ORIN DAFIDI 101

101

Ìlérí Ọba

1N óo kọrin ìfẹ́ ati ìdájọ́ òdodo,

OLUWA, ìwọ ni n óo máa kọrin ìyìn sí.

2N óo múra láti hu ìwà pípé pẹlu ọgbọ́n;

nígbà wo ni o óo wá sọ́dọ̀ mi?

N óo máa fi tọkàntọkàn rin ìrìn pípé ninu ilé mi.

3N kò ní gba nǹkan burúkú láyè níwájú mi.

Mo kórìíra ìṣe àwọn tí wọ́n tàpá sí Ọlọrun.

N kò sì ní bá wọn lọ́wọ́ sí nǹkankan.

4Èròkérò yóo jìnnà sí ọkàn mi,

n kò sì ní ṣe ohun ibi kankan,

5Ẹnikẹ́ni tí ó bá ń sọ̀rọ̀ ẹnìkejì rẹ̀ níbi,

n óo pa á run,

n kò sì ní gba alágbèéré ati onigbeeraga láàyè.

6N óo máa fi ojurere wo àwọn olóòótọ́ ní ilẹ̀ náà,

kí wọ́n lè máa bá mi gbé;

ẹni tí ó bá sì ń hu ìwà pípé ni yóo máa sìn mí.

7Ẹlẹ́tàn kankan kò ní gbé inú ilé mi;

bẹ́ẹ̀ ni òpùrọ́ kankan kò ní dúró níwájú mi.

8Ojoojumọ ni n óo máa pa àwọn eniyan burúkú run ní ilẹ̀ náà,

n óo lé gbogbo àwọn aṣebi kúrò ninu ìlú OLUWA.

Àwon tá yàn lọ́wọ́lọ́wọ́ báyìí:

ORIN DAFIDI 101: YCE

Ìsàmì-sí

Pín

Daako

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀

Àwọn Ẹsẹ Bíbélì Tí Ọ̀pọ̀ Èèyàn Mọ
ORIN DAFIDI 101