MALKU 11
11
1WHENUENA yé dòn sẹpọ́ Jelusalẹm, jẹ Berfagi po Bẹtani po dali, to osó Olivie tọn go, é do omẹ awe to nuplọntọ etọn lẹ mẹ hlan, 2bo dọ hlan yé, dọmọ, Mì yì gbeta he pànnukọn mì mẹ, to afọdoponẹji le mì to bibiọ e mẹ, mì na mọ osọvu de he yè sín, ehe ji mẹde ma hẹ gbède; mì tún in, bo dòn ẹn wá 3Eyín mẹde dọ hlan mì, dọ, Etẹwutu wẹ mì to ehe wà? mì domọ, Oklunọ do onú na yí i do wà; afọdoponẹji e nasọ do e hlan ofi. 4Ye sọ yi, bo mọ osóvu de to sínsín to hòngbo ji to gbonu, to fie aliho awe pli te; yé sọ tún in. 5Mẹdelẹ to mẹhe nọte to finẹ lẹ mẹ dọ hlan yé, dọ Etẹwe mì to wiwà, bọ mì do to osóvu lọ tún? 6Yé sọ dọ hlan yé kededile Jesu ko dọ do; yé sọ jo yé do. 7Yé sọ dòn osóvu lọ wá Jesu de, bo té avọ̀ yeton do e ji; é sọ sinai do e ji. 8Ome susu sọ té avọ yetọn lẹ do aliho ji: omẹ devo lẹ sọ sán ala atin tọn lẹ bo vúnvún yé do aliho ji. 9Yé mẹhe to yìyì to nukọn po mẹhe ja to godo lẹ po to awhádo dọ, Hosanna! Donanọ wẹ ewọ he ja to oyín Oklunọ tọn mẹ: 1 10Donanọ wẹ ahọludu Davidi otọ́ mìtọn tọn, he ja to oyín Oklunọ tọn mẹ: Hosanna to oji aga.
11E sọ biọ Jelusalẹm yì tẹmpli mẹ; whenuena é pọ́n onú lẹpo lédo, le tenu to dido é tọ́njegbonu yì Bẹtani po omẹ wiawe lẹ po.
12To azán awetọ gbè, whenuena yé sọn Bẹtani ja, huvẹ to hùhù i: 13e sọ mọ ovotin de to aganu ehe tindo amà lẹ, é wá vlavo é sọgan mọ onú de to e ji: whenuena é wá e kọn, é ma mọ onú de, adavo amà lẹ na whenu ovo sinsẹ́n tọn ma ko sò, 14E sọ gblọn, bo dọ hlan ẹn, dọ, Mẹde ma so dù sinsẹ́n sọn hiẹ mẹ gbede sọn ẹgbé kaka doi blo. Nuplọntọ etọn le sọ sè e.
15Ye sọ wá, Jelusalẹm; ewọ sọ biọ templi mẹ bo sè mehe to sisà po mẹhe to hiho lẹ pó yan jegbonu sọn tẹmpli mẹ, bo so takitina tafo akuẹdiọtọ lẹ tọn, po aisintẹn mẹhe to apoe sà le ton po liai. 16E ma sọ dikena mẹde ni zé núzinzán depope gbọn tẹmpli ṣẹnṣẹn. 17E sọ to mẹplon, bo to didọ hlan yé, dọ, Be yè ma ko kanwe dọ, Owhé odẹ̀ tọn de na akota lẹpo wẹ yè na nọ ylọ owhé ṣie dọ? ṣigba mi ko hẹn en zùn odo ajoto lẹ ton 18Wekantọ lẹ po ogán yewheno lẹ tọn pọ sè e, yé sọ to dindin gbọn alọ depope mẹ nado hù i súdo; na yé dibu nẹ̃ wutu, na awuji gbẹtọ lẹpo do núplonmẹ etọn go.
19Whenuena tenu do, é tón sọn otòdaho lọ mẹ.
20Le yé juwajei to afọnnu, yé mọ ovotin lọ fiọ sọn adò lẹ. 21Pita sọ flin bo dọ hlan ẹn, dọ Mẹplọntọ, ovotin he hiẹ hodèdo lọ ko fiọ. 22Jesu sọ gblon bo dọ hlan yé, dọ, Mì do yise to Jiwheyẹwhe mẹ. 23Nugbo wẹ yẹn dọ hlan mì, Medepope he na dọ hlan osó he, dọ, Hiẹ ni yin zizé daga bo dlẹn do ohù mẹ; bo ma na hanu to ayiha etọn mẹ; ṣigba bo na yise dọ onú he é dọ na yin mo, é na tindo onú depope he é dọ, 24Enẹwutu yẹn dọ hlan mì, Nudepope he mì bio, whenuena mì hodè, mì ni yise do mì mọ yé yi, mì nasọ tindo yé. 25Whenuena mì sọ note to dèhò, mì nọ jonamẹ, eyín mì do núde do medepope go: na Otọ́ mìtọn he tin to olọn me nido jo ylando mìtọn lẹ na mì ga 26Ṣigba eyín mì ma jonamẹ, Oto mìtọn he tin to olọn me ma to na jo ylando mìtọn lẹ na mì.
27Yé sọ yé gọ̀yì Jelusalẹm; le é to zọnlinzin to templi mẹ, ogán yẹwhenọ le tọn, po wekantọ le po, po mẹho lẹ po, wá e de, 28Bo dọ hlan ẹn, dọ, Asẹ té dali wẹ hiẹ to onú helẹ wà gbọn? kavi menu we na asẹ he hie nado wà onú helẹ? 29Jesu sọ gblọn bo dọ hlan yé, dọ, Yẹn na kàn ohó dopo biọ mì ga, na mì ni gblọnna mi, yẹn nasọ dọ asẹ he me yẹn to onu helẹ wà gbọn na mì. 30Baplẹm Johanu tọn ọlon mẹ wẹ é sọn, kavi sọn gbẹtọ de? Mì gblọnna mi. 31Yé sọ to linlẹn hẹ yénọzo dọ, Eyín mí na dọ, Son olọn mẹ; é na domo, Be etewutu we mì ma yí i se? 32Ṣigba be mí na dọ, Son gbẹtọ de; yé dibuna gbẹtọ le: na gbeto lepo hia Johanu na yẹwhegán de nugbo. 33Yé sọ gblọnna Jesu, dọ, Mí ma yọnẹn gba Jesu sọ dọ hlan yé, dọmọ, Mọwẹ yen ma sọ to na dọ asẹ he mẹ yẹn to onú hele wà gbọn na mì.
Àwon tá yàn lọ́wọ́lọ́wọ́ báyìí:
MALKU 11: BWL23
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Holy Bible in Gun-Alada © Bible Society of Benin and Bible Society of Nigeria, 1923.
