Àwọn Ẹsẹ Bíbélì Tí Ọ̀pọ̀ Èèyàn Mọ Juan 12

Pín

Ka at jun xjal taj tu'n tajben weye, lpe'c wi'je; jatum chin tele axtzun ctel aju in ajben weye. Ka at jun ma tz'ajben weye, oc cjawil nimsa'n tu'n Nmane.

Alcye jun xjal o'cx toc tc'u'j ti'j tchwinklal twitz tx'otx', mlay tcamba aju chwinklal in tzaj tk'o'n Dios; pero alcye jun xjal nne'l tic'un tchwinklal tzalu twitz tx'otx', oc tcamba' aju chwinklal in tzaj tk'o'n Dios tu'n tten tchwinklal te jumajx.

Ax toc cxel nma'ne cyeye, aju twitz triw ka minti' ma cu'x maku'n tuj tx'otx', junxte cyjel ten, mlay pok'l; katzun ma cu'x maku'n, nim twitz c'oquel.

Akine ma chin ule te spic'un cyxol xjal, tu'ntzun mi'n cyten tuj klolj cycyakil keju ma che ocslan wi'je.

Pero ka at jun xjal ma binte nyole ex ka minti' ma japun tu'n, mya wu'ne cbel t-sentens; porque minti' ma chin ule tu'n tcub cysentens xjal, nok o'cx tu'n cyclet xjal.

Atzunte Mariy tzaj ti'n mij botey perjum nardo tbi mya smo'n twitz, wi'yilxix, oc tko'n ti'j tkan Jesús, ex baj t-su'n tu'n ttzmal twi'; ex o noj tuja tu'n tc'oc'jal perjum.

Tzajtzun cyi'n tk'ab xa'j, e je'x canul ti'j Jesús, jaw tk'ajk'ajel cywi' ex cyma: —Nimanxwit tbi Dios. Cy'iwla'n teju tzul, aju Rey cye aj Israel, tu'n Kman ma tzaj sama'n, che chi.

Xitzun ttzak'we'n Jesús: —Ma pon tk'ijlalil tu'n njaw nimsa'ne, akine sc'o'maj kine tu'n Dios tu'n ntene cyuc'il xjal.