Àwọn Ẹsẹ Bíbélì Tí Ọ̀pọ̀ Èèyàn Mọ Juan 10

Pín

Ate elek' nok elk'al nnu'l ex byol cye ẍne'l ex in che naj tu'n; atzun weye ma chin ule tu'n tten cychwinklal ex nimxix cychwinklal tu'n tten.

Akine ba'n pastor; ate ba'n pastor in xi tk'on tib tu'n tcyim tu'n cyclet ke ẍne'l.

Ke nẍne'le in cybi'n tk'ajk'ajel nwi'ye, ex ojtzki'n ke wu'ne, ex in che oc lpe' wi'je.

In xi nk'o'ne cychwinklal te jumajx, ex mlayx che naj, ex mi jun c'elel k'inte cye tuj nk'abe.

Akine ttzi pe'n cye ẍne'l; alcye ma tz'octz ttzi pe'n lu ccletel; oc c'oquetz ex c'elex, ex cnetel twabl.

Akine ba'n pastor, ex ojtzki'n ke nẍne'le wu'ne, ex ke nẍne'le ojtzki'n kine cyu'n

A Nmane tzaj k'onte cye weye, ex mas nim toclen Nmane cywitz cycyakil, ex mi jun jacu tz'el k'inte cye tuj tk'ab Nmane. Akine tuc'ix Nmane junx ko'ye, chi Jesús xi tma'n cye.

ic tza'n te Nmane ojtzki'n kine tu'n, ex ojtzki'n Nmane wu'ne; ex in xi nk'on wibe tu'n ncyime tu'n cyclet ke ẍne'l.

Mi jun c'elel k'inte nchwinklale, wu'nx wibe cxel nk'on wibe tu'n ncyime. At woclene tu'n t-xi nk'on wibe tu'n ncyime, ex at woclene tu'n njaw ank'ine. Atzun mandamyent jlu ma nc'ame te Nmane, chi Jesús cye.

Xitzun tma'n Jesús juntl maj cye: —Ax toc cxel nma'ne cyeye: Akine ttzi pe'n cye ẍne'l.

Atzunju xjal majen, ex mya axixte pastor, ex mya te ke ẍne'l, oc tlonte oc ttzaj xo'j, in che cyaj tcolin ke ẍne'l ex nne'l ok; atzun cye ẍne'l in che tzyet naj tu'n xo'j ex in che el sputj tu'n.

Tmatzun Jesús: —Ax toc cxel nma'ne cyeye, alcye minti' nno'cx ttzi cype'n ẍne'l, nok o'cx nno'cx tuj juntl plaj, atzunte elek'ju minti' t-xobil.