Johannes 12
12
O DESCHUDUTO KAPITLO.
1Schow Djes anglei Batradji awilass o Jesuska ande Bethanien, ga o Lazarus ssass, sso mulo ssass, ssawes Jesuska andey Mule uschtadassass. 2Kote gerdä leske Ratschuno‐Chabe dai Martha igrellass angla les; wi o Lazarus balei Messali beschellass. 3De lass i Maria o mai furtschawo Uley, bi Hamischagosko, jossagitzko Luludjan, dai todass ä Jesuseske Burne; dai koslass le beske Ballenssa, o ingrego Kher furtschan kandelass ä Uleyeskar Ssagatar. 4Dai pendass jek anda leske Ssogalowura, o Judas Ischarioth, lä Simonesko Schawo, godo sso balal awri biriya les: 5Ssostar tschi lan feder be gado Uley trin schella Marki, hod de das le ä Tschorrenge? 6Na andey Tschorre penellass godo, hamen ga ä Lowe ssass dela lesko Wast dai malawellass mindig anda le de lal. 7Ale o Jesuska: Muk la Badschassa. Godo igrella o Djes mure Brachomoske. 8Tschorre ssi mindig bascha dume; de me tschi ssim mindig bascha dume. 9Gana schundass les o Nipo, awilässass na ferri ande Jesuska, hamen de diken ä Lazaruses, sso andey Mule uschtilass opre. 10Ä bare Raschaiya wi ä Lazaruses birennas de murdaren. 11Ga anda les janas but Jidowi dai badschanas ando Jesuska. 12O awer Djes, gana o Nipo schundass, hod o Jesuska andi Jerusalem awel. 13Linnä seleni Granki dai gelä angla les dai zibinä: Hosianna! Ascharto de awel godo, sso ando Dewlesko Anaw awel, o Grai bai Israel. 14O Jesuska raklass etta Samara dai beschlass la — ssar ando Skirimo sso ssi: 15Na dara Zion, tscho Grai awel b’et Samarako Kuro. 16Leske Ssogalowura tschi hadschardä godola Worbi anglunes, hamen gana o Del tscheresko ssass, dai gindisseilä, hod godo bra les skirime, ga won godo gerdassas leske. 17O Nipo, sso lessa ssass, gana anda Kripta zibindassass a Lazaruses, dai ba Mule uschtadassass les, ascharnas godo Baiyo na zerra. 18Anda godo wey angla les jallas o Nipo, ga schundässas hod getssawe Tschudi gerdass. 19Ä Raschaiya penennas jek awreske: Diken, naschtig geren leske kantschi, diken, ingrego Luma bala les naschel. 20De dela Jidowi wi getssawe Griechura ssass, sso opre awilässas, hod de rudjin bo Baldo. 21Godola gelä ga o Philippus, godo andey Bethsaïda deley Galiläa ssass, rudjindä les dai pendä: Raiya, ame iggen gamassas ä Jesuskas de dikas. 22O Philippus pendass godo ä Andreasoske dai aduntschi pendä ä Jesuseske. 23O Jesuska pendass lenge: O Zeito awilass, ga o Manuschengo Schawo tscheresko gerdjolo. 24Tschatschimassa, Tschatschimassa, me penaw dumenge: Ssite berlass o Semmo andi Puw hod de merel, had gorkori aschel. De ga merel, but Djemetscho anel. 25Gon besko Draiyo gamel, hat godo westiya les; gon be besko Draiyo ande gadi Luma cholaiwel, godo igrella les bo eregescho Draiyo. 26Gon muro Muiy gamel de badschal, hat godo bala ma de awel; dai me ga ssim, hat wi muro Bedenteri kote d’awel. Gon man grijia, godoles muro Datt Batschiw della. 27Akanik muri Odji brigaki. Dai sso de penaw? Dade, judin ma anda gado Tschasso! De anda godo me awilem ande gado Tschasso. 28Dade, reklarinda tscho Anaw! Dai awilass et Glaso ba Tscheri: Me reklarindem les dai reklarino les bale. 29Dai pendas o Nipo, sso kote dordjollas dai godo schunellas: Tutuniyass! Ä awera penennas: Et Andjelo worbiyass lessa. 30O Jesuska pendass: Na anda mande worbindass godo Glaso, hamen anda dume. 31Akanik jal i Griessi be Luma; ä Lumako Grai awri schuden anda la. 32Dai me, de awo bai Puw opre, wasdino hat ssa garing ma zirdo le. 33Anda godo penellass hod de janen ande ssosko Mermo merla. 34O Nipo pendass leske: Ame schundam ando Skirimo, hod o Christus mindig aschla; dai tu penes, hod opre ssite awel wasdino? Gon ssi godo Manuschengo Schawo? 35O Jesuska pendass lenge: O Udut et Semmo Zeito aschel bascha dume. Piren ando Udut mek dumendei, hod de na lel dume i Rat. Gon ando Tunariko pirel, godo tschi janel hod ga jal. 36Badschan ando Udut mek dumenge, hod a Memelake Schawe de awen. 37Gana o Jesuska pendass godoy Worbi, gelottar dai garadjilo angla le. Jiwe gerdassass godoy but Baiyura, tschi badschanas ande les. 38Hod de rakadjol o Ssibimo ä Dudoschonestar Jesaias, sso pendass: Raiya, gon badschal amarä Worbi dai gaske ssigadjilass ä Dewlesko Wast? 39Anda godo naschtig badschanas, ga o Jesaia bale pendassass: 40Woï gorrardass lenge Jaka dai lenge Jile klaschtondass, hod ä Jakenssa dena diken, dai ä Jilenssa dena hadscharen, dai de bolden pe, dai me de judinaw le. 41Godo pendass o Jesaia, ga diklass lesko Yossago dai worbindass bra les. 42Dai wi andey Anglune but Jene badschanas ande les; ferri anglei ä Raschaiya tschi ssigawnas pe awri, hod dena andi Fama schudennas le. 43Ga bengi Batschiw ga ä Manusch mai feder gamennas ssar i Batschiw ga o Del. 44Jesuska zibindass dai pendass: Gon ande ma badschal, na ande ma badschal, hamen ande godo, sso man bischadass. 45Dai gon man dikel, hat godoles dikel gon man bischadass. 46Me awilem ssar et Udut andi Luma, hod gon ande ma badschal, dena aschel ando Tunariko. 47Dai gon muri Worba schunel, dai tschi badschal mange, hat tschi schino tschi ba godo Griessi. Tschi awilem andi Luma, hod Griessi de schinaw, hamen a Luma de geraw bachtali. 48Gon man dai mure Worbi tschi lel opre, hod i Worba sso me worbindem chassarla les bo derno Djes. 49Ei, na bra ma worbindem; hamen o Datt, sso man bischadass, godo pendass mange sso de geraw dai de worbiy. 50Dai me janaw, hod lesko Ssidjarimo o eregescho Draiyo. Godo worbinaw me, sso o Datt pendass mange.
Àwon tá yàn lọ́wọ́lọ́wọ́ báyìí:
Johannes 12: LOV1930
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
First published by the British and Foreign Bible Society in 1930.
