Àwọn Ẹsẹ Bíbélì Tí Ọ̀pọ̀ Èèyàn Mọ Zan 15

Pín

‑Amʋ ‑glɩ 'lɛ ‑ghlɛzɛɛnbhlukpoa, 'nyɩ a ‑glɩ 'lɛ 'labhɩa. Na, ɔmɔa ‑ɔ mɛɛn 'lɛ cɩ 'nyɩ n ‑mɛɛ 'lɛ cɩ na, 'dɛ ‑naanɔa cɩ 'ka 'ca ‑bhutukpa tlʋ, ‑ma a 'taan wlɩɩn ‑ka na, 'a cɩ 'ta lʋʋ bhlogbɩɩ nʋlɩɛ mino.

A mɛɛn cɩ ɩya n 'ka anyɩ cɩ mɛ! 'Labhʋa ‑ʋ 'ta 'lɛ 'bhlukpoa cɩ ‑mɛɛ na, ʋ tlʋ 'ta 'ca. 'Sɛtɛɛ bhlogbɩɩ, anyɩ ‑ma a 'taan cɩ ‑mɛɛ na, a cɩ 'ta mino ɩya a 'ka 'ca tlʋ.

Ɩ ‑ka 'kʋ lebhe a 'kaan cɩ ‑mɛɛ 'nyɩ 'na wɔɔnyɩtʋa ‑ka anyɩ nɩkplaan ‑kʋ na, a 'clalɩ ɩmɩa a ‑wa 'lɛ na, ‑ma a cɩɩ 'lɩ.

‑N 'ta anyɩ ‑ɔ 'taan 'lɛ desla, ‑ma ‑amʋ ‑ɔ sla 'lɛ anyɩ de 'nyɩ n ya 'lɛ anyɩ zʋ le a 'ka mʋ, a 'ka 'ca tlʋ ɩya ala 'caa 'ka kʋ. Na, tɛtɛa 'fɩan a cɩ 'ka 'lɛ Toa 'clalɩ 'na 'ŋlɩa nɩklplaan na, ɔ cɩ 'kɩɩ anyɩ 'nyɩ.

‑Walʋ bhlogbɩɩ 'ta 'ghli ɩya ʋ 'ka ʋmʋa ‑ʋ gba 'lɛ 'nyɩ nclɔɔ ŋonu 'lɛ le ɔ cɩ maa ɔ ‑wa 'lɛ na 'la gbʋ 'ku na, 'kʋzi.

'Labhʋa ‑tɛtɛa ‑ʋ mɛɛn 'lɛ cɩ 'nyɩ ‑ʋ tlʋ 'ta 'lɛ 'ca na, ka ɔ dɩʋ 'lɛ. ‑Ma 'labhʋa ‑tɛtɛa ‑ʋ tlʋ 'lɛ 'ca na, ka ɔ kpɔtʋʋ 'lɛ le ʋ 'ka ‑kplɔ ɩya ʋ 'ka ‑awlɛ ‑gbɔɔn tlʋ.

'Lɩka 'na ‑jlɩmaa: A wabhawabhalɩ le saa n wabha 'lɛ anyɩ na.

A ‑ka 'ca ‑bhutukpa tlʋ 'nyɩ a ‑ka 'na gɩlɩnya* ‑glɩ na, ɩ ‑glɩ n To 'la 'klʋagba.

«‑Amʋ ‑glɩ 'lɛ ‑ghlɛzɛɛnbhlukpoa 'titi 'nyɩ n To ‑glɩ 'lɛ 'kwlaatoa.

Ɩ ‑ka ‑kʋ lebhe nclɔɔ 'taan cɩ ‑mɛɛ na, ka ma pɔɔ 'lɛ ‑jlukuun, 'labhʋa ma 'dɩ 'lɛ, 'nyɩ ‑ʋ yɛ 'lɛ na 'bhisa. 'Labhɩ ‑sʋsʋɔa, ka ma bhlii 'lɛ 'kʋ, ma pɩɩ 'lɛ ‑kosuun 'nyɩ ɩ si 'lɛ.

Ka n solu 'lɛ anyɩ wɔlɩ ‑naa ɩya 'na pɔlɛkʋmɛnɔa 'ka anyɩ nɩkplaan kʋ ɩya ala pɔlɛkʋmɛnɔa 'ka 'kʋglalɩ.

A ka 'na ‑jlɩmaa 'kʋplɩlɩ na, a cɩ 'ka 'na ‑walʋa nɩkplaan kʋ, saa n 'plɩlɩ 'lɛ n To 'la ‑jlɩmaa 'kʋ 'nyɩ n ‑kʋ 'lɛ ɔla ‑wawʋa nɩkplaan na.

‑Ma ɩmɩa n 'clalɩ 'lɛ anyɩ na, ɩmɩ ‑glɩ 'lɛ lebhe a wabhawabhalɩ.

Ɩ ‑ka ‑kʋ lebhe a ‑kaa ‑laagɔzɔan 'nʋa ‑glɩ na, ‑laagɔzɔan cɩ 'kaa lʋʋa ‑ʋ ‑glɩ 'lɛ ʋ 'nʋ na wabha. ‑Ma a 'ta ‑laagɔzɔan 'nʋa ‑glɩ. Ka n sla 'lɛ anyɩ de lebhe a 'la 'kanɩ ‑laagɔzɔan 'nʋa 'plɩ. 'Lɩka wɔlɩa 'la gbʋa ‑laagɔzɔan ‑zɔ 'lɛ anyɩ na.