Johannes 6
6
O SCHOWTO KAPITLO.
1Bala godo dradastar o Jesuska perdal i Dunera andet Foro Tiberias andi Galiläa. 2Dai but Nipo jallass bala les, ga ä Baiyura diklessas, sso ä Nasswalenge gerlass. 3O Jesuska gelass b’et Plei dai beschlass dele beske Ssogalowonza. 4I Batradji, ä Jidowongo Inepo nass dur. 5Dai wastass o Dēl beske Jaka dai diklass ga but Nipo awel. Ale woï ä Philippuseske: Ga lassa lenge Marno hod de chan. 6Godo puschellass o Jesuska lestar dehayinno, ferri de sumawel les. 7Ale o Philippus: Ei de ginassa schelle dai starwardesche Markongo, hat ferri b’at Falato ssako gabiya. 8Et awer Ssogalowo, Andreas, ä Petrusosko Pral pendass leske: 9Ssi kote et Rakloro dai ssi les bansch Marne dai duy Masche — de ssoi godo ande getschi Nipos? 10O Jesuska pendass: Geren, hod o Nipo dele de beschen. Bai Maar, sso kote ssass, beschlä bansch esera Jene. 11O Jesuska lass ä Marne, Najis ardass, paglass le, dai dass le ga ä Ssogalowura, hod de ulawen godolenge, sso kudessass pe, dai gade w’ä Maschenza, getschi gamlä. 12Gana ssa schalilä, pendass beske Ssogalowonge: Roden ä Burschuga ketane, hod de na djurin bre le. 13Dai rodinä ä Burschuga ketane, dai ssass ä Burschuga deschuduy bare Koschara. 14Gana o but Nipo godi Tschuda diklassass, pendä: Worta gadoi o Dudoscho, sso a Skirimo penel bra les. 15Gana o Jesuska hadschardass, hod ä Gaidje biren de chutilen les, hod Graiyeske de schun les, gelottar gorkori b’et Plei. 16Peradscha gelä ä Ssogalowura dele garing o Dengeri. 17Dai gelä and’et Gala de draden garing i Kapernaum. Dista tunariko ssass, dai o Jesuska nass lenssa. 18Dai i Dunero wastass pe etta bara Balwalattar. 19Ssar bai Dunero dradenas, diklä ä Jesusses dai darailä na zerra. 20Ale woï lenge: Me ssim, na daran! 21Dai linnä les andi Gala dai dradinä bo Bardo. 22O awer Djes diklä ä Gaidje godi Gala, sso ä Ssogalowura bi ä Dewlesko dradinässastar. 23Wi awera Gali andai Tiberias awilässas bascha godo Tann, ga o Marno chalessas andai Dewlesko Najissarimo. 24Gana ä Gaidje diklä, hod tschi ä Ssogalowura dai tschi o Jesuska nai kote, gelä andä Gompura hod de roden les. 25Dai raklä les perdal i Dunera dai pendä leske: Katar awilan, Raiya? 26Ale o Del lenge: Me penaw dumenge, na ande ma rodan ma, hamen anda Marno, sso dem dume de chan. 27Na roden getzawi Chabe, sso natschol, hamen getzawo, sso aschel mindig, sso dela dume ä Manuschengo Schawo, de anda godo o Del aschilass lascho. 28Ale won leske: Ei sso gerassa, hod ä Baiyura de geras, sso o Del mangel? 29Ale o Jesuska lenge: Godoi ä Dewlesko Baiyo, hod de badschan ande godo, sso voï bischadass. 30Ale won leske: Ei, ssosko Baiyo wai Tschuda geres, hod de badschas tuke? 31Amaro Nemsetto andi Pusta chalä Manna, ssar ando Skirimo sso dordjol: Woï dass le anda Tscheri Marno. 32Jesus pendass lenge: Tschatschimassa, Tschatschimassa, me penaw dumenge: O Mose tschi dass dumen o Marno anda Tscheri, hamen muro Datt del dume o tschatscho Marno. 33Godoy ä Dewlesko Marno, sso anda Tscheri awel, sso ä Manuschen del Draiyo. 34Aduntschi pendä leske: Raiya, da me getzawo Marno. 35Jesuska pendass lenge: Me ssim o Marno ä Draiyosko. Gon mande awel, godo tschi bokaiwella; dai gon ande ma badschall, hat godo schoha tschi truschaiwel. 36De me pendem dumenge; hod dume man diklan, deissa tschi badschan. 37Ssa sso man muro Datt del, godo mande awel, hat godoles tschi schudo awri. 38Ei me tsch’awilem dele anda Tscheri, hod muro Gindo de geraw, hamen mure Dadesko. 39Godoy o Gindo mure Dadesko, sso man bischadass, hod de na chassaraw, sso man dass, hamen opre de uschtawaw, gana awo. 40Dai godoy mure Dadesko Gindo, sso man bischadass, hod gon ä Schawes dikel dai badschall ande les, ande godoy o eregescho Draiyo, dai me uschtawo les opre o mai derno Djes. 41Ä Jidowura cholailä ga voï pendass: Me ssim o Marno sso anda Tscheri awilass. 42Dai pendä; Nai gado ä Josephesko Schawo, godolesko Datt dai Deý ame bindjaras? Ssar penel, ho woï ssi o Marno, sso anda Tscheri awilass? 43O Del pendass lenge: Na griesasinen! 44Naschtig awel konig mande, de na tschak o Del mukellass, dai me uschtawo les opre o mai derno Djes. 45Andey Dudoschonenge Skirimo dordjol: Ssa ä Dewlestar awna ssidjarde, gon godo ä Dadestar hadscharla, hat godo mande awla. 46Konig tschi diklass ä Dades, ferri godo jek, sso ä Dadestar awilass, godo diklass les. 47Tschatschimassa, Tschatschimassa, me penaw dumenge: Gon ande ma badschall, hat godo schoha tschi merla. 48Me ssim o Marno ä Draiyesko. 49Dumare Nemsettura andi Pusta Manna chalä, deissa mulä. 50Gadoy o Marno, sso anda Tscheri awel. Gon chall anda les, hat godo tschi merel. 51Me ssim o jiwindo Marno anda Tscheri. Gon anda gado Marno chala, hat godo trayiya erekre. Dai godo Marno, sso me daw, ssi muro Maass, sso andey Drayo a Lumako do. 52Ä Jidowura channas pe dai penennas: Ssar del amenge gado besko Maass de chas? 53O Del pendass lenge: Tschatschimassa, Tschatschimassa, me penaw dumenge: De na channa ä Manuschengo Schaweko Maass, dai de na penna lesko Ratt, hat tsch’awla Draiyo ande dume. 54Gon muro Maass chal dai muro Ratt pel, hat godoles o eregescho Draiyo, dai me opre uschtawo les o mai derno Djes. 55Ei muro Maass ssi o lascho Chabe, dai muro Ratt ssi o lascho Piyimo. 56Gon muro Maass chal dai muro Ratt pel, hat ande godo me aschaw dai woï ande ma. 57Ssar man bischadass o jiwindo Datt dai me anda muro Datt trayiy, hat wi godo trayiya, gon man chala. 58Gadoy o Marno sso anda Tscheri awilass. Na ssar dumare Dada, sso chalä i Manna dai muli. Gon anda gado Marno chala, godo trayiya eregeschen. 59Godo ssidjarlass andi Schkola ando Kapernaum. 60But Jene ande leske Ssogalowura cholailä dai pendä: Gadi etssemo surali Worbei, gon schai schunel la? 61Ssar o Del beste andral hadschardass, hod leske Ssogalowura cholailä, pendass lenge: Cholardas dumen muri Worba? 62Ei aduntschi ssar awella de dikna man opre de uraw katar awilem? 63O sswunto Odji, sso jiwindo gerel — o Maass tschi gerel kantschi. Ä Worbi, sso me penaw, godola o jiwindo Haschlo dai Draiyo. 64De ssi ande dume but Jene, ssawe tschi badschan. 65Anda godo pendem dumenge: Konig naschtig awel mande, hat de na muro Datt del godo Gindo ande les. 66Anda godo Worbi, but Jene anda leske Ssogalowura gelettar lestar. 67Ale o Del ä Deschuduyenge: wi dume gamen de jantar? 68Dai: pendass leske o Petrus! Raiya, ga de jas? Ei tute ä Worbi ba jiwindo Draiyo. 69Dai ame badschandam dai wi hadschardam, hod tu ssan o Christus, o Schawo ä jiwinde Dewlesko. 70O Jesuska pendass lenge: Tschi rodem me dumen Deschuduyen awri? deissa jek anda dume et Benk ssi! 71Woï ba Judas, lä Simonosko Schawo anda Karioth worbiyass, ga janellass hod awri biria les bala godo.
Àwon tá yàn lọ́wọ́lọ́wọ́ báyìí:
Johannes 6: LOV1930
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
First published by the British and Foreign Bible Society in 1930.
