Àwọn Ẹsẹ Bíbélì Tí Ọ̀pọ̀ Èèyàn Mọ Matius 5

Pín

Miina dua bhe mesulano kantalea maka dosongkowiane bhengki, tamaka tetewei dohunsae ne kangkailaoꞌano mbali dentaleaꞌane kosasawindo mie weo lambu. Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Hintimiu itu kantalea we dhunia. Seꞌonu kota te wawono kabhawo tetewei paise natifebunia.

Dokodawua mpuu mongkilono lalo, kapaꞌamo damoha Lahataꞌala.

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Tamaka ambaku Idi, moasianda kaewamu bhe sambaheaꞌanda mie modee-deeko.

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Dokodawua mpuu meowano pometaa, kapaꞌamo dakumonada anaꞌino Lahataꞌala.

Dokodawua mpuu mopeano lalo, kapaꞌamo nalumawesida Lahataꞌala.

Dokodawua mpuu mie nefodee-dee hampano doangkafi kapoindalono Lahataꞌala, kapaꞌamo andoamo so mehapino Kafopahintaꞌano Lahataꞌala.

Dokodawua mpuu mobhelano lalo ne manusia bhaindo, kapaꞌamo Lahataꞌala naobhelaanda dua lalo.

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi. Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Dokodawua mpuu momaluno lalo, kapaꞌamo dhunia somo fehebuaꞌando.

“Hintimiu itu dimbano gaha we dhunia. Ane o gaha naotembe, damekakahaane dua ae? Ingka miinamo nakofahalaaꞌa, tadaꞌumoho maka dapokafindaꞌiane.

Dadiꞌanomo tabeano nasumangka totono lalomiu, peda Amamiu te surugaa.”

Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo. Labhino anaꞌa, nomaiꞌao ne Kafeompuꞌando seetani.

Fetingkeemoomu dua bhoasaono Lahataꞌala, ‘Mata dololiane mata, wangka dololiane wangka’. Tamaka ambaku Idi, koise bholosia ne mie humabu modaino ne hintu. Ane dotofa bhagamu we suana, fodoliane dua bhe kemamu.

Ane matamu suana naehabuangko dhosa, sungkie maka ohoe! Naetaa mobunto sembali bhe nasumangka mbadhamu, tamaka daꞌumohoko weo narakaa. Ane limamu suana naehabuangko dhosa, totoe maka ohoe! Naetaa kolima sembali bhe nasumangka mbadhamu, tamaka mesua narakaa.