TADPADBO PISIKHAIRAIBO
PISIKHAIRAIBO
Tadpadbo chiubo ramba hai, palungga raokhaibo Israel mai rachamga padmibo dithubo lam, paliuniu kavang thiujiu bambo Egypt gasu ‘kensubo’ maksai ‘tadpadbo’ situ dinbo-e. Haibo ariakkhuang gu lam madai thiujiu dinkhai-e: (1) Hebrew maitu kavang thiubo gasu phutkhaibo; (2) Sinai Luong lam paliuniu nbin tadbo; (3) Tingwang niu pamaidungtu Sinai Luong gasu ladriat thiukhaijiu, nkhai-rili lamga, charuangga lungrabo lamga khatdi tacheng-tajai lamga chiujiu katikhaibo; (4) Israel maidungniu kahumrabo ky khatdi kahumrabo bam kamkhaibo, khatdi singkumai nai Tingwang tu kahumrabo lamga tacheng-tajai pikhaibo hai-e.
Sibo riga nkiubo siniu, kavang thiujiu bambo maidungtu Tingwang niu khenrang thiukhai lujiu pasaileng malum bambo jat khat pithiu khaibo lamga raokhai-e.
Ariak khuang lungga parathiubo mai haise, Tingwang niu kada khaibo Mose si-e, paniu Egypt dih gasu pamaidungtu jupad khai-e. Haibo ariakkhuang lungga dithubo dum siniu Chamtan Kariu jaobo padum 20 si-e.
Palungga bambodung
Israel maitu Egypt dih gasu khenrang thiukhaibo (1.1—15.21)
a. Egypt dihga kavang thiubo (1.1-22)
b. Mose tu manabo khatdi pagu karaibo ringting (2.1—4.31)
c. Mose nai Aaron niu Egypt mai wangtu munsunjiu atungbo (5.1—11.10)
d. Kenpadbo Ngee nai Egypt dih gasu kensubo (12.1—15.21)
Hengbo Duipui gasu Sinai Luong (15.22—18.27)
Tacheng-tajai nai Ladriat (19.1—24.18)
Masanbo Mathenky nai kahumrabo lamga katikhaibo (25.1—40.38)
Àwon tá yàn lọ́wọ́lọ́wọ́ báyìí:
TADPADBO PISIKHAIRAIBO: LIANBSI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.