Àwọn Ẹsẹ Bíbélì Tí Ọ̀pọ̀ Èèyàn Mọ Zan 16

Pín

Na, ka n solu 'lɛ anyɩ ɩmɩ ‑naa ‑tɛtɛa ɩya a 'kaan nɩkplaan pupue 'lɩlɩ. 'Kwlɩ cɩ 'ka anyɩ bhɩa ‑laagɔzɔan. ‑Ma a zʋ 'tɛtɩ, sa n ya ‑laagɔzɔan ‑sɩa na!»

‑Ma daa ‑nʋawlɛɛ ‑Wugoa cɩ 'ka 'lɛ ci na, ʋ cɩ ka gba ɩya a 'ka ‑nʋawlɛa ‑tɛtɛa cibhlili. Sa ‑n 'ta ʋla 'wluun ʋ cɩ 'ta 'lɛ nyɩtɛlɩ, ‑ma ɩmɩa ʋ 'nu 'lɛ na, ɩmɩ ʋ cɩ 'ka 'lɛ anyɩ solu ɩya ʋ 'ka anyɩ wɔlɩa ‑ɩ ‑cɩ ka 'lɛ ŋeni na ‑zɔnsa.

‑Ma daa tootoa ‑aan ‑yaka, a 'ta ka ‑azla lʋʋ bhlogbɩɩ 'na 'ŋlɩa nɩkplaan 'clalɩ. A 'clalɩ ɩya a 'ka 'lɩ ɩya ala pɔlɛkʋmɛnɔa ka 'kʋglalɩ.

‑Ma 'bhlɩmɔɔn ‑nʋawlɛ n solu 'lɛ anyɩ. Ɩ nanɩ ala da lebhe n mʋ, ‑masa n 'ta mʋ na, 'kʋcinyɔa cɩ 'ta anyɩ 'kʋ ci. ‑Ma gbazɩ n ‑ka mʋ na, dɛ n cɩ 'kɔɔ 'lɛ anyɩ ‑la. Na, ɔ ka ci na, ɔ cɩ 'ka ‑laagɔzɔan ɩla mlɔlɩɛa ɩ mlɔ 'lɛ nyinyi, 'kʋnylugolulɩɛ ɩya 'tɩtɩplalɩɛa 'la gbazɔ na, pala.

Na, 'sɛtɛɛ bhlogbɩɩ a ‑kʋ 'lɛ ‑pɔtɔnʋ cɩɩnkalɔɔn. ‑Ma n cɩ 'ka ‑awlɛ anyɩ 'lɩ ɩya pɔlɛ 'kʋ 'ka anyɩ mɛma, ɩya pɔlɛkʋmɛnɔ ‑naa, nclɔɔ bhlogbɩɩ 'la kʋʋ anyɩ ‑salɩ. Na, daa 'dɛ 'la clɩɩa cɩ 'ka 'lɛ ŋeni na, 'a cɩ 'tanɩɩn wɔlɩ ‑ylɛylɛ neencla. ‑Ghɛɛ, n solu anyɩ, ɩ ‑glɩ ‑nʋawlɛ, lʋʋa ‑tɛtɛa a cɩ 'ka 'lɛ Toa 'na 'ŋlɩa nɩkplaan 'clalɩ na, ɔ cɩ 'kʋʋ anyɩ 'nyɩ.

N solu anyɩ, ɩ ‑glɩ ‑nʋawlɛ, daa ‑laagɔzɔan cɩ 'ka 'lɛ ‑pɔpʋɛ nʋ na, anyɩ, a cɩ 'ka 'tu ɩya a 'ka cɩɩnkalɔɔn kʋ. A cɩ 'ka cɩɩnkalɔɔn kʋ, ‑ma ala cɩɩnkalɔa cɩ 'ka pɔlɛkʋmɛnɔ kaci.