LUKA 19

Isua leh Zakaia

1Jeriko-ah chuan a lût a, a chhûnpelh dâwn a. 2Chutah chuan pa pakhat, a hming Zakaia a awm a; chhiahkhawn hotu a ni a, mi hausa tak a ni. 3Isua chu tu nge ni tih#19:3 ‘eng ang hmêl pu nge’ tih theih a ni bawk. hmuh a tum a, mipui avâng chuan a hmu thei lo va, pa tawi tak a ni si a. 4Tichuan, a kalna tûr kawngah a tlân khalh a, a en tûrin theipui kûngah a lâwn a. 5Chumi hmun Isuan a va thlen chuan a dâk a, a hnênah, “Zakai, lo chhuk thuai rawh, vawiin hian i inah ka thleng dâwn a ni,” a ti a. 6A lo chhuk ta sawk sawk a, hlim takin amah chu a thleng ta a. 7Chu chu an hmuhin an za chuan, “Mi sual hnêna thleng tûrin a luh tâk saw,” tiin an phunnawi a. #Lk. 5:29,30; 15:1,2.

8Zakaia chu a ding a, Lalpa hnênah chuan, “Ngai teh, Lalpa, ka sum zâtve pachhiate ka pe ang a; tu thil pawh dik lo taka lâksak ka lo neih chuan a lêt liin ka rûl leh ang,” a ti a. #Exod. 22:1; Lev. 6:5; Num. 5:6,7. 9Isuan a hnênah, “Vawiinah he inah hian chhandamna a lo thleng ta, ani pawh Abrahama fapa a ni si a. 10Mi bote zawnga chhandam tûrin Mihring Fapa hi a lo kal a ni rêng a ni,” a ti a. #Mt. 18:10.

Rangkachak tangka tehkhin thu

(Mt. 25:14-30)

11Chûng thu chu an ngaihthlâk lai chuan Jerusalem pawh an hnaih tâk avâng leh, Pathian ram chu lo thleng mai dâwna an rin avângin tehkhin thu a sawi ta a:#Mt. 25:14-30. 12Heti hian a sawi a, “Mi lian pakhat, a lal theihna tûr thu laa lo kîr leh tûrin khaw lam hla takah kal a tum a. 13A bawihte sâwm a ko va, rangkachak tangka pakhat#19:13 Rangkachak tangka hi Mina khat bûk, Denarion 100 vêl tluk a ni. a pe ṭheuh va, an hnênah, ‘Ka thang chhûngin lo peipung rawh u,’ a ti a. 14Tin, chu khuaa mite chuan an hua a, ‘He pa hi lal atân kan duh lo ve,’ ti tûrin palai an tîr zui ve nghâl a.

15“Lalna thu chu laa a lo kîr leh chuan, tangka a pêk a bawihte kha, an peipun zât hriat nân a kohtîr a. 16A lo kal hmasa ber chuan, ‘Ka pu, i rangkachak tangka kha sâwmin a pung e,’ a ti a. 17Ani chuan, Bawih ṭha, i ti ṭha e, tlêm tê chungah i rinawm a, khaw sâwm chunga hotu-ah ṭhu ang che,’ a ti a. 18A dawta lo kal pawh chuan, ‘Ka pu, i rangkachak tangka kha pangain a pung e,’ a ti a. 19Ani chuan, ‘Nang pawh, khaw nga chunga hotu-ah ṭhu rawh,’ a ti a.

20“A dang pawh a lo kal a, ‘Ka pu, en teh, i rangkachak tangka kha, thlanhrûkna puanin ka lo fûn ṭha khiau asin. 21Mi khirh tak i nih avângin ka hlau che a ni; i dah loh pawh i la ṭhîn a, i tuh loh pawh i seng ṭhîn si a,’ a ti a.

22“Ani chuan, ‘Bawih sual, i ṭawngka chhuak aṭang ngeiin ka thiam lo va che. Mi khirh tak ka niha, ka dah loh pawh ka lâk ṭhina, ka tuh loh pawh ka seng ṭhin i hria maw? 23Chuti a nih ahnu, ka tangka chu engah nge tangkaa sumdâwngtute hnênah i dah mai loh? Ka lo hâwnin a pung nên keiin ka rawn ṭhîng tûr alâwm,’ a ti a. 24Tin, a kianga dingte hnênah, ‘A rangkachak tangka kha lâksak ula, rangkachak tangka sâwm neitu kha pe rawh u,’ a ti a. 25Anni chuan, “Ka pu, ani zawngin sâwm a nei alâwm,’ an ti a. 26Ka hrilh a che u, a nei apiang an pêk belhchhah ang a, a nei lo chu a neih chhun pawh lâksak a ni ang. #Mt. 13:12; Mk. 4:25; Lk. 8:18. 27Tin, hêng, ka hmêlma, an lal atâna mi duh lotute hi, rawn hruai ula, ka hmaah that rawh u,’ a ti a,” a ti a.

Ropui takin Isuan Jerusalem a lût

(Mt. 21:1-11; Mk. 11:1-11; Jn. 12:12-19)

28Chûng thu chu a sawi zawh chuan Jerusalem panin hma a hruai chho ta a.

29Oliv tlâng an tiha awm Bethfage leh Bethani khua a thlen dâwnin zirtîrte zînga pahnih a tîr a. 30“Kan hma zâwn khuaah sâwn va kal ta ula, in va luhin sabengtung no thlun, tu ma la chuan ngai lohna in va hmu ang; phelh ula, han kai rawh u. 31Miten, ‘Engah nge in phelh tâk mai?’ an tih che u chuan, ‘Lalpan#19:31 a Pu, ‘a neitu,’ tih theih a ni. a mamawh a ni,’ tiin chhâng ang che u,” a ti a. 32Tichuan, a tirhte chu an kal ta a, an hnêna a sawi ang ngeiin an va hmu a. 33Sabengtung chu an phelh lai chuan a neitute chuan, “Sabengtung kha engah nge in phelh tâk mai?” an ti a. 34Anni chuan, “Lalpan a mamawh a ni,” an ti a. 35Isua hnênah an rawn kai a, sabengtung chungah chuan an puante an phah a, a chungah Isua chu an chuantîr ta a. 36A kalkawngah chuan an puante an phah zêl a. #2 Lal. 9:13.

37Jerusalem thlen dâwn hnaih, Oliv tlâng liam thlâk dâwnah chuan zirtîrho zawng zawng chu thil mak an hmuh zawng zawngte avângin an lâwm a, aw ring takin an au va, Pathian an fak ta a.

38“Lalpa hminga lal#19:38 Mss ṭhenkhatah ‘lal’ tih hi a tel lo. lo kal chu

Fakin awm rawh se,

Vânah rem lêng sela,

Chungnungbera hnênah ropuina awm rawh se,”

an ti a. #Sam. 118:26. 39Mipui zînga Farisai ṭhenkhat erawh chuan a hnênah, “Zirtîrtu, i zirtîrte hi khap rawh,” an ti a. #Mt. 21:15,16; Heb. 2:11. 40Ani chuan a chhâng a, “Ka hrilh a che u, hêngho hi an ngawih chuan hêng lung tal hi an au chhuak ang,” a tihsan a.

Isuan Jerusalem a ṭah

41Tin, a lo hnaih deuhva, khawpui a han hmuh chuan a ṭah ta a, #Lk. 13:33,34. 42“Aw, nang lul hian vawiinah tal hian#19:42 Mss ṭhenkhatah ‘i tâna,’ tih a tel. muanna kawng hi hre hman hrâm la ṭha tûr! 43I râlten leikulh an siam hnan hun che a lo thleng dâwn, an hual ang chia, kil tin aṭangin an bei dâwn a che; #Isa. 29:3; Jer. 6:6; Ezek. 4:2; Lk. 21:6,21-24. 44i chhûnga fanaute nên lam an paih thal dêr ang che u; i chhûngah lung intiang rêng rêng an zuah lo vang, Pathianin a rawn kan lai che i hriat loh avângin chûng chu i chungah a lo thleng dâwn,” tiin. #1 Pet. 2:12.

Isua Tempulah a lût

(Mt. 21:12-17; Mk. 11:15-19; Jn. 2:13-22)

45Tempulah chuan a va lût a, englo zuartute chu a hnawt chhuak a, 46an hnênah, “ ‘Ka in chu ṭawngṭaina in a ni ang,’ tih ziak a ni a, nangni erawh chuan suamhmangte pûkah insiam tâk zâwk hi,” a ti a. #Isa. 56:7; Jer. 7:11.

47Ni tin Tempulah chuan a zirtîr ṭhîn a, puithiam lalte leh Dân zirtîrtute chuan, vântlâng hotute nên, amah tihboral an tum a; #Mk. 11:18; Lk. 21:37; 22:53. 48nimahsela, mipuiten a thu ngaihthlâk an kham theih loh avângin a tih dân tûr an hre thei lo a ni.

Àwon tá yàn lọ́wọ́lọ́wọ́ báyìí:

LUKA 19: MIZCLBSI

Ìsàmì-sí

Pín

Daako