Àwọn Ẹsẹ Bíbélì Tí Ọ̀pọ̀ Èèyàn Mọ Matius 6

Pín

Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

“Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Tamaka ane sumambahea pesua weo bolokumu, onto fointo maka sambahea ne Amamu pata tiwohano. Ane nada naꞌa Amamu mohano tifebuniꞌano nabholosiangkoe.

Dadiꞌanomo sambaheaꞌomu nada aini, ‘Ama mani te surugaa, notifosibhalaꞌo toha neamu. Nohatoꞌo toha Kafopahintaꞌamu, nokoꞌulaꞌo toha patudhumu we dhunia ini peda te surugaa.

Waꞌa kainsami nehumaa kafaraluu mani seꞌoleo itu.

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Ane maꞌafuꞌaoꞌomu mie kokaꞌalano ne hintimiu, Amamiu te surugaa naꞌumamponikoomu dua.

Soba ondoomu kaꞌuhi lumolano; miina dahumooa, miina dakumape, miina dua dasumolo pehapindo, tamaka Amamiu te surugaa noꞌondofaanda. Ingka foliuda hintimiu bhe kaꞌuhi lumolano maitu.

“Koise mefoꞌonuomu kahangkaeano dhunia, kapaꞌamo nadumai-daiꞌe faa bhe hase, pakade dapombuhusiane kasoꞌo. Tamaka foꞌonuomu kahangkaeano surugaa, kapaꞌamo te surugaa paise nadumai-daiꞌe faa bhe hase pakade pae dua dapombuhusiane kasoꞌo. Kapaꞌamo ne amai kanandooꞌano kahangkaeamu, ne ituꞌaemo dua totono lalomu.

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Kahoku tumumbuꞌano we pada oleo itu, namentae datumawuemo. Sanginomo kahoku maitu nolegasiemo Lahataꞌala, bhemo toha dua hintimiu! Kakuhano dua kaparasaeamiu!

Tamaka ane sumadhakaa, nehabuno suanamu koemo nopandeꞌaanea kemamu. Sadhakaamu koemo dopandeꞌaanea bhaindo, maka Amamu mohano tifebuniꞌano nabholosiangkoe.”

“Tandaiꞌeomu, koise angkafiomu tubhono agamamiu mefewohaomu kaowu ne mie bhahi. Ane peda naꞌa Amamu te surugaa pae namaꞌangkoomu ponambo.

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa. Tamaka ane moasaomu mekundeomu, meheꞌuomu, keana dopandeꞌaane mie bhaindo putae poasaomu, ampamo kaowu Amamu tapa tiwohano mandeꞌaane. Maka Amamu mohano tifebuniꞌano nabholosiangkoeꞌomu.”