Salmow 4
4
SALM 4.
Cum invocarem.
1Gorthyp dhymm pan alwav, A Dhuw ow ewnder : ty a'm gorras yn rydhses pan en vy yn anken; bydh grassyes orthiv, ha klew ow fysadow.
2Hwi vebyon den, pygemmys prys y fydh ow golewder treylys dhe dhespit : pygemmys prys y kerowgh euveredh, ow hwilas gow?
3Mes godhvydhewgh an Arloedh dhe apoyntya an den duwek dhodho y honan : an Arloedh a glew pan alwav warnodho.
4Krenewgh, ha na beghewgh : kewsewgh yn agas kolonn war agas gweli, ha bedhewgh tawesek.
5Offrynnewgh sakrifisow ewnder : ha trestyewgh y'n Arloedh.
6Lies huni a lever, ‘Piw a dhiskwa dader dhyn ni : drehav warnan golow dha fas, A Arloedh.’
7Ty re worras lowender y'm kolonn : moy ages y'n termyn may feu aga ys ha'ga gwin ynkressys.
8Yn kres my a wrowedh ha koska : drefenn ty dha honan, A Arloedh, dhe wul dhymm triga yn sawder.
Àwon tá yàn lọ́wọ́lọ́wọ́ báyìí:
Salmow 4: ASK
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Kesva an Taves Kernewek 1997, 2019
© Cornish Language Board 1997, 2019