ngoz tueq muingc tueq.)#Mat 19:4; Mak 10:6 3Adam rullungx wawc 130 nuex piq shvmx vsaz miqwaz saz lvp vtueq, Set ngoz tueq muingc tueq. 4Vsaz kvruex lvp yix maq Adam kuex wawc 800 httax yek vtueq vsaz hez lvp yek tueq, 5piq kuex wawc 930 nuex thueyc tueq.
6Set kuex wawc 105 nuex vsaz miqwaz saz Enok lvp tueq, 7kvruex yimaq piq kuex wawc 807 httax yek vtueq vsaz hez lvp yek tueq, 8piq kuex wawc 912 nuex thueyc tueq.
9Enok kuex wawc 90 nuex vsaz miqwaz saz Kenan kuex lvp tueq, 10kvruex yimaq wawc 815 httax yek vtueq vsaz hez lvp yek tueq, 11piq kuex wawc 905 nuex thueyc tueq.
12Kenan kuex wawc 70 nuex vsaz miqwaz saz Mahalalel kuex lvp tueq, 13kvruex yimaq wawc 840 httax yek tueq. Piq rueq vsaz hez lvp yek tueq, 14piq kuex wawc 910 nuex thueyc tueq.
15Mahalalel kuex wawc 65 nuex vsaz miqwaz saz Jared kuex lvp tueq, 16kvruex yimaq wawc 830 httax yek tueq. Piq rueq vsaz hez lvp yek tueq, 17piq kuex wawc 895 nuex thueyc tueq.
18Jared kuex wawc 162 nuex vsaz miqwaz saz Enok kuex lvp tueq, 19kvruex yimaq wawc 800 httax yek tueq. Piq rueq vsaz hez lvp yek vtueq, 20piq kuex wawc 962 nuex thueyc tueq.
21Enok kuex wawc 65 nuex vsaz miqwaz saz Methusela kuex lvp tueq. 22Enok kuex Tishox rulc rvnvp hvt maq httax vtueq, wawc 300 httax yek tueq nuex vsuiuz vsaz hez lvp yek tueq. 23Piq kuex wawc 365 nuex httuiuc laz rullungx luz tueq. 24Piq kuex rullungx wvlex Tishox rulc rvnvp hvt httax tueq yix maq, Tishox rueq piq kuex shvlc wvnc ningkhvnc nuex moz kaz tueq.#Heb 11:5; Yud 14
25Methusela kuex wawc 187 nuex vsaz miqwaz saz Lamek kuex lvp tueq, 26kvruex yimaq wawc 782 httax yek tueq. Piq rueq vsaz hez lvp yek vtueq, 27piq kuex wawc 969 nuex thueyc tueq.
28Lamek kuex wawc 182 nuex vsaz miqwaz saz vshiz lvp vtueq 29jungx tueq kuex, “Yehowa rueq ghaq vruex tuemc gay ningkhvnc nuex naungshiq kuex hunnyec hvlc shuimx kaz vshix wawc, vruex nox vraq yauk shuimc tvjawz wvnc shuex;” ngoz tueq Lamek rueq vsaz kv-ngoc Noa#5:29 Noa: Vruex muingc kuex Hebre maq “yauk shuimc vjawz dvyx” ngoc kvjaz rvtueq. ngoz tueq muingc tueq. 30Lamek kuex wawc 595 httax yek tueq. Piq rueq vsaz hez lvp yek vtueq, 31piq kuex wawc 777 nuex thueyc tueq.
32Noa kuex vrullungx 500 yix maq vsaz wathuimx lvp tueq kuex, Shem, Ham nuiyc Japhet rvtueq.
Àwon tá yàn lọ́wọ́lọ́wọ́ báyìí:
VPHAUNGC VYAUNGC 5: HNOT01
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Hawa Naga Bible © Bible Society of Myanmar, 2014.