Yunus 2
2
Yunus iainisi
1Yunus waipan ikae rei tiai, iainisi arihoni Yahweh Anahatana san rei,
2“Yahweh. Sinasi nanie umokoku reiso uainisi arihonia.
Uainisi oyo, Ano akahaiku.
Yahweh. Nanie umataku nea. Reiso uainisi na akahaiku.
Uainisi oyo, Ano atinu tanuku.
3Apesiku poe nuae wan naue nai osa.
Reiso umokoku na poe nuae nosite.
Auna kana reuneniku suru ria suru nau.
Kolau rapapaku.
4Uanamana pan anoku uahata,
‘Aneiku arihoni uam anoe nea reini tea!
Kani mka unoo
me numa mainisie tewa nea.’
5Sinasi nuae hasae tionaku nea.
Nanie upunuku nea reini!
Mono nuae waron rahehe unuku nea reini!
6Umokoku rotu-tu uhokaku poe nuae nosite nene tinetaya nene aikune.
Noo sani oneteku poe rei rotu-tu ria supan.
Ne Yahweh Anahatana. Nanie umataku nea.
Ne Ano apuheuku na uamahaiku.
7Haineke nanie watipusi nahaku nea
oyo anoku repeka runaya reiso uainisi.
Uainisi, Ano atinu.
Atinu roe me numa mainisie.
8Sio wason oainisi oainaa tau anahatanau waron rakahaiso tewa rei mo,
opusua tewa. Aikee anom runaso sui osa. Arime sae waron atotoe.
9Ne au mo, mka uhete kapata uainisi iake arihonia sui osa.
Mka uatanima makapana osia.
Utotoe osia, mka au una suiki.
Yahweh, ano sahoro apuheuku.”
10Iainisi pusi oyo, Yahweh iaisosi ika mainae wani reronoi rei reumutai ria muni.
Àwon tá yàn lọ́wọ́lọ́wọ́ báyìí:
Yunus 2: ANA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© (Active), Wycliffe Bible Translators, Inc., All rights reserved.