Àwọn Ẹsẹ Bíbélì Tí Ọ̀pọ̀ Èèyàn Mọ Lucas 3

Pín

Tej cybaj byan cycyakil xjal tuj a' tu'n Juan, ax icx te Jesús o byan tu'n Juan; ex matok in na'n Jesús Dios, jaket ttzi cya'j, ex cu'tz Xewbaj Xjan tuj cya'j, ul tibaj Jesús, ic que'yin ic tza'n paloma, ex tzaj k'ajt Dios tuj cya'j ex tma: —Aya Nc'wa'le c'ujla'nxixa wu'ne; in chin tzalaje ti'ja.

Pero xi tma'n Juan cye cycyakil xjal: —Axix toc akine in che byane wu'ne tuj a'; pero tzul juntl mas nim tipumal nwitze, aju minti' woclene tu'n tel npaju'ne tak'al t-xajab; octzun che byale tu'n tu'n Xewbaj Xjan ex tu'n k'ak'.

Cybinchame ba'n, tu'ntzun tque'yinjtz ka otok tz'ajtz ti'j cyanmiye, ex mi'n che oc tene k'malte tuj cyanmiye cyja': Tiyjil Abraham ko'ye; porque cxel nma'ne cyeye, jacu bant tu'n Dios tu'n cyoc ke abj lu te tiyjil Abraham.

Aju si'wbil c'uxbil ya ma canun t-xe tloc' tze'; cyja'tzun tcyakil tze' minti' in tk'o'n twitz ba'n, cjawil tx'emit, ex c'oquex k'ot tuj k'ak', chi Juan cye.

Ex Juan pacbal tu'ntzun tjapun aju yol tz'iban tuj tu'jil Isaías aju t-sanjel Dios, chi cyja': In jaw tk'ajk'ajel twi' jun xjal tuj lugar minti' cynajbil xjal tuj, in tma'n: Cybinchame tbe Kman; cybinchame jun tbe jikun ti'j. Tcyakil tk'ab xak oc che nojsetel, tcyakil witz ex tal witz chk'ajlaj che cyjel; ke be ẍo'c cyi'j che xel jikumet, ex ke be busl cyuj che bajel tz'umset; ex cycyakil xjal c'oquel cyque'yin aju colbil in tzaj tk'o'n Dios, chi Isaías.