Àwọn Ẹsẹ Bíbélì Tí Ọ̀pọ̀ Èèyàn Mọ Dioni 6

Pín

Yesumi mo alinu para lalore, Niri wenaalinu para endoaya ei aloaya Enda mandana. Wenaalinumi suna enda noma epe rupa ao-paluaeme rupa ali apimi gonde ora enda neleandare endoaya ei milimi, lisaya. Ali apimi ni para ipuma kone rulaliandare reame pa na-komelea. Gurupa ali apimi ni para kone rulaliandare ipa nalame na-komelea, lisaya.

Godena Sipiridimi komea wenaalinu ma-endapeya. Wenaalinu nimuna gole wenaalinu menda ma-endape-na-ya. Neme nimi para angelenu lawa eimiri, Godena endoaya ei nimi para aloaya Sipiridiri, nimi para karu ma-epawa, lisaya.

Ambala pereda pea enda mulame pupudengi andapu na-nalepape. Pa suala pea enda mulame kone waru suma pupudengi nalepape. Go eiri ora endoaya ei naare raayona pa sualia. Apa Godeme Alina Si Naki ma-ainyale Simi, go endare nimi para ma-gilia, lisaya.

Na Apame kone pea eiri gurupa. Nipuna Naki andoma nipu para kone rulademe wenaali raayore endoaya ei minya kone wia. Gupuma monde pereda pea dina pange neme mo wenaali wala ma-rekalua, lisaya.

Yesumi nimuna angele yango liada ara lalore, Godemere nimimi gurupa ao-palialiminyaya kone pea lomare Gode nipumi rapaya ali para kone rulaliminyaya kone pea, lisaya.

Na Apame ni para giala wenaali raayore ora ni para epelea. Go eina ali apimi ni para epeleandare neme ora na-ralu dua, lisaya.

Saimono Pidame nipuna angele yango liada ara lalore, Realio, api para pomonoyapae. Nena angelenuri ma-endao-aya, lisaya.

Niri so Godena Aya Lena aoma kolopinyaoma epe enda mandana. Go enda noaya eimiri wenaalinumi endoaya ei milimi, lisaya. Ali apimi go Godena Aya Lena epea enda neleandare endoma ao-alia. Gupuma mo ali para neme adape endare nina do mindile adoa. Go suna wenaali raayome endoaya ei minyaya na do mindi ora adoa, lisaya.

Ali mendare ni para epolameyare pakama epape-na-ya. Ni rapaya Apame ali menda ni para epenaya yola mea epeleandare ni para ora epelea. Gupuma go aliri monde pereda pea dinare neme pa ma-rekalua, lisaya.

Gonde Godeme giala endare, go alimiri Godena Aya Lena minyapalaoma kolopinyaoma ipumare su wenaali para endoaya ei adeae, lisaya.

Niri Enda mandana. Wenaalinumi suna enda noma epe rupa ao-paluaeme rupa neme wenaalinu para endoaya ei adoa, lisaya.

Yesumi ande palawa kiri mumare Gode para ranae angele lomare mo pirisimiya wenaali para rali rali paisaya. Monde repali laapo pange gurupa rali rali paisaya. Gupuma mo wenaali raayome nimuna kone pi rupa muma mea nala pisimiya. Wenaali raayo enda noma romba aoma pirinya Yesumi nipuna kou nane raluaisimiya alinu para lalore, Monde enda purupilinu meala arare popolomasinu menda na-winya dapape, lisaya.

Mo kou nane raluaisimiya alinumi andalu ipa kouna dali awari paisimiya rupare mendane ki pereyoma o mendane ki komea pereyoma mendane kina komea kilomida mandana paisimiyapare Yesuri kawaso para epolame ipa mandaame angena ipula-ainya andomare paalame waru komisimiya. Yesumi nimu para lalore, Paalame na-komalepape. Gore niae, lisaya.