Genese 22
22
PENE XXII - 22
I te tuatua a Iehova ra te apai rā Aberahama ia Isaaka ei tusia karakaratio; tāpuia ra aia e te Angela a Iehova ra, auraka kia ta.
1 # 22:1 Ou i te Mesia 1872. E I muri ake i te reira au mea, #1 Kori 10:13; Ebe 11:17; Iako 1:12; 1 Pete 1:7kua timata te Atua ia Aberahama, e tuatua maira kiaia, E Aberahama e. E kua karanga atura aia, Teia au. 2E kua tuatua maira aia, Ka rave i taau tamaiti i tenana, #Ebe 11:17i taau tamaiti okotai ra ko Isaaka, taau e akaperepere na, #2 Para 3:1ka aere ki te enua ra kia Moria, ka apai mai ei iaia i reira, ei atinga karakaratio ki runga i tetai maunga taku e akakite atu kia koe.
3E kua tu akerā Aberahama ki runga i te popongi roa ra, e tuku atura te nooanga ki runga i te asini nana ra, e pāpā iora i te vaie no taua atinga karakaratio ra, arataki katoa atura i e toko rua puke tangata ou nona ra, e tana tamaiti katoa ia Isaaka, tu akera, aere atura ki te ngai ta te Atua i tuatua mai kiaia. 4E tae akera ki te rā toru ra, kua nānā akerā Aberahama i tona mata ki runga, e kite atura i taua ngai ra, tei te atea ke. 5E kua tuatua mairā Aberahama ki nga tangata ou nona ra, E noo korua i ko nei e te asini; e aere maua ma te tamaiti nei ki ko akera e akamori, ka oki mai ei kia korua nei. 6E kua rave iorā Aberahama i te vaie no taua atinga karakaratio ra, #Ioa 19:17kua tuku atura ki runga i tana tamaiti ia Isaaka; e kua rave iora i te ai, e te matipi i tona rima; e aere atura raua katoa. 7E kua tuatua mairā Isaaka ki tona metua kia Aberahama, na ko maira, E taku metua. Kua karanga atura aia, Teia au, e taku tamaiti. E kua na maira aia, I na te ai e te vaie; teiea ra te mamoe ei atinga karakaratio ra? 8Kua karanga aturā Aberahama, E taku tamaiti, na te Atua uaorai e kimi i tetai mamoe, ei atinga karakaratio. Aere ua atura raua katoa.
9E tae atura raua ki te ngai i akakiteia mai e te Atua kiaia ra; kua patu iorā Aberahama i tetai atarau i reira, e kua paata marie iora i te vaie, kua ruru atura i tana tamaiti ia Isaaka, kua #Ebe 11:17; Iako 2:21tuku atura iaia ki runga i taua atarau ra ki rungao i te vaie ra. 10E kua akatika aturā Aberahama i tona rima, e kua rave atura i te matipi e ta i tana tamaiti. 11Kua kapiki maira te Angela a Iehova i runga i te rangi kiaia ra, na ko maira, E Aberahama e, e Aberahama! Kua karanga atura aia, Teia au. 12Kua tuatua maira aia, #1 Samu 15:22; Mika 6:7,8Auraka koe e tuku ua atu i to rima ki runga i te tamaiti, auraka roa e rave ua atu iaia, kua kite oki au i #Gene 26:5; Iako 2:22teianei e, e mataku toou i te Atua, ko koe kare i karapii i to tamaiti, i to tamaiti okotai roa ra, iaku. 13E kua nānā akera to Aberahama mata ki runga, akara atura, ei na, tei muri mai iaia tetai mamoe toa, tei roto i te ngangaere, kua ii te tara, kua tiki aturā Aberahama i taua mamoe toa ra, e kua apai atura ei atinga karakaratio, ei tutaki i taua tamaiti nana ra. 14Tapa iorā Aberahama i te ingoa o taua ngai ra, #22:14 Tei ia Iehova te akara.Iehova-Ire; koia tei tuatuaia ra i teianei e, Ei te maunga o Iehova e kiteaʼi.
15E kua kapiki maira te Angela a Iehova kia Aberahama i runga i te rangi ra, ko te tu rua ïa, Na ko maira, 16Te tuatua nei a Iehova, #Sala 105:9; Luka 1:73; Ebe 6:13,14Kua taputou au iaku uaorai, no te mea kua pera mai koe, e kare akenei koe i karapii i to tamaiti, i to tamaiti okotai roa ra, iaku; 17E akameitaki roa au ia koe na, e akamaata rava au i toou uanga, #Gene 15:5; Iere 33:22mei te etu o te rangi ra, e mei te #22:17 Te irava kiriti ki ko nei tei tataia, koia oki Mica 1:9. Kua tarevake. Tikaanga - Mika 1:9.#Gene 13:16onetea i taatai ra; e ka rauka #Mika 1:9te ngutupa oire o to ratou au enemi i #Gene 24:60toou ra uanga; 18#Gene 12:3; 18:18; 26:4; Anga 3:25; Gala 3:8,9,16,18E ka meitaki te pa enua katoa o te ao nei i toou ra uanga; #Gene 22:3,10; 26:5ko koe i akarongo mai i toku reo nei. 19Oki mairā Aberahama ki nga tangata ou nona ra, e tu akera raua ki runga, aere katoa maira ki #Gene 21:31Bere-seba; e noo oki a Aberahama ki Bere-seba.
20E i muri ake i tei reira au mea, kua tuatua maira tetai kia Aberahama, na ko maira, I na, kua anau tama katoa #Gene 11:29Mileka i toou tuakana ra ia Nahora; 21#Iobu 1:1Ko Huza tana tama mua, e tona teina oki ko Buza, e ko Kemuela, te metua o #Iobu 32:2Arama, 22Ko Keseda, e ko Hazo, e ko Piledasa, e ko Idalapha, e ko Betuela: 23E kua anau ta #Gene 24:15Betuela ko #Roma 9:10Rebeka. Toko varu ta Mileka i anau ia Nahora, i te tuakana o Aberahama ra. 24E te vaine tavini nana, ko Reuma te ingoa, kua anau katoa tana ko Teba, e ko Gaama, e ko Taasa, e ko Maaka.
Àwon tá yàn lọ́wọ́lọ́wọ́ báyìí:
Genese 22: CIMB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Holy Bible in Cook Islands Maori, Reprinted from the edition of 1888 © United Bible Societies, 1972.